吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 純粹分享內心感受

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1660 | 回覆: 10

純粹分享內心感受 [複製鏈接]

chaucrystal

別墅

積分: 665

1^#

發表於 16-1-28 15:40 |只看該作者 |倒序瀏覽 |打印

唻緊5月至6月，我屋企工人會放兩星期大假返菲律賓，意味住我嘅人奶生崖要結束了，因為身邊嘅人一向都唔支持我餵人奶，連原本支持嘅家姐，而家都話「你都餵咗差唔多一年啦」。大家唔支持嘅原因離不開「唔方便」「搞到自己冇時間休息」「人奶B好黐身」等等等等，另一方面，我覺得佢地戴有色眼鏡去睇餵人奶和泵奶。

不過最重要係我泵奶嘅時候需要其他人幫我照顧住兩個女，工人係幫我打工嘅，所以佢會照我說話做，但要求其他人嘅時候，往往換唻「你得未呀？仲有幾耐架？」「我都話餵人奶麻煩架啦」「你都好辛苦啫，做乜要搞到自己咁」等等等等，搞到我好大壓力，成日都覺得自己餵人奶真係好唔啱，麻煩咗身邊嘅人。

其實我都打定輸數要收奶，同時亦好響往唔駛限時限刻泵奶、夜晚早啲瞓、朝早一瞓醒就同BB玩、星期六日瞓醒可以一家人即刻出去食早餐、BB喊我可以即刻走埋去抱佢錫返、出街唔駛搵定哺乳室、唔駛計住時間、唔駛天寒地凍打開件衫泵奶、唔駛再著冇承托力嘅哺乳胸圍，可以開始減肥…等等等等，但我心底裏仍有一絲唔捨得，雖然BB已經唔肯埋身四個月了，但係見到BB仍然飲緊自己泵出唻嘅人奶，飲到肥嘟嘟，有對粗大脾，大女仲識講「好味」，有時見細妹飲淨一兩安會幫手飲埋佢，我覺得好滿足，覺得自己盡咗做阿媽嘅本份，我真係覺得自己好叻，好抵讚，就算BB病咗都好快好返，不枉我由一日3安追到最高峰一日24安全人奶。

因為身邊冇知音人，所以想喺呢度寫出唻，純粹舒發吓內心矛盾嘅心情，歡迎過來人分享吓你地嘅經驗。

0 0 0

私人傳訊回覆引用

港式奶茶

子爵府

積分: 13131

開心吸收勳章

2^#

發表於 16-1-28 16:08 |只看該作者

回覆：純粹分享內心感受

我明白呀。我而家都餵到阿女20個月了，一歲後奶奶同阿嫂不斷叫我停餵人奶，阿嫂話我女到而家唔識講嘢係因為我無俾奶粉佢食（我女識講，少見嗰啲咪怕羞唔講），甚至有啲同期生bb嘅媽媽，話我個胸咁扁，邊度仲有奶俾阿女，話阿女當我奶咀咋，咩說話都有！
我已經練成耳邊風，對呢啲說話哦哦哦就算，另一方面，都等待阿女自然離乳嘅一日，咁即係bb長大了，但唔代表佢唔需要媽媽，只係佢響其他方面更需要媽咪。唔駛理其他人點睇，你只係做緊份內事，見到bb對粗脾仔證明你餵得好好。加油呀！

私人傳訊回覆引用

ho-liday

子爵府

積分: 10677

我的育兒心得勳章想生BB熱投

3^#

發表於 16-1-28 16:50 |只看該作者

是否細囡都餵到一歲但係埋唔到身呀? 食固食得好唔好? 如果埋到身, 就淨食早晚, 日頭全固都得 ga la.

我唔係泵媽, 不過之前番工都要泵奶, 真係好唔方便。如果淨餵早晚你仲頂唔頂得住?

小朋友痴媽媽係天性, 佢食固體時比多D其他人餵...

我呢... 其實同人講佢地食晒固體 ga la 幾好呀(然後帶走話題) 除老公外, 我唔會再同其他人講餵人奶D野, 我仲同大囡講, 呢個係私人時間, 唔比其他人知, 所以佢引起時, 會係我耳仔邊講"我想食奶奶呀"

其實戒人奶真係好唔捨得, 不過戒左, 唔等如你唔愛佢, 唔同佢親密, 只係用另一個方式, 我餵左3年, 其實真係好攰, 亦好想我同小朋友的生活唔係淨係奶奶(奶引好大), 我都等緊機會同佢"商量"一下食到幾時....

吾意愛而不錮，尊而不評，同而不擾，邀而不迫，離而無怍，論而不責，助而無犯。得此相待，方互澤潤

私人傳訊回覆引用

k_k_k

男爵府

積分: 5830

4^#

發表於 16-1-28 17:04 |只看該作者

回覆：chaucrystal 的帖子

好彩我屋企人冇嫌我成日泵奶，但有時自己照顧2個小朋友餵人奶（用樽）、泵奶的確有啲麻煩! 你好好呀！大囡同細嘅都肯飲你嘅奶

私人傳訊回覆引用

chaucrystal

別墅

積分: 665

5^#

發表於 16-1-29 00:37 |只看該作者

引用：我明白呀。我而家都餵到阿女20個月了，一歲

原帖由 港式奶茶 於 16-01-28 發表
我明白呀。我而家都餵到阿女20個月了，一歲後奶奶同阿嫂不斷叫我停餵人奶，阿嫂話我女到而家唔識講嘢係因為 ...

你阿嫂都好搞笑喎，唔講嘢關冇食奶粉咩事？我之前有睇過，人地話埋身食人奶嘅B，咀部肌肉練習得多反而會幫助說話能力。我大女咪係奶粉B囉，對住陌生人咪又係唔講嘢，有時心情唔好，戇居居嘅時候，對住婆婆姨媽呢啲個個星期見嘅都係十問九唔應。

私人傳訊回覆引用

chaucrystal

別墅

積分: 665

6^#

發表於 16-1-29 00:57 |只看該作者

引用：是否細囡都餵到一歲但係埋唔到身呀

原帖由 ho-liday 於 16-01-28 發表
是否細囡都餵到一歲但係埋唔到身呀? 食固食得好唔好? 如果埋到身, 就淨食早晚, 日頭全固都得 ga la.

我唔 ...

講起細女唔肯埋身真係一匹布咁長，簡單唻講，當時要顧及大女感受，所以好少埋身，加上之前仲要返工，餵樽餵得多，後期出牙仔開始係咁咬我，啜兩啖就用條脷玩我乳頭，所以七個月開始就冇再埋身了。

而家細女仲有一星期就11個月，兩固三奶，每日17安人奶，食固食得好好，所以我喺聖誕節嘅時候由四泵減至三泵，而家每次都要power pump先夠數，叫做每日啱啱好夠食。暫時唻講，三泵已經舒服過之前好多，只係擔心如果工人放假期間都仲要咁樣泵，我冇乜信心應付到，而且兩個女開始大，到時大女2歲7個月，細女1歲3個月，我諗可能要多啲時間照顧佢地心靈上嘅需要，當然我都仲諗緊我過唔過到嗰兩星期。