吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 關於個仔的教育問題

少年成長今日: 0|主題: 16040

收藏本版

發帖

返回列表

跳至頁

查看: 2100 | 回覆: 10

關於個仔的教育問題 [複製鏈接]

lamsam8

別墅

積分: 927

1^#

發表於 16-3-8 14:11 |只看該作者 |倒序瀏覽 |打印

啊仔就嚟三歲。先講下個仔可以做到的事情:可以自己穿外套，褲子，鞋襪，飲奶，吃飯，去廁所。早晚刷牙也會要求自己補幾下。
睇落好似好乖，但其實最攞命是他的性格。

嬌氣，又固執，不聽大人講，一嘀嘀嘢都可以喊，如果已經滿足他的要求了，他也會再找一些問題出來吵，喊。同埋時常專門同大人做對，我兩公婆幾乎日日為左個仔點教育吵。

老公認為，個仔就要三歲了，什麼東西他都要自己學習，於是乎在兩歲開始，已經戒坐BB車，兩歲半就要他自己吃飯，大人不準喂，邊個喂駡邊個，同埋個仔鐘意吃吃下又唔吃，發呆，或者等我喂，所以經常被老公打駡(老公性格也很衝動，看不慣兒子的嬌)。
我時常覺得兒子很慘，每次吃飯也會時不時喂他，因為在我認為，小孩子當然吃飯會慢，兩歲幾的小朋友很多時做不了太太多複雜動作(我小時候也是被媽媽喂飯至四歲才自己吃飯。)。所以一開始老公打駡，我就會出聲反對。

可能就係甘樣，仔仔越來越反叛，你叫他不要做的事情，他偏要做。我們教他哪些會對他好的事，他偏不做。只認定自己要做什麼，即使講他知做出來結果不好，他仍要做。有時也會以自己為中心，不理他人感受。每天問他在幼兒園學了什麼，他說不知道。
而且又會針對老公，成日當爸爸無道，激到老公要打要駡。我亦成日教導兒子不要這樣，要聽話。甚至我也會因為兒子的不聽話而打他。但都無用。到後來，除非老公太過分，否則我也認同責打可以起到些許作用。

其實寫完後，我發覺現在我們已不知道該如何教導他，責打其實不是好的教育。但真不知到如何改變他這硬頸，嬌氣，不聽話的性格了。有無過來人可以講下我們做父母的該怎樣？

0 0 0

私人傳訊

xiaojij

別墅

積分: 519

2^#

發表於 16-3-15 08:54 |只看該作者

我的情況跟你相若，因同奶奶老爺同住，個仔由細就俾奶奶寵壞，但囝囝一唔聽話，奶奶就講：“衰仔，邊個邊個人哋唔會咁㗎，最衰你㗎啦，成日唔聽話……”次次聽到火都嚟，所以咪大聲閙仔，有時老公睇唔順又吵，又鬧，又打，次次打自己又會心痛，其實自己覺得阿仔已經唔算難教，做功課又肯俾大人教，叫佢溫書又肯溫，有時我哋教，啲老人家又插口，真係一言難盡。

私人傳訊

scgift

男爵府

積分: 6699

3^#

發表於 16-3-15 09:32 |只看該作者

回覆：關於個仔的教育問題

你們自己一手做成的，你們自己打返工都唔想老闆或上司日日對自己呼呼喝喝，放口大罵吧？!更何況出手打？! 家長點樣對小朋友絕對會影響小朋友性格，打罵係最差既教法，只會破壞親子關係，小朋友又唔會有咩改善。

私人傳訊

PS123

子爵府

積分: 14495

2024年龍年勳章 hashtag旅遊勳章 DHA勳章

4^#

發表於 16-3-15 11:42 |只看該作者

回覆 lamsam8 的帖子

我細女都係呢類型嘅小朋友，好自我，唔鐘意服從! 我嘅睇法係要幫小朋友定個目標，而唔係家長定目標比自己！
例如:

你嘅目標係要小朋友係特定時間食完呢一碗飯，在小朋友角度"我肚餓咪食囉！唔肚餓做乜要逼我食啫！". 咁家長見小朋友唔肯食另到自己達唔到目標就開始燥，又打又鬧。咁小朋友就係咁一頭霧水咁比人打咗一身！對小朋友來講，佢哋只會覺得爸爸媽媽因為我唔肯食飯所以打我！

但如果幫小朋友定返一個目標，個過程就會唔一樣！同小朋友講清楚定時食飯嘅好處，可以係指定時間食哂嘅話可以得到佢最愛嘅雪糕！嗱！小朋友食唔哂，但又想食雪糕就開始發皮氣！但係呢個時候就可以同小朋友講你想食雪糕就必須食完碗飯！用呢種方法去鼓勵小朋友達到自己目標！

私人傳訊

PS123

子爵府

積分: 14495

2024年龍年勳章 hashtag旅遊勳章 DHA勳章

5^#

發表於 16-3-15 11:59 |只看該作者

lamsam8 發表於 16-3-8 14:11
啊仔就嚟三歲。先講下個仔可以做到的事情:可以自己穿外套，褲子，鞋襪，飲奶，吃飯，去廁所。早晚刷牙也會 ...

其實性格係與生俱來，好難改變，但我哋要培養好小朋友有個正確嘅價值觀和生活態度！雖然我都覺得我細女比較難揍！但我就係鐘意佢咁嘅性格！唔放棄，成日揾計仔得到自己想要嘅！

私人傳訊

lamsam8

別墅

積分: 927

6^#

發表於 16-3-15 14:53 |只看該作者

引用：回覆+lamsam8+的帖子我細女都係呢類型嘅小

原帖由 PS123 於 16-03-15 發表
回覆 lamsam8 的帖子

我細女都係呢類型嘅小朋友，好自我，唔鐘意服從! 我嘅睇法係要幫小朋友定個目標，而 ...

這方法也試過，有時候得，有時候囝囝當無聽過⋯也許我和老公應選D親小課程聽

私人傳訊

lamsam8

別墅

積分: 927

7^#

發表於 16-3-15 14:57 |只看該作者

引用：Quote:lamsam8+發表於+16-3-8+14:11+啊仔就

原帖由 PS123 於 16-03-15 發表
其實性格係與生俱來，好難改變，但我哋要培養好小朋友有個正確嘅價值觀和生活態度！雖然我都覺得我細女比較 ...

多謝支持！最近我倆公婆都決定去學D課程，希望對三個人都有幫助⋯

私人傳訊

sharonchan.0711

男爵府

積分: 6564

8^#

發表於 16-4-23 14:20 |只看該作者

教仔要用鼓勵式代替命令式，希望你同你老公學多D課程，睇多D育兒書幫助非常大

.
.
不随便評價他人，是一种修養。而不活在別人的評價裡，是一种修行。

.
.

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

9^#

發表於 16-4-25 05:51 |只看該作者

本帖最後由 bosch 於 16-4-25 05:53 編輯

樓主你個仔冇問題, 問題響你地度, 你地只係想小朋友受你地支配, 同時又唔了解你個仔, 仲有兩個大人之間又冇共識.

要3歲人仔自己食好正常, 其實歲幾2歲開始應該可以完全唔駛大人餵, 小朋友食幾多咪俾佢揀, 唔食咪算.

小朋友喊有咩咁大不了? 有時佢地係試你底線, 有時佢地真係太攰而少少事都會喊. 小朋友去到4,5 歲會係咁. 你留意下因咩事就喊.

堅持想做一d 野咪由得佢, 最緊要響安全又影響人地之下咪俾佢做下囉. 你地話佢唔聽話, 咁你地又俾幾多自由俾佢?

有d 小朋友係唔會講返學係咪, 我大仔係咁, 亦返學放學都唔唔少小朋友都係咁答d 父母. 佢地唔講, 可以引導式咁引佢講. 而家我個仔都係好少講返學d 野, 我都冇再刻意要佢講, 佢鍾意自然會自爆少少出黎. 你地會唔會試下接佢呢種性格?