懷孕前後今日: 0|主題: 330622

收藏本版

發帖

返回列表

跳至頁

查看: 1532 | 回覆: 4

QE催生分享 [複製鏈接]

koeyshum814

複式洋房

積分: 261

1^#

發表於 16-3-9 05:38 |只看該作者 |倒序瀏覽 |打印

本身個預產期係2月22日，但阿b係媽媽個肚到太舒服，唔捨得出黎，最終要2月29日入院催生。

當日7點半已經到左C2，換哂衫就檢查胎心半個鐘，之後等見醫生檢查宮頸夠唔夠成熟，大約10點醫生檢查宮頸已經成熟，可以落產房吊藥催生。（之前係到見到有其他post 都驚比醫生檢查宮頸，驚會好痛，但我就覺得唔痛，只要放鬆就可以啦）

11點落到產房就開始吊藥，12點開始陣痛，笑氣開始要用，陣痛好快5分鐘痛一次，途中醫生黎做檢查，檢查完就話開左止痛針比我，有需要可以打。唔知當日係咪因為日子問題，無咩人係產房生bb呢，有好多助產士係我房出出入入。

去到1:30左右，因為痛得真係好密加上原來仲未開度數，所以同姑娘講要打止痛針，講左一大段打完會有咩風險之後就幫我打，個支所謂既止痛針係止唔到痛既，只不過打完眼訓d，個人好迷迷糊糊咁，之後2點到宮頸已經開到5度，可能因為催生既關係，所有野都黎得好快，我好記得由姑娘同我講開到5度之後我已經好急、好想柯，去到依一刻已經係咁用個笑氣，去到4:30左右我又禁鐘話好急，姑娘檢查完就叫我試下柯，試左2次唔成功咁就叫我唔好試，唔好嘥左d氣，就叫我再等下。等到5:30真係忍唔到，再同姑娘講真係好急，姑娘就準備好d野之後就教我點用力，陣間痛既時候吸大啖氣用力push ，第一下唔得，再吸第二啖氣都唔成功，到左第三啖氣，阿b個頭仔終於出黎，再比d力個身都出埋，個刻真係好似柯完督陳年舊屎咁，舒服哂。跟住幫bb清潔好就放係我心口到同阿b做親密接觸，期間可以用產房既固網電話打比屋企人報喜。清好哂胎盤聯好哂針就上產後房啦。

上到產後房已經8點幾，過哂探病時間，但係都會有10分鐘比老公入黎見下面，幫手執下野，之後我再同阿b做親密接觸，就推阿b去做檢查啦。