派對情報今日: 0|主題: 10923

收藏本版

發帖

返回列表

跳至頁

查看: 10441 | 回覆: 22

分享: 第一次搞户外BBQ生日會 [複製鏈接]

bennyeva

別墅

積分: 606

熱血勳章

1^#

發表於 16-10-3 15:04 |只看該作者 |倒序瀏覽 |打印

星期日幫阿女搞咗個BBQ生日會，事前工夫做足，同大家分享下😘

蛋糕：Natural Cxxffon
叫咗一個大蛋糕連30個大cup cake 套餐，另加左一盒25個Mini cup cake . 送貨蛋糕係go go Van ,但係職員超級有禮貌, 到貨嘅時候全部都好齊整冇漏單。蛋糕設計同我嘅要求一啲都無錯，三個公仔都係tailor made , 影相無得輸，所有小朋友食得好開心，連大人都話要攞走。套餐連獨立裝膠盒，之後送俾人好得體。超like!!!

食物: 五餅x魚+自製+ pizza box
叫咗兩個套餐，總共19盒，食物準時到達，送貨工作人員非常禮貌。巴馬火腿蜜瓜，壽司好同埋沙律全部食晒。叫左好番歡迎嘅豬串骨同埋原條牛仔骨，青口幾好，overall全部食物都夠熱同夠凍，只係食淨啲菜同甜品，所有人都覺得好好食。

另外我哋場地係有燒烤，我晨早去街市買咗花甲同蝦，兩個鐘吐沙，現場燒腸仔雞翼之類，熱辣辣，非常受歡迎。

Pizza box , 大批四個，準時，都幾好食，好食過Pizza 黑同PH啲。掃淨一個素pizza 攞番屋企。

飲品：惠x
預咗室外場地會好多人飲嘢，我哋買咗大量汽水果汁，包裝飲緊竟然剩返好多，但汽水全部掃清，如果大家搞活動，記得買多幾支水，原來水都好受歡迎，我兩支都唔夠。

攝影師: Photo Bexx
專業攝影師，負責任，一早就到左，影相又靚，捉到好多特別鏡頭。仲幫我手吹波比小朋友，真係無得頂！

Game corner : 自製
因為喺戶外，遊戲最好預備帳幕同mat，裏面放晒啲貼紙指甲油吹波波畫具等比小朋友自己玩，因為佢哋食完野就唔會坐定，所以擺定個game corner比佢哋玩好啲，擺咗部夾公仔機， OK受歡迎，所以活動冇印水紙，佢哋都冇悶親👍

場地佈置：Happy Haxxxx Birthday
特登加左氣球佈置，結果爛晒，係我今次活動唯一失敗之處，揀咗間黑店,一早已經話咗比佢哋聽係要室外。話自己有好多經驗，竟然尋日20幾度冇太陽，啲氣球都爆曬，搞到我個生日會好似煙花匯演咁。場地仲有個負責物資嘅女人係度大叫大鬧，我有些小朋友喺度，嚇親我個囡。😓😓😓佢鬧完負責個party 姐姐就走，又唔係幫到手......當我唔好彩啦⋯⋯呢間野，比錢之前就乜都得，但之後問佢當日負責人聯絡又唔講，點安排遊戲又話唔知，我問預備定物資竟然話佢哋唔需要準備。總之就係冇晒影。後來我先知，原來佢哋係請外判同請part-time返嚟做嘢，唔怪得乜都唔知啦😞

魔術表演加遊戲：Happy Haxxxx Birthday
同一間店嘅套餐包左，佢好明顯係外判魔術師（呢間店竟然安排個第一次合作表演嘅魔術師俾我😓）同一個場地，又比我知道同一個屋苑，呢間店又有另外一個job，佢地就安排一個好有經驗嘅魔術師。屋苑嘅人我都識得架啦，我即時O嘴啦，算啦！小朋友有簡單嘅魔術都開心，魔術師可以控制到個時間，個魔術師本身係幾nice，只不過佢入錯左間咁嘅公司做野囉⋯⋯

Party 姐姐：Happy Haxxxx Birthday
一個帶病上陣，仲要俾自己公司d人鬧到飛起嘅part-time party姐姐，佢嗰日病咗，唔記得幫手玩套餐包嘅tattoo，其實佢真係好辛苦，所以我都覺得算啦⋯⋯所以當日我都好体諒佢，真係搵食艱難

禮物：Artistic Xxxx + 一田 +文具店
預備左三份禮物，比小朋友抽奬之用，為咗有啲特別，去咗Artistic Xxxx 買d小手工送比小朋友抽

除此之外，去咗一田買大量獨立包裝零食，有朱古力，餅，提子乾，糖糖等等。全部到晒落一個大盒，要同女主角玩玩包剪揼，輸咗就用個細筲箕撈零食，贏咗就用過大筲箕撈，務求將啲糖送晒出去。👍咁簡單啲小朋友都勁開心

最後係回禮禮物，迪士尼公仔文具套裝同大型錫紙汽球。見黑公司報價貴一倍，於是我托朋友幫我買平一半，每人一份都幾開心。

總結:
呢個活動籌備用咗三個月，結果當然係個個都好開心啦，反應好好，食物受歡迎，遊戲都好好玩，蛋糕無得頂。我只係唔好彩揀咗間十問九唔知嘅黑店，decoration 爛晒囉。不過因為天氣好好，無落雨，我個囡又開心，參加嘅小朋友又玩得盡興，大朋友又有得食得好，overall 都好滿足，辛苦都值得！