吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 關於大埔廣場little Londoner

香港18區媽媽會今日: 0|主題: 156991

收藏本版

發帖

返回列表

跳至頁

查看: 4595 | 回覆: 30

[大埔區] 關於大埔廣場little Londoner [複製鏈接]

雅BB

別墅

積分: 696

1^#

發表於 16-11-9 00:07 |只看該作者 |倒序瀏覽 |打印

Little Londoner ，大埔廣場的，我女女2歲，因為無playgroup班，職員安排入pre-school，我問2歲會唔會太細，佢話只要唔太喊都可以，現時都有2歲多啲既小朋友讀緊。

去試左一堂，當時因為遲到，職員收錢後就抱左女女入房（課室），跟手關門。個過程係完全意料之外⋯⋯我話想同女女交待聲，佢話唔好，解釋話如果同小朋友講要走，可能佢會成日諗住，易喊。我唔清楚係咪真係咁，心諗人地係專業，應該都岩既。

但間房係完全封閉，我完全睇唔到入面情況亦無閉路電視等可以了解到，好擔心女女情緒。亦唔知老師咩樣，點樣對小朋友⋯⋯於是係大門口行來行去，職員開門同我解釋話如果小朋友喊，佢地會氹的，如果真係喊得太勁會打俾我。我講出顧慮話唔知入面情況如何。職員最後話可以影幾張相俾我。

後來上完堂出來，女女見到我有啲想喊出來，眼濕濕咁。我諗都正常既，第一次嘛，後來我問佢之後仲要唔要來，佢話要（我女通常只要唔係太難接受既野都會話要的）咁我又睇完職員俾既相，講返課堂內容，覺得可接受，於是交左一個月學費。

琴日岩岩上完第二堂，我特登藉故係門口停留多一陣，唉，實在好擔心小朋友情緒呀，而且真係完全唔知入面咩情況⋯⋯聽到女女喊，又聽到個職員話“唔好喊呀，返學唔可以喊架xxx”聽到呢句我其實唔多鍾意，對住小朋友，得2歲，面對佢喊既時候，我覺得更需要既係安撫佢情緒，好過生硬喝令佢唔好喊。咁細既小朋友，如果連喊既自由都被剝奪，以後係咩做咩事都會畏畏縮縮，有咩事都唔敢表達呢⋯⋯唉⋯⋯

最後，接放學時，女女出來，我見佢又係眼濕濕⋯⋯其實我都矛盾⋯⋯唔知係咪正常情況⋯⋯我有同女女溝通，問佢頭先玩得開唔開心，係咪有野食等等⋯⋯佢口齒未太清楚所以我都唔肯定佢講乜，情緒上又好似唔抗拒再去⋯⋯

想問有無家長返緊或返過little Londoner ？有無多啲資訊可以分享？

[img]http://www.baby-kingdom.com/static/image/common/mobile_v1.gif[/img]

0 0 0

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

2^#

發表於 16-11-9 02:27 |只看該作者

雅BB 發表於 16-11-9 00:07
Little Londoner ，大埔廣場的，我女女2歲，因為無playgroup班，職員安排入pre-school，我問2歲會唔會太細 ...

本帖最後由 kandyb 於 16-11-9 02:31 編輯

如果我係你，就唔會比小朋友繼續返呢。就算返playgroup, 剛開始時都應該由家長陪住一齊上堂，唔可能完全唔知裡面發生咩事，就算幫小朋友適應"分離", 亦唔可能一刀切即刻就同父母分開，可能要當佢地適應左環境或當投入玩遊戲時，父母慢慢離開。而更錯既係，解返學唔可以喊？就算返K1,頭幾日都有適應期，家長可以陪上堂或陪耐d先走，小朋友喊係正常不過。小朋友係需要家長從旁鼓勵同幫助先可以成長，並嗰係威逼恐嚇。只係我自己個人意見，樓主希望唔好介意，如果你自己都覺得有問題，又何必繼續擔驚受怕？

私人傳訊

大吉大吉

大宅

積分: 2417

3^#

發表於 16-11-9 09:02 |只看該作者

雅BB 發表於 16-11-9 00:07
Little Londoner ，大埔廣場的，我女女2歲，因為無playgroup班，職員安排入pre-school，我問2歲會唔會太細 ...

我覺得小朋友太細個，唔適合返哩一類o既學校，因為小朋友仲細，佢哋會有分離焦慮，佢哋係要慢慢適應，唔可以咁樣一下子就抱走上堂，啲小朋友都唔知發生咩事就比人抱走咗，你又見唔到，佢又唔知做乜媽咪唔見咗，你諗吓如果你喺你囡囡你會點，真係完全唔見意你繼續落去，其實大埔都有好多PLAYGROUP，例如CPDA，德智樂等等，如果你想要英文，開心果都可以，你試吓去睇睇吖，唔好再返喇！

私人傳訊

雅BB

別墅

積分: 696

4^#

發表於 16-11-9 13:25 |只看該作者

大吉大吉發表於 16-11-9 09:02
我覺得小朋友太細個，唔適合返哩一類o既學校，因為小朋友仲細，佢哋會有分離焦慮，佢哋係要慢慢適應，唔可 ...

多謝你既分享，都基本講中我心聲⋯⋯仲有6堂，俾左錢，我諗都要上埋佢。上第二堂個時我地提前兩三分鐘到左學校，大家係門口等入去，開門時女女都有沖入去，係入到去一排之後諗起唔見媽媽就喊⋯⋯

開心果要waiting list 而且好似都幾貴下⋯⋯而家呢間係$170/堂

另外請問你講既playgroup係咩地方呢？我其實只見到兩個，一個都係大埔廣場，形式其實差不多，都係無大人⋯⋯

其他好似唔多覺有，所以想問問有咩好啲既pg適合2歲小朋友呢？
唔係想學英文，係因為女女好慢熱，唔多接受同陌生人一齊玩，我見其他去過pg既小朋友都比較外向，所以我先諗住俾佢近距離接觸其他小朋友玩多啲（平時日日都有去街去公園，但佢都唔肯同其他小朋友一齊玩）

私人傳訊

小紅梅

珍珠宮

積分: 37295

5^#

發表於 16-11-9 13:46 |只看該作者

回覆樓主:

冇讀過呢間，只係覺得佢做法有啲似某啲幼稚園，捉左個小朋友入去唔比家長見，有啲幼稚園係咁對n班學生，迫佢地快些適應，幼稚園我覺得冇問題，幼師都有專業資格，但如果係出面的課外班，我就完全接受唔到佢做法，我覺得佢會嚇親我小朋友，又唔知同班程度，我亦唔相信佢地會好有愛心咁哄佢，我冇讀過唔敢講間野有冇問題，只係覺得小朋友太細，唔好嚇親佢，大小小再學啦。

私人傳訊

雅BB

別墅

積分: 696

6^#

發表於 16-11-9 14:12 |只看該作者

kandyb 發表於 16-11-9 02:27
本帖最後由 kandyb 於 16-11-9 02:31 編輯

如果我係你，就唔會比小朋友繼續返呢。就算返playgroup, 剛 ...

完全唔介意，好多謝你！原來K1都可以俾家長陪堂幾日⋯⋯我真係唔知⋯⋯

我的確係心存顧慮，因為全封閉，完全唔知入面發生咩事的，唔知小朋友情緒如何亦唔知老師點樣對小朋友。的確如果正式返學我地都睇唔到老師上堂情況，但個時小朋友都比較大了懂事好多，而家2歲，我真係驚會影響到小朋友心理

係呀，其實重點就係我聽見老師話“唔好喊呀，返學唔可以喊架！xxx”唔知係佢地正常處理手法，定係老師唔知我係門外會聽到⋯⋯總之當時心入面真係唔舒服，因為我平時都唔會叫女女唔好喊，而係會問佢因咩事喊或者“係咪因xxx所以喊？”，2歲都未太識講嘢，唯有用喊來表達，生硬咁阻止小朋友表達，真係有啲殘忍⋯⋯

其實真係矛盾，想俾佢繼續返，又唔想，仲有6堂。我諗有小朋友一齊玩既當時應該都開心掛⋯⋯不過上完呢6堂應該唔會再續⋯⋯

私人傳訊

Cathy0207

大宅

積分: 4594

7^#

發表於 16-11-9 14:38 |只看該作者

明明有問題, 仲要keep 住, 真係奇怪!

私人傳訊

雅BB

別墅

積分: 696

8^#

發表於 16-11-9 15:00 |只看該作者

小紅梅發表於 16-11-9 13:46
冇讀過呢間，只係覺得佢做法有啲似某啲幼稚園，捉左個小朋友入去唔比家長見，有啲幼稚園係咁對n班學生，迫 ...

講起幼稚園⋯⋯大埔我報左禮賢會（正校）、李榮基、大埔墟浸信會，來緊禮拜六就會面試墟浸，唔知咩情況，有啲話間學校幾好，有啲又話見啲學校好像比較野蠻

到時面試再睇睇情況先，女女都未必入到。

私人傳訊

valeriema

別墅

積分: 575

9^#

發表於 16-11-9 15:12 |只看該作者

我個女之前上過運頭塘的譚社 (協康會)開的班, 都好的....
你可以打電話去問下...

譚杜中心
地址: 新界大埔運頭塘邨運來樓地下14至15室
電話: 2638 8863
傳真: 2656 6253
電郵: [email protected]

私人傳訊

valeriema

別墅

積分: 575

10^#

發表於 16-11-9 15:24 |只看該作者

另外, 若果你都諗住唔會繼續, 咁點解仲要上埋嗰六堂呢?
錢就點都已經比了, 冇得攞番...
繼續上會否影響小朋友的心理發展?
其實間嘢一開始已經有問題, 明明得兩歲就要跟pre-school 的一齊上堂, 我相信你個小朋友都唔會跟得上, 咁仲上來做乜, 我令願帶佢去公園玩仲好, 一樣會有小朋友, 你都係想佢接觸多D 人之麻...
希望你唔好介意我咁講...

私人傳訊

alexchrome

大宅

積分: 1267

11^#

發表於 16-11-9 15:38 |只看該作者

雅BB 發表於 16-11-9 14:12
完全唔介意，好多謝你！原來K1都可以俾家長陪堂幾日⋯⋯我真係唔知⋯⋯

我的確係心存顧慮，因為全封閉， ...

我女係返樓上有提過嘅其中一間PLAYGROUP , 由18個月開始返, 嗰時係家長同小朋友一齊上堂玩 , 到22個月升左班就開始分離 , 做法係小朋友玩緊時老師比SIGNAL家長行出課室 , 但都係有個窗可以睇返小朋友 , 當小朋友發覺唔見左家長時老師會話比小朋友知家長係窗外 , 如果小朋友OK就繼續唔OK就會叫家長返入黎。到24個月就會比小朋友真係見唔到家長情況下上堂 , 但唔會好似你嗰間硬性要分離 , 小朋友唔OK都要家長陪住上

私人傳訊

雅BB

別墅

積分: 696

12^#

發表於 16-11-9 16:04 |只看該作者

valeriema 發表於 16-11-9 15:24
另外, 若果你都諗住唔會繼續, 咁點解仲要上埋嗰六堂呢?
錢就點都已經比了, 冇得攞番...
繼續上會否影響小朋 ...

多謝你分享，其實就咁既⋯⋯我發帖之前，係心存顧慮，唔知係咪自己諗多左或者理解錯，所以想問下有無小朋友係讀過呢間，或者其他pg情況係點樣⋯⋯

睇完大家分享同分析，我就覺得應該真係唔適合俾佢再去讀，但我想上埋個6堂，一來係客觀因素啦，6堂都一千蚊係度，就咁唔去真係⋯⋯二來係我同女女講，xx又去返學啦，有老師同小朋友玩，好唔好玩呀？佢答我好玩。唔知係咪真啦，但見到同班其他小朋友都幾開心去上堂（佢地讀左幾個月），所以我都想再觀察下。

我當時淨係見到兩間，相比之下揀左呢間（兩間都係小朋友自己上堂，唔比大人陪）⋯⋯而家先知原來有其他更好選擇會多啲照顧小朋友情緒，我會再去了解，確實都係我自己準備功夫做得唔夠，太過倉促，諗住外籍老師應該會care小朋友，但唔知實際情況原來同想像係有多少出入⋯⋯

你介紹既譚社我打左電話去問，話要排四五個月左右先會有位，我再上網睇下資料先。再次感謝:mother:

私人傳訊

雅BB

別墅

積分: 696

13^#

發表於 16-11-9 16:24 |只看該作者

valeriema 發表於 16-11-9 15:24
另外, 若果你都諗住唔會繼續, 咁點解仲要上埋嗰六堂呢?
錢就點都已經比了, 冇得攞番...
繼續上會否影響小朋 ...

係了⋯⋯我其實基本上日日都帶佢去公園或其他戶外地方玩的⋯⋯不過好少近距離可以直接同其他小朋友交流之類，其他小朋友都係基本上自己玩自己。有啲男仔就會幾個一齊玩下車仔。

我住深圳，呢度公園同香港有少少唔同⋯⋯地方較大，啲人都係跑來跑去，有娛樂設施既地方就算近距離玩同一個譬如滑梯，佢地小朋友之間都基本無交流的，最多都係叫佢排隊，注意禮讓之類，可能係我唔識引導

試過香港玩滑梯，就勁多小朋友係度玩，相對會接觸多啲，我呢邊的話基本三四個⋯⋯因為除左滑梯，仲有其他好多野玩

我有試過叫女女帶玩具出去玩，咁樣可以引其他小朋友過來，個時我就會同女女講同其他小朋友一齊玩，開心啲，佢又唔肯，最多係直接俾個玩具俾人就算，行開繼續玩其他⋯⋯

所以我諗我想要既，係一個地方可以迫使幾個小朋友一定要有群體活動，焗住要交流⋯⋯等佢學識點樣同人相處，同埋知道其實同朋友一齊玩都好多樂趣，可以玩自己一個人玩唔到既遊戲。我諗呢個係我出發點⋯⋯

所以我先想搵pg，佢去過k1面試，去到就喊，怯場，人地問佢野又唔應，亦唔肯同其他小朋友一齊玩⋯⋯性格係好慢熱，我想佢可以開放少少，試下同陌生人接觸交流

私人傳訊

雅BB

別墅

積分: 696

14^#

發表於 16-11-9 16:26 |只看該作者

alexchrome 發表於 16-11-9 15:38
我女係返樓上有提過嘅其中一間PLAYGROUP , 由18個月開始返, 嗰時係家長同小朋友一齊上堂玩 , 到22個月升左 ...

你呢個聽落好好多⋯⋯唔知仲有無位呢？係咪收已經足2歲既小朋友？

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

15^#

發表於 16-11-9 23:12 |只看該作者

雅BB 發表於 16-11-9 16:26
你呢個聽落好好多⋯⋯唔知仲有無位呢？係咪收已經足2歲既小朋友？

我諗alexchrome講既應該係德智樂，我個囡2歲幾時都有返過，如果想比小朋友學前適應，的確係唔錯既。你可以打去問下，應該有位同埋可以試堂，試完再諗join唔join都唔遲。同埋補充少少，我唔知係咪間間幼稚園K1開頭幾日都可以陪上堂，但我囡讀嗰間就有，都聽過有d幼稚園都有呢個安排，到時報讀可以問下校方，應該都有相應對策。

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

16^#

發表於 16-11-9 23:25 |只看該作者

雅BB 發表於 16-11-9 16:24
係了⋯⋯我其實基本上日日都帶佢去公園或其他戶外地方玩的⋯⋯不過好少近距離可以直接同其他小朋友交流之 ...

本帖最後由 kandyb 於 16-11-9 23:27 編輯

我囡同你個囡差不多，慢熱，陌生人同佢講野，佢唔出聲，冇反應，呆。得罪講句，香港教育好畸形，偏向接受大B, 排斥細B, 偏向鐘意外向型，排斥內向型小朋友。其實性格每人不同，我地大人都係，你係開心果鐘意約大班朋友，我就鐘意自己一個睇書，冇話邊個好邊個唔好，但無奈面對呢個現實，我當時都比囡囡去pg, 希望盡量可以比佢接觸多d人，學習表達得多d, 都有少少幫助既，但當時in K1根本完全唔敢抱希望，因為佢幾乎唔做指令，唔講野，但最後都有幼稚園收，所以你都唔洗太擔心，好多野呢一刻佢未識，但好快就會識，將來可能講野講唔停都唔出奇。