吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 如何由補奶粉變全母乳？

母乳餵哺今日: 0|主題: 85706

收藏本版

回覆發帖

返回列表

跳至頁

查看: 3360 | 回覆: 5

如何由補奶粉變全母乳？ [複製鏈接]

iris2014

子爵府

積分: 10870

1^#

發表於 16-11-10 20:14 |只看該作者 |倒序瀏覽 |打印

本帖最後由 iris2014 於 16-11-10 20:14 編輯

Bb現在仍在醫院，因胃消化有問題，現在開始逐步加奶比佢飲（即使我到醫院探他也不可以埋身餵奶，因要知道他吃了幾多奶以便觀察他的消化情況），相信到出院時會飲70-100ml一餐，而我現在每三個鐘泵一次奶仍然只得15-20ml奶。

出院後打算全埋身餵奶希望可以多啲奶，有幾個問題想知道

1. 起初是否照返醫院份量補返足夠奶粉？因為最初bb係收水太多和有點脫水（但個時都有濕片....）而留醫的

2. 如果我逐步減少奶粉份量，又點知佢有冇脫水或者又輕左磅？（bb現在比同期仍是輕磅b，除左睇濕片有咩方法知道佢埋身係食得足夠？）

3. 如果我要追奶，是否bb一有想吃的訊號便立即埋身？埋完身後仲需要泵奶嗎？因為上一胎埋完身泵奶最後搞到成日都冇得瞓（而第一胎最後亦只能一直每餐補奶粉）..... 我知道休息對增奶都好重要，但只靠多埋身去增奶是否可行？

希望有由補奶粉成功過渡到全埋身既媽媽可以分享心得，謝謝！

0 0 0

私人傳訊回覆引用

Mydogbibi

複式洋房

積分: 493

2^#

發表於 16-11-13 12:05 |只看該作者

iris2014 發表於 16-11-10 20:14
Bb現在仍在醫院，因胃消化有問題，現在開始逐步加奶比佢飲（即使我到醫院探他也不可以埋身餵奶，因要知道他 ...

因為唔係好識埋身嘅關係，Bb頭一個月我都有補奶粉，一日兩餐奶粉 6餐人奶，基本上佢初初埋身時間真係唔會耐都係2-3分鐘，我都好驚佢唔夠飽，所以就一得閒就比佢埋下身，順便比自己練習下，到左第二個月我就可以全人奶，直到而家bb都6個月大喇快心可以做到嘅(emoji)(emoji)

私人傳訊回覆引用

晴ching

別墅

積分: 777

3^#

發表於 16-11-14 00:26 |只看該作者

iris2014 發表於 16-11-10 20:14
Bb現在仍在醫院，因胃消化有問題，現在開始逐步加奶比佢飲（即使我到醫院探他也不可以埋身餵奶，因要知道他 ...

埋唔到身就只能密密泵
多喝嘢（代茶湯水一日最少3l)
儘量休息多d (不過我坐月時都係一日加加埋埋訓得都係四至六個鐘）

我仔開頭好努力食但原來佢自己條脷會慣性食奶時頂開奶頭
搞到自己食唔多但食極都唔夠飽
最後補粉唔埋身改泵先出得院

我出院時bb未退黃所以要二個鐘左右餵佢一次
果時總之佢食一餐我就泵一次
開頭都係泵得唔多 20-50ml不等
唔夠一餐比佢食就人奶唔夠果餐就補奶粉
3w退曬黃果時先慢慢試埋身
6w先唔洗再補粉全人奶埋身

私人傳訊回覆引用

kiko_mami

水晶宮

積分: 54414

2018復活節勳章 wyeth冷知識勳章好媽媽勳章醒目開學勳章畀面勳章

4^#

發表於 16-11-14 06:10 |只看該作者

回覆樓主:

我果時密密餵，慢慢補少左，之後就變全埋。bb越啜就越多奶，佢一叫我就餵完全冇理時間，印象中個零鐘一次，係好辛苦完全冇得訓，我放佢係隔離訓住餵。當奶水充足就可以餵疏d 就舒服d 啦，加油

感激遇上你~

私人傳訊回覆引用

Yamamama

別墅

積分: 809

5^#

發表於 16-11-17 09:17 |只看該作者

回覆樓主：

本帖最後由 Yamamama 於 16-11-17 09:57 編輯

我遲遲都未係好上奶，又唔脹又唔谷，泵又得好少，但堅持要埋完身先補，由出院後幾日餐餐補60，到慢慢補少啲餐，到兩個多星期大，開始試下補30，然後暗佢瞓，再觀察夠唔夠濕片，同時聽母乳姑娘講改變模式，餵密啲，差不多廿日左右先開始有上奶感覺，然後一日只補一、兩餐，到今日BB 滿月，最近呢6日只補過一次30，其他全埋身，我都估唔到可以由補粉真係做到全埋身，希望你都早日可以轉埋身，加油啊媽媽！

我係新手並生手媽媽，未必解答到你啲問題，不過可以分享健康院俾我嘅建議，我果時姑娘教我埋身後4小時內如果無濕片，要有約45毫升，就要補奶粉。另外佢話開頭只要餵密啲，BB 食得啱，好快可以增到奶量，佢話要個半鐘叫醒佢食一次，一日餵十次，不過當然仲要記得休息同飲多啲水。因為餵密左同時要爭取時間休息，所以我當時無埋完再泵（當時醫生都提我唔好顧住泵，泵都最多15分鐘，寧願多啲時間休息）

私人傳訊回覆引用

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

6^#

發表於 16-11-19 07:22 |只看該作者

iris2014 發表於 16-11-10 20:14
Bb現在仍在醫院，因胃消化有問題，現在開始逐步加奶比佢飲（即使我到醫院探他也不可以埋身餵奶，因要知道他 ...

1. bb 出院後, 你仲需唔需要知道佢飲幾多奶? 呢方面可能要問醫生至可以諗下一步點做.

如果唔駛再埋佢飲左幾多奶, 基本上可以全埋身. 如果你唔想太急進, 初初跟番現有做法, 之後慢慢由餵奶粉改埋身餵, 先
餵人奶, 後補奶粉.

2. 我只知睇濕片. 重量方面你要去磅至知. 脫水方面, 你同下醫生姑娘可唔可以教你點睇. 少左尿外, 我個家庭教我襟bb d 指甲, 我鬆手後指甲下面由白色好快變粉紅色即係無脫水 (Capillary nail refill test), 佢教我時我二仔細女幾個月大, 唔知初生bb 都係咁睇. 仲有其他方法check, 上網都搵到, 不過係咪適合用於初生bb 身上就要問醫生.

3. 我覺得唔駛泵, 有時間真訓多d 食多d 仲好. bb 有猛長期, 到時密密啜, 幾日後你會增奶.