自由講場今日: 366|主題: 1356064

收藏本版

發帖

返回列表

跳至頁

查看: 1538 | 回覆: 7

【靠攏杜之克】篤走珍姐愛將江美儀歸錯邊被封殺 [複製鏈接]

mickeyeva

瑪瑙宮

積分: 140931

2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 16-12-6 09:24 |只看該作者 |倒序瀏覽 |打印

本帖最後由 mickeyeva 於 16-12-6 09:25 編輯

江美儀原來得罪珍姐, 怪唔得知個個亞記啲女角都開始上位, 但都冇佢份做劇啦, 她做劇好睇, 但都要檢討吓自己為人

09年由亞視轉投無綫嘅江美儀，雖然同田蕊妮、萬綺雯同為亞視人，不過同人唔同命，被指派角色，唔係邪牌就二奶，全屬3、4線之流。直至13年，江美儀時來運轉喺《衝上雲霄II》演Head姐一角，同馬國明玩姊弟戀，終於奪得「最佳女配角」獎項。(新聞連結： http://bit.ly/2fZ5rzX

)

數月前，45歲之齡嘅江美儀，喺事業上終於遇上小陽春，接到好籌喺新劇《親親我好媽》中擔正做女一，唔使再坐歪，不過有指佢對劇本諸多要求不滿，更趁戲劇製作總監曾勵珍放大假時，單人匹馬殺上珍姐老頂，當時仍係助理總經理杜之克房中，越級投訴屬珍姐「馬房」，《親》劇監製關永忠。

結果套劇臨時煞停四日要大執劇本，套劇拍完，搞到停廠咁大鑊，呢個「鑊」梗係要人孭喇，最後喺無綫任職30年嘅監製關永忠搞埋啲套劇嘅後期同手尾，就要執包袱走。

據知情者講，當時有人以為珍姐失勢，趁住珍姐放大假嘅時候，一枝箭單人匹馬上去杜之克度投訴關永忠，此舉更有意宣佈投城余黨，可惜千算萬算，珍姐放病假1個月，空降返無綫7樓，冇耐仲升職，任助理總經理，結果有人機關算盡，可惜落錯盤……

愛將關永忠俾人篤背脊慘被送上「斷頭台」，珍姐心裡有數，有消息指珍姐旗下監製已經不會錄用江美儀，所以喺擔正嘅《親親我好媽》之後，已經冇人再搵佢拍劇，喺戲劇科又真係好似消聲匿跡。冇劇開，又舉手歸邊余黨嘅江美儀，唯一出路就係幫余詠珊做綜藝科節目，所以《街市遊樂團》咪見到佢做主持囉！可惜，都係畀一班師奶媽媽唾棄，話佢講嘢太刻薄。

江美儀擔正做女一嘅電視劇，拍咗嘅劇變倉底貨，冇劇開變埋「雪條」，唔知佢真係如相士講咁今年犯太歲，定係需要自我檢討一下呢！

	原定喺新劇《親親我好媽》首次擔正做女一嘅江美儀，因篤監製關永忠搞到停廠4日，結果監製被篤走，套劇亦變成倉底貨。(資料圖片)	45歲都做到女一明明要開香檳慶祝……(資料圖片)
得罪珍姐，想有運行都幾難！(資料圖片)	杜之克、余詠珊同曾勵珍之間嘅權鬥，無日無之！(資料圖片)	《衝上雲霄II》江美儀咀馬明呢幕好經典！(《衝上雲霄II》截圖)
《衝》劇仲為江美儀奪得「最佳女配角」獎項。(資料圖片)	監製關永忠同阿姐汪明荃都喺無綫做咗幾十年，屬無綫元老級嘅老臣子。(資料圖片)