興趣嗜好今日: 5|主題: 124403

收藏本版

發帖

返回列表

跳至頁

查看: 14350 | 回覆: 54

[其他] 100 日人仔已住院一個月有多 (謝各位閱讀）

[複製鏈接]

12 3

c9ha

男爵府

積分: 8186

1^#

發表於 17-8-2 22:31 |只看該作者 |倒序瀏覽 |打印

本帖最後由 c9ha 於 17-8-7 07:22 編輯

本帖最後由 c9ha 於 17-8-3 06:31 編輯

我女剛好今天 100 日，但佢已經住左喺醫院 1 個月有多 ....

還記得佢初初足月 39 週出世時喊聲出奇地細聲，我 2 公婆仲諗緊呢個女點解咁斯文，因為已經係第 3 胎，我如常地餵人奶，大嗰 2 個都係全人奶大，但呢個女就總係唔鍾意埋身食，仲成日食到濁親，我諗緊唔通我出奶出得太快 ... 咁唯有食樽啦，但食樽都唔願食奶，只係食 1 安幾 2 安唔到，一掂奶咀就喊，我就諗，點解有 bb 唔鍾意食奶，唔鍾意啜野呢，佢食奶樽都濁，我轉過好多款唔同嘅奶嘴，但都冇用，我唯有努力地 cup feed 佢，等佢有奶到肚，一日餵 7 餐，1 餐餵 1 小時，餵奶時間等於返工，但起碼體重生長線維持喺謹謹既 3 線 .... 我其間不停去醫院同健康院求救，得到醫生同姑娘嘅答覆，都話幾好呀，你用到你自己嘅方法餵奶，都可以保持住條生長線 ... 咁我同自己講，辛苦到 3 個月，應該會好啲架喇，無理由因為食唔到奶而要入急症 ...

點知，去到阿女兩個月大嘅時候，突然間有一日，佢呼吸好困難，我就帶佢去睇普通科醫生，醫生即刻寫紙我入急症，就開始咗我漫長嘅住院日子喇 ...

佢入到醫院，原來佢濁奶濁到肺有啲花，要打 7 日嘅抗生素，初初諗住，都係住 7 日啫，點知姑娘餵佢食奶嘅時候，佢仍然係不停咁濁，仲有跌氧嘅情況，醫生唔再俾佢口服食奶，要佢插胃喉食，配合住啲抗生素，每日有治療師黎餵奶，可惜發展至今已經一個月有多，佢食奶情況都未有改善，但起碼停左跌氧先 ....

0 0 0

私人傳訊

c9ha

男爵府

積分: 8186

2^#

發表於 17-8-2 22:32 |只看該作者

回覆樓主：

本帖最後由 c9ha 於 17-8-7 07:56 編輯

醫生同佢照過個心，冇乜特別大嘅心漏問題，暫時係覺得阿女吞嚥出現協調問題，而佢既頭圍又跌出生長線，而家要等九月照腦嘅磁力共振，期間不停抽血，去驗會唔會係基因問題，同做代謝病測試 ... 阿女出世腳有內彎要做物理治療，脷筋短要剪脷筋，皮膚有少許濕疹，醫生話佢肌肉張力高啲，五官分布有啲唔平均，耳仔有少少摺埋，喊聲有啲啲問題，右手掌紋斷掌，醫生覺得，系有一個綜合嘅原因，令到佢個身體有咁多問題，但係我同我先生嘅家庭歷史中都冇咁嘅特殊情況出現過，而我兩個大嘅小朋友都好正常，所以醫生覺得有機會係因為基因係杯胎分裂嘅時候有一些特別嘅變化，影響佢全身嘅發展，但係邊一度出錯，而家仲未搵到原因 .... 佢一日未可以自行食奶，一日都未出得院 ...

等病因嘅過程好痛苦，每日見阿女插住條胃口，佢好辛苦嘅樣，我心都實晒，有啲無助既感覺 .... 我初初諗住，生第三個小朋友，可以俾大嗰 2 個小朋友一個分擔既同伴，但冇諗過，可能會成為佢哋嘅負累，因為，她有智障嘅可能性

若果姊妹有差不多嘅經歷，都好希望得到你嘅分享 ... 感謝 ...

我其實是一位天主教徒，但我軟弱了，心太亂，信仰動搖了，我行了另一條路，我要行近回天主身邊，感謝各回覆