Hello lerena Pat pat 出紅疹一般都係因為排泄物/汗水刺激到皮膚而出現，勤加換片，保持BB Pat pat 清潔乾爽係最有效嘅方法。 每次換尿片時可用暖水清洗Pat pat，用濕棉花抹乾淨，盡量避免使用濕紙巾以減少對皮膚刺激。清潔完唔需要咁快著番尿片，俾Pat pat 暴露於空氣中15 分鐘，減少尿片焗住嘅時間，之後幫BB 塗上一層薄薄嘅潤膚膏先著番片都可以改善紅疹架。
媽媽可以係床/地上鋪張防水墊俾BB pat pat 自然風乾，減少焗住皮膚時間，亦可以減低皮膚濕氣，等皮膚完全乾透先包番片。若BB 皮膚有輕微紅損，可以於每次換片後，使用具有阻隔作用嘅藥膏，如一氧化鋅膏（zinc oxide ointment），形成一層保護膜防止BB 細緻肌膚接觸排泄物同濕氣 ，慢慢紅疹就會有改善喇。
發表於 
返回列表
