【本報訊】工廈劏房今年繼續是火熱的「低端出租屋」，今年8月葵涌美適工廈一個出租作工作室的劏房，疑因有人「玩魔術」引起大火，燒死3名青年，事件轟動全港。有議員促請政府加快修例，將違規改建的工廈劏房刑事化。《蘋果》記者再到葵涌調查，發現區內不少工廈都有劏房，大連排道一工廈有單位更「1劏20」，且極受歡迎，幾乎全部租出。
■今年8月葵涌美適工廈疑有人玩魔術起火，3人燒死。「呢度總共有廿幾間房，最大兩間係380呎，其他都係150呎；細房月租3,000蚊，不過全部租晒；大房5,000蚊，只得呢間；手快有，手慢冇㗎啦」，地產經紀梁小姐帶記者到大排連道華發工業大廈17樓一單位睇劏房睇樓，「𠵱家啲後生仔女賺錢唔多，又想過獨立生活；舊樓劏房至少六千、七千蚊起，邊有能力租呀，工廈劏房就最適合啦！」
記者發現單位內九曲十三彎，轉了幾個彎已找不到出口，每個劏房大門均配有密碼鎖，打開大門左邊的小桌子堆了大叠住客信件，房間內裝修企理，有冷氣及電熱水爐。梁小姐說：「獨立廁所，煤氣煮食，邊憂租唔出呀，你入住之後，唔好同人講係嚟住，你要同人講係嚟休息。」她笑言，本港舊區的工廈幾乎間間有劏房，且租金又平，最適合年輕人租住。
https://hk.news.appledaily.com/local/daily/article/20171231/20260604
發表於 
返回列表
