我屋企隻八哥波波好似以住咁喺美孚新村第三期平台間寵物美容院Goodog沖涼，沖完涼番屋企成個身震曬，舌頭變白，肚脹及氣喘。原來美容師為左貪方便，直接將波波放入吹風機，加上無吹乾身就放波波係一邊，由得波波吹冷氣。
當時立即帶去獸醫診所求醫，附近只有勝利道16號的寵物醫療中心應診，當時獸醫診斷波波肺炎肺積水，留院聞氧氣應該會理想，結果第二日去診所探波波發現波波應該一段時間無水飲，而且當時只得一位當值醫護人員值班，完全不能同時處理多隻寵物的個案，疏忽照顧住院寵物，直到住院四天，通知我哋接波波回家，話波波已經好番，回家後發現波波氣喘嚴重左，舌頭發紫，打電話番去診所，佢地已經吾肯接波波既case，完全不負責任，妄顧生命！
我地只好去另一間診所-太子既CAU獸醫求診，最可怕既事就發生了。獸醫首先幫波波照超聲波，x-ray，做左最低消費既檢查先，跟住不停說服我地波波係佢地度係安全既，我仲好記得獸醫當時拍曬心口話波波三日一定好番，點知離開左診所都無兩個鐘，診所就打黎話波波呼吸困難過左身，醫生幫波波人手插喉都吾成功。
我完全諗吾明首先，
第一，咩因素影響下獸醫認為波波氣喘就代表佢呼吸困難，需要人手插喉？波波係第一間診所回家都有氣喘，但只要按撫一下就無事，再者，點解無經過主人同意及通知下擅自決定幫波波人手插喉？
第二，當時獸醫到底為咩要不停說服我地俾波波留院？仲要寫包單咁話波波好小事，一定好得番。
第三，當時我地收到電話趕到去，30分鐘都無，到現場並無任何經搶救既痕跡，連本身訓梗既氧氣箱都執得一乾二淨，到底兩小時入面你地做過啲咩？
我同屋企人並吾係想唱衰任何人，希望身邊既主人們會知道有問題既地方發生梗咩問題，妄顧生命，只係為左賺錢比起揸刀打劫既賊人更加可恥，因為你地為左錢要犧牲一條小生命，為求目的不惜一切。
希望大家為自己既小寵物著想，前車可鑒，能夠避免吾愉快既事發生。事後上網查到，原來兩間獸醫診所本身都聲譽驚惶，點解發生咁多妄顧生命既個案依然能夠係社會禍害人間，貓狗係人類既朋友，用盡自己既一生去陪伴及守護著主人，並吾係一件犧牲品，更加吾係賺錢既工具，希望大家要珍惜生命，重視陪伴著我哋身邊嘅守護者。
發表於 
返回列表
