吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 14小時生產記（聯合醫院）

懷孕前後今日: 0|主題: 330433

收藏本版

發帖

返回列表

跳至頁

查看: 6667 | 回覆: 38

14小時生產記（聯合醫院） [複製鏈接]

987654321234567

複式洋房

積分: 346

1^#

發表於 19-5-8 16:55 |只看該作者 |倒序瀏覽 |打印

39W5D 生左件曳豬(emoji)

曳豬三個幾月啦！終於有動力記錄下哩件大事，俾返個回憶自己(emoji)

39W4D 夜晚8、9點又有假陣痛，無規律的，但今次腳無啦啦消左腫，個肚又突然間勁聚，諗緊應該快卸貨啦(emoji)

凌晨兩點突然清醒，覺得下面有野流緊出黎，我以為係血，但自然反應即刻彈起身(emoji)跟住好似開水喉咁，羊水吧吧聲留落黎(emoji)老公俾我動作嚇親，佢都跟住我彈起左（事後佢話好耐未見過我咁敏捷(emoji)），見到成地水呆左問我點算，我叫佢執野入院生仔咯！等羊水停左啦啦聲換衫，拎埋走路袋搭的士去醫院，驚羊水再流，拎左條大毛巾坐住飛的。

0 0 0

私人傳訊

987654321234567

複式洋房

積分: 346

2^#

發表於 19-5-8 16:56 |只看該作者

去到醫院二樓登記入院，老公係出面等，我自己係入面換衫、留尿（發現見埋紅但未有陣痛）、博機check BB心跳，訓係度綁孕婦M巾，中間有姑娘入黎check子宮頸，話我羊水係清既，血係鮮紅色正常。之後上左產前房，老公唔入得，所以返左屋企先。上到房有姑娘幫你量血壓體溫等，個時我有d低燒，要keep住量體溫，搞掂晒基本檢查已經差唔多5點，諗住訓下保留體力，點知訓低就開始有規律既陣痛（開頭好似m痛既程度），一痛已經五分鐘痛一次，過左陣已經三分鐘一次，開始痛到訓唔到，之後又有姑娘黎量體溫，溫度正常返，同佢講痛密左（佢地話痛密左同佢地講）

私人傳訊

987654321234567

複式洋房

積分: 346

3^#

發表於 19-5-8 16:57 |只看該作者

但我講完個姑娘問我有咩幫到我(emoji)到8點度又博機check BB心跳，今次博一個鐘，已經痛到曲腳趾(emoji)大概9點度呱（已經痛到唔想睇時間），醫生過左黎check ，個醫生了到我好痛，竟然一度都未開(emoji)，因為穿左水仲未開度數，醫生安排落產房吊藥，但佢話唔係催生藥，係一種幫助開度數既野。

老公8點已經黎左產前房門口等，我大概9點半度落產房，雖然未開度數，但老公已經可以入黎陪我，但我痛到唔想理佢，唔知幾點姑娘check度數，我痛到癲咁滯只係開左一度(emoji)中間要簽好多野，好似係生唔到會點，有無咩唔舒服之類，我痛到唔想理，佢叫我簽就簽(emoji)

私人傳訊

987654321234567

複式洋房

積分: 346

4^#

發表於 19-5-8 16:58 |只看該作者

產房d姑娘幾好，仲會同你傾下計講下笑，分散我注意力，佢同我講而家先開始咋，陣間有排你受(emoji)(emoji)‍♀️之後姑娘拎左部野俾我聽音樂，完全無用，我聽聽下一痛一郁，耳筒都唔知飛左去邊(emoji)之後我都未問可唔可以吸笑氣，個姑娘話不如俾笑氣你啦，我開頭覺得要唔要都ok既，因為見好多人話無用，但我個人覺我係有少少止到痛，因為吸到有d飄飄然咁，會唔記得左痛(emoji)老公都一直同我講野，又幫我按摩下，雖然無咩止痛作用，但心靈上會好d(emoji)12點到呱，派飯，痛到唔想食都逼自己食，驚唔夠力生，夾硬食左大半碗粥真係痛到食唔到，個陣已經痛到唔知想點，好似兩點幾呱，

私人傳訊

987654321234567

複式洋房

積分: 346

5^#

發表於 19-5-8 16:59 |只看該作者

醫生黎check ，醫生係度老公要出去，check完應該開到咁上下，因為我痛到聽唔清楚佢有無講我開左幾多，醫生話我陀得好高，應該好難生(emoji)但佢話俾我試生，之後姑娘就開始擺攤～～（老公著保護衣又入返黎）個下其實都未識驚，聽到佢話可以生，我腳一放上去，一痛我就出盡力咁屙～～～

姑娘好好，一直鼓勵我，一痛就屙，又係咁叫我呼吸，用邊到力，因為真係屙屙下唔記得抖氣，唔呼吸bb心跳下降左d，跟住我開始有d驚，屙左好耐，都生唔到。老公一直捉住我，雖然覺得俾到d力量我既，但我一痛就fing開佢隻手(emoji)我都唔知屙左幾耐，醫生又入黎，話BB落左產道架啦，但因為生左咁耐都未生到

私人傳訊

987654321234567

複式洋房

積分: 346

6^#

發表於 19-5-8 17:00 |只看該作者

試下用吸盤，同剪會陰（有打麻醉針），再唔得就要緊急開刀，落左產道開刀會有一定危險性，聽到開始驚，老公唔可以係度（事後老公話我知佢係出面等個陣好驚我地兩個都有事，因為醫生講到好嚴重，但見到BB推出黎，我又係產房打電話俾佢報平安，佢先放鬆到心情，先有做爸爸既喜悅(emoji)）醫生開始用吸盤，一痛我用盡吃奶的力去屙！d姑娘真係好好，一直係咁鼓勵我，又一直係咁講好叻媽咪，用力，就得啦，可能吸盤既關係，我用力屙左幾次頭仔出左，再屙！BB終於出世！醫生放左BB係我肚上面，真係好感動！我以為我會喊，但我竟然無，可能我太擔心BB有無事，

私人傳訊

987654321234567

複式洋房

積分: 346

7^#

發表於 19-5-8 17:01 |只看該作者

剪完臍帶BB就俾醫生抱左去檢查，事後我先知原來個陣BB有d呼吸唔順，個陣俾我錫左啖就抱走左，無俾BB同我肌膚之親。我唯一唔開心係老公唔係產房同我一齊迎接BB。

之後醫生係產房吊收縮子宮既藥水，姑娘教初子宮幫助收縮，因為我有d滲血，所以留耐左係產房觀察，個時先得閒睇鐘係4點度，姑娘俾左個電話我打俾屋企人報平安（入產房要熄電話），5點幾上產後房，岩岩好6-8探病時間。

因為我遲左上產後房，所以bb頭個餐餵左奶粉，之後每兩個鐘先俾我餵人奶～辛苦既道路正常開始(emoji)產後10粒鐘唔可以落床，之後會有姐姐帶你去廁所&點護理。

私人傳訊

987654321234567

複式洋房

積分: 346

8^#

發表於 19-5-8 17:01 |只看該作者

BB護士會睇住先，10小時候後就會推返床邊俾你照顧，期間bb餵奶時間先抱上床側餵，但我係醫院3日都無上奶，乳頭俾bb啜損晒(emoji)好很痛呢(emoji)落得床會俾姑娘定時定候叫去餵奶室指導餵人奶，所有姑娘都話BB吸得好好，但我仍然係無奶俾佢飲，餵左一日一夜都無奶出，俾姑娘試手揸奶勁大力都只係得極極極小一點仔奶(emoji)雖然BB頭兩日自身係有儲備唔怕餓親佢，但佢次次餵完人奶都喊到拆天，仲要嘔血出黎！姑娘話我乳頭損左佢吸到血所以嘔血，同我講話正常！但真係好心痛！個陣BB已經一日無poo又無v，到第二日凌晨兩、三點度，BB都係喊唔停&無v無poo（我仲係未上奶），

私人傳訊

987654321234567

複式洋房

積分: 346

9^#

發表於 19-5-8 17:02 |只看該作者

我問姑娘可唔可以俾轉奶粉（其實我都無話一定要餵人奶既，但入院會問你奶粉定人奶，我只係話有人奶既話可以試下），姑娘堅決唔俾（有一個姑娘勁惡），話再睇多兩轉先，之後叫我休息下，佢地推走左BB，到下轉之後都係咁，轉左第二個姑娘，我再問可唔可以俾轉奶粉？我話真係無奶，兩邊乳頭都留血啦，哩個姑娘好好人，睇完記錄就話咁耐都無v呀，就推左BB去餵奶粉。

兩個鐘後姑娘推返BB俾我，叫我再試人奶，BB終於有v！但屙血尿！即刻按鐘問姑娘（又係惡個個），只係答我係正常，話太耐無尿，一下子屙尿會咁(emoji)只係叫我繼續餵人奶......到第三日早上BB俾兒科check 完，

私人傳訊

987654321234567

複式洋房

積分: 346

10^#

發表於 19-5-8 17:03 |只看該作者

&check完我會陰傷口無發炎，中午終於出院返屋企了！返到屋企仍然無上奶，我即刻補奶粉，因為都係無尿&BB開始黃。

之後去健康院姑娘&醫生都叫我乳頭損左唔好親餵，要泵或者手揸出黎餵，同埋屙血尿唔正常，&黃膽指數偏高，話我補奶粉正確，要增加佢排尿。雖然佢地都係叫你堅持餵人奶，但唔會強迫咯⋯⋯個度d醫生姑娘都話有部分人身體問題可能無咩人奶，或者係無人奶，無就補奶粉咯，講野貼地好多～我返到屋企都有親餵&泵奶，仲飲個d上奶湯水，但仍然好少，泵出黎兩邊加埋都無10ml，每次餵完都要補奶粉，所以我BB而家係全奶粉B～

私人傳訊

987654321234567

複式洋房

積分: 346

11^#

發表於 19-5-8 17:03 |只看該作者

醫院推廣叫人餵人奶係好，但我覺得要睇每個人既實質情況咯，我個人覺得醫院只係一味強迫人餵，又唔顧及其他因素，推廣人奶唔係咁全面，係醫院個陣，隔離床媽媽揀左奶粉，但教餵奶既姑娘強迫佢餵左人奶先，唔夠先推去餵奶粉(emoji)

不過總括黎講，聯合除左餵奶個part之外，產前房、產房 & 產後房既服務&姑娘真係幾好既，如果再生我都會選擇再去政府醫院～