有無人似我咁,同6299佢地一家人食飯,大家對話都傾唔到入肉, 流於表面, 平日食飯, 雖然係晚晚都準時一齊開飯,放假唔見時, 好似唔識咁, 唔會好關心,好擔心, 只係比陌生人熟少少.
最多話題係我個7歲既仔日常事及學校的事. 因為係99幫我湊放學.
其他新話題, 都係聆聽的佢地較多,他們的話題都係話”上星期去左邊間食”, 或者”姑仔2公婆滋滋尋”, 好少共同話題, 最多係有一d話題,大家都會發下言, 例如,政府派糖, 大罷工,新科技,佢地家族情仇血淚史
其實我知, 話不投機半句多, 可能我地本身就咀型唔係夾, 而佢地一家人本身又唔係太識表達情感既人, 中國人又比較內濂, 家丑不出外傳, , 丑事都係收收埋埋好, 長輩又唔興訴苦, 覺得年青人太幼稚,大家都係習慣報喜不報憂,
真係要知想問既,就要先腦入裡定個發問list, 例如
,99,你既病好d 未? 阿邊個唔返來食呀?你平時係屋企做咩多?呢味菜點煮架?幾好食喎, ? 菜係邊檔買 ? 今次去邊樹旅行? 幾時做節?
我唔知什麼標準才算是多野講, 什麼標準才是一家人基本話題.
我明白, 對於自己外家, 由於我由細長大,我一回到家已經好free, 個腦諗到咩就會講. 又會問下親戚朋友, 太婆,叔公最近飲茶講咩, 又會講下鄉下, 至少,我認為雙方都有好多內心交流,
而唔係, “我唔食呢樣野架, 跟住對方,心裡諗,唔食咪唔食囉, 又唔早響, 食埋今次, 試下洗死咩.” 心個句,其實無人知, 通常都係負面.
皆因大家唔熟,怕唔識做, 怕得罪人,
又唔”疾”得 , 唔知對方底線, 又無一齊成長經驗,更無共同嗜好,生活方式又唔同, 年齡又唔同, 自然無共同話題, 對話自然流於表面,需要有d人突破自己,走出comfort zone, 大家自然會開心見成, 最適合及最關鍵既個人就係99個仔, 佢其實最清楚在座每位特性,佢多d講唔同既野, 阿媽阿爸好開心阿仔講佢自己既野，老婆阿妹女婿又可以加把口， 就係咁啦。
發表於 
返回列表
