時政擂台今日: 6|主題: 60269

收藏本版

發帖

返回列表

跳至頁

查看: 3590 | 回覆: 65

朋友send嚟，話係陳欣健寫嘅，好有共鳴

[複製鏈接]

12 3 4

mondd

男爵府

積分: 7908

1^#

發表於 19-9-29 14:55 |只看該作者 |倒序瀏覽 |打印

給匿埋喺Save HK 唔見得光嘅（黃營）香港人！請耐心看完：-

究竟，香港有乜唔自由？？

香港有15年免費教育！
讀大學可向政府借錢！
政府仲要資助幾萬蚊比D大學生！
大畤大節可以俾你哋集會遊行！
一本特區護照，可以比你自由出入境世界各地！
無國界選擇宗教信仰！
自由港，全球稅收最低之一，
有豐富物資入口！

呢班後生，點解仲要話自己生於亂世？？
6月之前，香港仍是歌舞昇平嘅地方。6月之後，我仲以為自己住喺敘利亞.....

97回歸後承諾香港會50年不變！依家變咗啦咩？咁你哋喺度嘈乜嘢！？
一開始暴亂目的係反送中，唔緊要，我唔撐你啫，但我都唔會反感你！
但後期演變成逢星期六、日，喺18區遊行完之後，四處破壞，到處縱火。請問我係咪仲要90度鞠躬多謝你地？

去到而家呢一刻，你哋已經唔係逢星期六、日，而係每日都出嚟玩，我想問吓香港係咪屬於你一個？唔該你聽清楚，香港係屬於大家！

你地鬧啲警察係黑警，我想請問你有冇試過食食吓飯比警察打？你有冇試過行行吓街，有班警察會無啦啦行過黎打你？你有冇試過見到街上面有個煙頭，你諗住將佢執落垃圾桶，啲警察會沖埋你打到你頭破血流？

香港有72個行業，每一個行業都一定有枯枝！我話嘅！！醫生冇垃圾咩？律師冇垃圾咩？飛幾師冇垃圾咩？工程師冇垃圾咩？教書冇垃圾咩？你行出嚟話俾我聽，邊一個行業冇垃圾！？

你哋因為有少數嘅警察處理得唔好，就將所有暴力事件美化及合法化，我想問你哋係咪有問題！？就算你冇下一代，你諗住玩死香港唔關你事，你記住呀呢個世界有報應㗎！報應唔一定係喺自己身上面，請閣下好自為之！

如果2047我都仲未死，我好想見到你地呢一班人為2019年嘅夏天，對自己嘅家－香港，所做過既事而罪有應得！

仲有，我一直以為我最驚嘅係邪教及瓦爾蓋達組織，到咗今日，我先知道我最驚嘅, 原來就係果啲日日喺度五大訴求，拜祭冇身份既亡靈，把一個寃枉被警察射盲一隻眼既女傷者人間蒸發，全面毀滅香港人既生計，破壞大家擁有既公用設施，四圍高唱嗰隻令人毛骨悚然既歌，係，就係嗰班“香港人！！”