時政擂台今日: 0|主題: 60275

收藏本版

發帖

返回列表

跳至頁

查看: 1271 | 回覆: 11

腦殘陳淑莊與民為敵特別是準媽媽 [複製鏈接]

Cmeneko1201

大宅

積分: 2951

1^#

發表於 20-1-12 21:49 |只看該作者 |倒序瀏覽 |打印

港澳新聞

政Whats噏：圖繞過內會審產假　羅致光先斬後奏認衰
01月12日(日) 20:39更新 11:05建立

更多新聞短片

0:06

1:25

羅致光指承認提出將議案交付人力事務委員會係「先斬後奏」。

延長法定產假爭取唔到之餘，仲惹來唔少質疑。勞工及福利局局長羅致光今日喺網誌向全體立法會議員道歉「認衰」，承認自己先前喺立法會會議動議將涉及增加四個禮拜產假嘅《2019年僱傭(修訂)條例草案》嘅二讀辯論中止待續，意圖繞過內務委員會，轉而交付人力事務委員會嘅處理方式係「先斬後奏」，但民主派唔接受解釋，要求羅撤回動議。

羅致光話有關議案嘅措辭係開會前六分鐘先決定，由於時間緊迫，先冇時間作出預告。佢話政府內部對事唔知情，承認自己當時「先斬後奏」，自己喺會議翌日先通知政府內部，已向特首林鄭月娥等人交代同致歉。

唔單止要同政府認衰，羅致光今日亦喺網誌就未有事先作預告，向立法會議員道歉，但就解釋自己僅「早」眾人約半小時知道，可以喺符合《議事規則》嘅大前提下，讓法案有機會喺今屆立法會會期完結前完成。

立法會喺上個禮拜四開大會，羅致光喺未有做出預告嘅情況之下提出相關動議，此舉惹嚟唔少質疑，民主派議員當日仲「突襲」成功，提出點算法定人數，最後因人數不足而搞到流會添！唔少建制派議員大鬧泛民阻住民生議程，剝奪婦女權益；但泛民就話並非針對延長法定產假，而係覺得程序公義同樣重要。

其實政府咁急，都係因為內務委員會自上年十月至今都未選到正副主席，冇辦法成立法案委會審議法案。上屆內會主席李慧琼尋日出席一個活動時就話內會被騎劫，搞到法案委員會未能運作，部分法案冇辦法完成審議工作，當中包括延長法定產假等嘅民生議程，形容羅致光嘅做法係「冇辦法之中嘅辦法」，又話立法會唔可以因為內會而停擺喎。

然而，民主派會議召集人陳淑莊今晚發表聲明，促羅將其歉意化為行動，撤回有關動議，而政府亦應引以為戒，下不為例。佢強調有關動議明顯有違《議事規則》內明文規定嘅法案處理程序，所有法案要恢復二讀必須同內會主席磋商，並無歧途，又批評羅當日嘅即興動議，猶如「昨日罵民主派『堵路放火』、今日便變臉致歉般輕浮。」佢又話經內會係別無他選，唔係羅口中樂意就跟從，唔樂意就可以唔跟。

上一則：

澳門再接1宗懷疑武漢肺炎個案　累計第10宗

下一則：

秀茂坪男子捱小巴撞重創　送院後不治