【陪月想比錢我,
要求我唔好將佢的事件放上網!
我拒絕了!】
我是屯門區媽媽, 在3月頭請左陪月Anna, 中文名:
吳X娜! (長文分享,
我屋企有CCTV錄影,
以下事件全部屬實!)
因為我開刀生, 本來想坐好D月, BOOK左Anna 2個月,
但在她第18日上班日提早完約,
跟大家分享以下經歷,
希望各位準媽媽要小心選陪月!
1.
【記性和上心度】記錯我開刀日子(到我開刀當日都記錯,
明明4日前有再提佢)
2.
【衛生度】我谷奶,
佢幫手按摩用手擠奶,
我問佢應該用咩儲奶,
佢答用【廚房湯匙】直接比BB食…我記得醫院姑娘講過唔可以用未消毒的容器儲奶因為唔衛生,
我就叫我老公去藥房買D已消毒針筒黎儲奶!
3.
【記性和上心度】第一日上班,
問我之前叫我準備的藥材在那.
我話你比我的清單中沒有任何藥材!
佢KEEP住講:無可能無比你wor~跟住佢不停睇whatsapp記錄,
不停講無可能無比你wor~搞左好耐…我頂唔順叫佢在對話中用搜尋功能搜藥材名,
結果當然無,
因為佢SEND漏左比我…
4.
【記性和謹慎度】我用DR Brown奶樽,
要加支排氣管,
佢餵奶時(不是第一次餵)我發現佢無加支排氣管,
我指住支奶樽問佢知唔知有咩問題,
佢完全唔知有咩錯…………
5.
【專業和謹慎度】第一日準備BB沖涼,
佢無準備大毛巾,
好彩佢想除BB衫時我叫停佢……..這是非常基本的步驟,
連我係新手媽媽都知要準備大毛巾, BB一上水就用毛巾包住BB,
專業度大家評評吧….
6.
【安全問題,
非常重要!!!!】因為午飯時枱上無位放換片墊, 所以我們把換片墊暫放瑤瑤chair上(非常唔穩陣,
只是暫放,
不是用作換片位置), 陪月竟然想放BB上換片墊上換片,
我立即大叫停手!!!!!!!!!!!!佢又解釋只係想睇下BB片片,
我話你知唔知唔穩陣, 非常危險!!!!!我直頭想喊出黎!!!!佢KEEP住解釋其實安全…….
7.
【衛生度】之前整緊’送’菜,
無洗手就去奶樽個箱攞奶樽沖奶; 疫情關係,
叫佢抱BB前要洗手(其實唔係疫情時都要啦),
發現佢洗手係唔用皂液,
洗完手抹落自己件衫度………前後教左好多次要點清潔雙手…….
8.
【做事不分輕重】我開刀一開頭只可以食豬肉,
我一早同佢講左我屋企工人不食豬,
所以煮飯唔洗理我工人(我另比錢工人買佢自己的’送’菜佢自己煮)!第一日上班,
我問佢中午食咩,
佢話蒸排骨同埋肉碎炒瓜,
午飯時我發現變左清炒瓜(無肉),
我問佢點解,
佢解釋為左就我工人……請問我坐月定係我工人坐月呢!????????
9.
【做事不分輕重】本身講好午餐有燉肉汁,
我見午飯時無(我以為未整好),
大約4點問陪月幾時有燉肉汁,
佢解釋午餐時已整好,
不過唔記得比我飲….我話我肚餓, 叫佢比我飲,
佢唔係第一時間比我飲, 佢竟然問我老公飲唔飲湯(重點係碗湯係我地自己琴晚整完放在雪櫃,
佢完全無問過我地就擅自加熱左我D湯)
我老公都忍唔住爆佢:
請陪月你係照顧我老婆,
唔係照顧我工人同我,
同埋你無問過就擅自我雪櫃的食物係唔啱,
而家我唔洗飲湯,
你立即去加熱燉肉汁比我老婆就得!
10.
【今日買的菜留明日】朝早時問左陪月當日咩食,
我記得佢有講其一個係西蘭花,
大約佢放工時我睇下佢煮左咩但無西蘭花,
佢話改左明天先食!
我話下!
你每日都有買菜時間,
最好當日買嘅食物就當日煮啦,
唔好買定明天食物!
11.
【專業度】幾次佢做錯事話完佢,
佢唔係第一時間去處理返個問題,
而係講:
你地唔滿意的話, 其實你可以換陪月嫁!
例子:
陪月沖支奶太熱(非常熱果隻),
我老公話陪月支奶太熱BB飲唔到,
因為BB已經好餓大喊, 之後我老公立即幫手攞支奶去沖水,
我就攞冰袋COOL DOWN, 大家都在處理個問題時,
陪月入廚房又同我地講:
其實你可以換陪月嫁!
我老公叫佢而家抱好BB同餵好奶先, 唔好講咁多野先! 陪月一邊餵奶一邊好想繼續講, 我都叫陪月專心餵完奶先, 午餐後慢慢再同你傾! 大約5分鐘後BB飲飲下奶噴奶(第一次食奶食到咁), 陪月又解釋佢之前見到BB想嘔奶都想停一停(咁點解想停又唔停,
要BB噴奶!!!!!!!)就係咁,
當日同佢提早完約!
12.
【專業度】陪月想比錢我,
要求我唔好將佢的事件放上網!
我拒絕了, 當然唔會收佢錢!
本身無打算放上網, 正正係聽到佢咁講,
我先打咁長文同大家分享!
我覺得佢本身個人性格唔係黑心(佢有借出湯煲),
煮飯味道都正正常常,
只係在記性,
安全意識,
衛生度, 專業度等方面不合適我的家庭!
我以上分享希望幫到各位準媽媽,
希望大家搵到好陪月~
發表於 
返回列表
