吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 對住D口多既人, 您地會點應對?

自由講場今日: 123|主題: 1355220

收藏本版

發帖

返回列表

跳至頁

查看: 3704 | 回覆: 34

對住D口多既人, 您地會點應對? [複製鏈接]

zoie_w

珍珠宮

積分: 30584

1^#

發表於 20-9-20 21:10 |只看該作者 |倒序瀏覽 |打印

例如: 同事, 公司有D男同事把口唔收, 我明佢鐘意撩後生女, 靚女, 但都唔好要踩低人而討好人啦!
事緣係我同公司位後生D既好樣D既女同事都有計傾, 我會同佢講笑既, 我話我唔會再信妳喇之類, 呢個男同事聽到就話我小器小家唔駛理我, 我明佢係想討好個女同事, 但都唔駛咁樣踩我囉, 我問番佢, 有邊一次我有野食帶番公司無預你? 何謂小器小家? 到現在佢都認為我係小器小家既人, 我認我係呀! 比人咁樣話我, 我好難大方囉!

我諗到就係, 以後對呢D人, 鐘意就應下, 唔鐘意就唔出聲算, 另一D就係口多多說教, 比多多意見其他部門, 又話人地無野做, 應該點樣點樣分配工作, 想講關你咩事即? 又唔係我地部門既人, 我地工作係咁分配架嘛, 好討厭, 多多口水, 由聽日開始我決定,再聽到佢咁講我完全唔應佢, 由得佢講。

0 0 0

私人傳訊

ManyanChun_FB

大宅

積分: 4033

2^#

發表於 20-9-20 21:20 |只看該作者

zoie_w 發表於 20-9-20 21:10
例如: 同事, 公司有D男同事把口唔收, 我明佢鐘意撩後生女, 靚女, 但都唔好要踩低人而討好人啦!
事緣係我同 ...

我會兜口兜面叫佢彈開啦，講埋啲廢話！
jm你唔使驚佢嬲你㗎，因為佢都唔尊重你在先嘛！你一定要俾啲顏色佢睇嘅，唔係佢仲有第二第三次啊，咁樣當眾落你面

私人傳訊

zoie_w

珍珠宮

積分: 30584

3^#

發表於 20-9-20 21:21 |只看該作者

其實我唔開心左好耐, 我擺左喺心度, 我係有爆佢, 但佢都仲好似唔覺得自己有問題, 雖然佢都有道歉, 當刻其他同事聽到都有幫佢兜, 但佢都係依然覺得我係好小器, 好樣女同事無比人咁話當然無問題啦! 咁呢D就爽朗大方, 我就小器小家, 明明兩個女人講野, 唔明佢男人老狗點解要加把嘴埋來, 對唔同人唔同態度, 最憎。樣貌天生, 我生得唔靚都唔想架! 同我真係熟既朋友唔覺得我小氣, 反而覺得我有男兒個性, 有義氣, 對朋友幾好, 幾爽朗, 我明唔應該為左呢D口臭之人而唔開心, 但真係個心會好銀住。

私人傳訊

zoie_w

珍珠宮

積分: 30584

4^#

發表於 20-9-20 21:39 |只看該作者

本帖最後由 zoie_w 於 20-9-20 21:40 編輯

ManyanChun_FB 發表於 20-9-20 21:20
我會兜口兜面叫佢彈開啦，講埋啲廢話！
jm你唔使驚佢嬲你㗎，因為佢都唔尊重你在先嘛！你一定要俾啲顏色佢 ...

我有喺番班同事面前問佢, 有邊一次我買野番公司食, 無預你一份? 無請你食? 買雪條, 我都話我出多份錢請佢食, 知佢搵得唔多錢平時死慳死抵........ 但原來我為人設想, 唔代表人地會理我感受囉! 因為後生女同事好樣所以唔敢得罪佢, OK, FINE, 你要媾女你既事, 但點解要踩低我呢? 我同佢講叫佢講說話之前用下個大腦諗清楚先講, 不過最近我發覺呢個男同事係唔會覺得自己有錯同有問題, 所有野都係人地既錯, 佢走去另一個女仔度撩個女仔傾計, 比個女仔個上司叫佢地講野細聲D, 佢可以話人地個上司係PK, 勁數人, 心諗, 你要撩女仔係你既事, 都要睇環境啦, 公司來架, 做野地方, 比你玩架咩? 仲好話人地上司好話佢,. 其實佢都幾無品, 唔係因為佢話我小氣小家先咁講, 但識得耐左就知道, 好彩我又唔後生又唔靚啫, 唔駛比呢D人撩。

私人傳訊

ManyanChun_FB

大宅

積分: 4033

5^#

發表於 20-9-20 21:47 |只看該作者

zoie_w 發表於 20-9-20 21:39
我有喺番班同事面前問佢, 有邊一次我買野番公司食, 無預你一份? 無請你食? 買雪條, 我都話我出多份錢請佢 ...

呢條死佬咁冇良心嘅，你對佢都唔差，有嘢食都預埋佢一份，以後咪鬼再對佢咁好呀，費事自己唔開心，冇良心

私人傳訊

面包豬豬

男爵府

積分: 7817

BB防敏心得分享勳章

6^#

發表於 20-9-20 21:52 |只看該作者

其實唔洗唔開心，好小事，你係返佢鍾意嘅女仔面前講返佢無風度，無良心等等，佢乜形像都無晒啦。唔需要將無謂人上心，只要記住唔好再理佢就ok

私人傳訊

zoie_w

珍珠宮

積分: 30584

7^#

發表於 20-9-20 21:58 |只看該作者

本帖最後由 zoie_w 於 20-9-20 22:06 編輯

ManyanChun_FB 發表於 20-9-20 21:47
呢條死佬咁冇良心嘅，你對佢都唔差，有嘢食都預埋佢一份，以後咪鬼再對佢咁好呀，費事自己唔開心，冇良心
...

其實我份人係有同理心, 我知道佢好慳, 可能人工唔高又要養阿媽, 買雪條加$10有多條咪預埋佢囉! 無所謂, 但越識得耐發現佢份人無乜品, 佢話我其實不痛不痕, 但我好唔鐘意D人口不擇言, 要為討好其他人而去踩低人, 呢D人我覺得好無品, 你講得岩, 之後佢再叫我幫佢做D乜, 我都無理佢喇! 唔駛對佢咁好, 佢睇樣睇外表對人好, 我都係架!! 加上無品無風度唔會做到我朋友, 講緊既係真朋友

私人傳訊

zoie_w

珍珠宮

積分: 30584

8^#

發表於 20-9-20 22:05 |只看該作者

面包豬豬發表於 20-9-20 21:52
其實唔洗唔開心，好小事，你係返佢鍾意嘅女仔面前講返佢無風度，無良心等等，佢乜形像都無晒啦。唔需要將無 ...

我唔需要喺其他人面前抹黑佢, 反正你會覺得後生靚女同事會睇得上佢嗎? 如果係既話, 佢根本唔需要做咁多野去撩人啦!

佢正正常常我同打招呼我會應, 但會知道真正小氣小家嗰個唔係我, 我知道佢無當我係朋友, 我亦唔需要對佢好, 普通同事應對就是了, 鐘意就回應一兩句, 唔鐘意就不理彩, 我決定對另一位OLDSEAFOOD既煩膠男同事都係要採用同一態度, 因為都話過佢, 唔睬佢一輪, 佢都係咁多廢話, 及鐘意干涉其他部門既工作, 改不了, 唯有我改變, 唔應佢就無癮走開啦! 咁鐘意講點解唔同我地阿頭反映呢?

私人傳訊

20162016

翡翠宮

積分: 79752

9^#

發表於 20-9-20 22:11 |只看該作者

zoie_w 發表於 20-9-20 21:10
例如: 同事, 公司有D男同事把口唔收, 我明佢鐘意撩後生女, 靚女, 但都唔好要踩低人而討好人啦!
事緣係我同 ...

指住佢講：尤其呢啲人最信唔過，我出名大方都竟然話我小器

私人傳訊

面包豬豬

男爵府

積分: 7817

BB防敏心得分享勳章

10^#

發表於 20-9-20 22:12 |只看該作者

回覆 zoie_w 的帖子

所以唔需要為呢d 人勞氣，你嘅應對策略啱，忽略佢哋就啱。

私人傳訊

selinako^^

翡翠宮

積分: 99845

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章親子王國15週年勳章

11^#

發表於 20-9-20 22:12 |只看該作者

回覆樓主：

本帖最後由 selinako^^ 於 20-9-20 22:13 編輯

係呀！我係好小氣架，從來都係…天生既，冇得改
跟著black list佢，唔好對佢心軟

私人傳訊

zoie_w

珍珠宮

積分: 30584

12^#

發表於 20-9-20 22:14 |只看該作者

20162016 發表於 20-9-20 22:11
指住佢講：尤其呢啲人最信唔過，我出名大方都竟然話我小器

我當住同事面前問佢, 我點樣小家同小氣呢? 叫佢答, 佢答唔出, 感覺好個人, 可能我真係小氣自己唔知, 但小家我就唔認同囉! 但聽到佢數人地女仔個上司時, 我就知道咩野叫小氣同小家喇! 人地上司都未去到佢阿頭度投訴佢, 佢就話到人地人渣咁! 邊個小氣小家?

私人傳訊

zoie_w

珍珠宮

積分: 30584

13^#

發表於 20-9-20 22:15 |只看該作者

面包豬豬發表於 20-9-20 22:12
回覆 zoie_w 的帖子

所以唔需要為呢d 人勞氣，你嘅應對策略啱，忽略佢哋就啱。 ...

我出POST除左想宣洩下之外, 仲想集思廣益, 睇下其他JM遇到咁既事會點應對

私人傳訊

SullytheMonster

伯爵府

積分: 18530

14^#

發表於 20-9-20 22:19 |只看該作者

啲男人天生賤種，為咗溝女踩低人，無辜躺着也中箭，見識過

私人傳訊

zoie_w

珍珠宮

積分: 30584

15^#

發表於 20-9-20 22:22 |只看該作者

SullytheMonster 發表於 20-9-20 22:19
啲男人天生賤種，為咗溝女踩低人，無辜躺着也中箭，見識過

結論係, 女人一定要生得靚, 條路同待遇先會好

私人傳訊

naicha

公爵府

積分: 25951

16^#

發表於 20-9-20 22:22 |只看該作者

本帖最後由 naicha 於 20-9-20 22:23 編輯

zoie_w 發表於 20-9-20 21:10
例如: 同事, 公司有D男同事把口唔收, 我明佢鐘意撩後生女, 靚女, 但都唔好要踩低人而討好人啦!
事緣係我同 ...

其他部門教我做嘢有呀, 高級過我的
由我入職到而家6年幾, 都係鐘意理我D嘢教我做嘢(唔太關佢事)
我都係哦, 好, 然後一樣都唔做, 佢知搵我冇用, 痴線到搵我上司
我直接同上司講, 呢個人手伸太長, 成日當我係佢條o靚
你辛苦D喇要聽佢發表偉論, 佢似乎想坐埋你個位

自此我老細冇再同我提起呢個多事的人

私人傳訊

zoie_w

珍珠宮

積分: 30584

17^#

發表於 20-9-20 22:29 |只看該作者

本帖最後由 zoie_w 於 20-9-20 22:32 編輯

naicha 發表於 20-9-20 22:22
其他部門教我做嘢有呀
由我入職到而家6年幾, 都係鐘意理我D嘢教我做嘢(唔太關佢事)
我都係哦, 好, 然後一 ...

我地呢度唔係話比你講幾句就改, 好多野都定好, 邊個係負責做D咩, 我最憎佢之前搵我阿頭壓我, 話我咁得閒不如幫佢做野, 又話本來呢D野係由我地做, 我叫佢行入去同我阿頭講, 佢話好聲好氣叫你幫手, 如果叫到你阿頭叫你就唔好喇, 講咩敬酒唔飲飲罰酒呀, 嗰下我真係著哂火, 反面, LUNCH喺街見到我佢同我揮哂手都唔睬佢, 點知佢都係咁, 無變過, 咁我既職責係負責呢D就係呢D, 佢次次行入來就話我無野做, 我個位衰, 坐最出, 乜都比人見到哂, 同TEAM都係無乜野做既同事坐最入無比人睇到, 咁我做野既嗰陣, 忙緊既時間又喺邊? 成日走埋來講廢話, 討厭到極點, 岩岩嗰個禮拜又係咁, 我同佢講, 同我上司講囉, 就算真係做, 都唔會係我負責, 除非佢出埋佢份糧比我囉, 佢好似唔識聽人話唔識睇人面色咁, 我決定唔再同佢講, 佢以後行入來再講呢個話題, 我唔應佢。

私人傳訊

naicha

公爵府

積分: 25951

18^#

發表於 20-9-20 22:34 |只看該作者

zoie_w 發表於 20-9-20 22:29
我地呢度唔係話比你講幾句就改, 好多野都定好, 邊個係負責做D咩, 我最憎佢之前搵我阿頭壓我, 話我咁得閒 ...

我諗我會做兩件事, 第一件事係佢一嚟我就行開去針水或去廁所, 以表示我唔想同你講嘢。第二件事係同上司講呢個人騷擾我做嘢, 成日嚟搵我傾計, 等你老細搵佢老細話佢。

私人傳訊

面包豬豬

男爵府

積分: 7817

BB防敏心得分享勳章

19^#

發表於 20-9-20 22:36 |只看該作者

回覆 zoie_w 的帖子

如果係我，當下就會笑笑口話：嘩，乜你咁講嘢架？你都食我唔少嘢啦，講呢d。如果係去到討厭唔多想應，我通常都係絕招：呀咦嗯er 啊對應，再借頭借路離開，斷估返來唔會再係同一話題掛。
講公司行政安排，問十次答十次都係：公司安排係咁都無計架。當你答十次都係相同答案，佢就無引唔再同你講

私人傳訊

zoie_w

珍珠宮

積分: 30584

20^#

發表於 20-9-20 22:39 |只看該作者

naicha 發表於 20-9-20 22:34
我諗我會做兩件事, 第一件事係佢一嚟我就行開去針水或去廁所, 以表示我唔想同你講嘢。第二件事係同上司講 ...

你第一個建議幾好喎, 多謝您! 第二個我就唔去到最頂唔順都唔會用, 始終呢個世界好細, 我都係嗰D就算幾唔鐘意都唔想反面嗰種, 尤其係公司

同埋之前我阿頭都唔太鐘意我成日同人傾計, 話好嘈, 咁仲好, 小D同佢傾計, 阿頭又無炸型, 我又唔駛聽廢話, 小D衝突, 自己又唔駛激氣, 佢一行入來我就借意去洗手間, 幾好~

我發覺我做野呢度好多人都係咁, 古古惑惑 , 表面FD, 但會利用你幫佢做野, 所以要自保, 需要繼續努力