個女一歲半，我覺得佢係天生好跩，馬騮精托世！唔聽教！唔聽話！
一日2餐奶 2餐粥/飯 1餐3點3
每次食佢嘅正餐都食成個鐘 ，頭3啖好快食落肚，第4啖開始含住食！坐姿極惡劣，食食下晾高隻腳，一係就坐到無腰骨，一時玩腳一時玩櫈！佢聽得明坐好，食正餐叫佢坐好 佢會扁嘴，如果夾硬擺番好佢坐姿佢就會喊，然後唔食！
我知佢聽得明咩叫多手！咩叫唔好搞！
例如屋企啲風扇，每日佢都會搞一搞，我叫佢唔好搞佢都會繼續搞！打佢手仔佢都仲會搞，完全唔怕你打佢～
每日剩係講唔好搞 唔好手多都講到口臭！！佢搞任何野之前都唔會望下你，直接就遞手摸，叫佢唔好搞，依然會繼續搞，即使拉開佢，佢都一樣係會行翻埋去繼續搞！！！！唯有強行捉實佢，佢喊先會唔搞，但隔一陣又會搞。
有時候帶佢去玩公園或者樓下散步，佢係果個地方玩得興起佢就會完全唔聽你講！完全唔聽話！叫佢過嚟，唔會過嚟！
我跟住佢後面，佢玩興左，唔肯拖亦都唔洗你拖，自己行樓梯，唔要你隻手！會搶其他小朋友嘅野！
叫極NO!NO!NO! 佢都完全無反應，連叫佢個名，佢都唔會理你～
有時候鬧佢，佢會唔理你繼續做佢自己想做嘅野，連眼都唔會望下你！
或者鬧完佢，隔左一陣諗住同佢玩，叫佢過嚟叫佢名，佢都完全唔畀反應你！
佢係喊包佢成日喊！！唔理三七廿一佢都會喊左先。
- 茶點時間，準備緊零食（例如：啲餅搣開緊一半）、攞緊畀佢，佢已經係到喊～
- 沖奶，佢望住我沖緊，已經係度喊～
- 大人食嘅野，太油太多味精唔畀佢食，佢就會賴地喊！
- 出街我地行緊前，佢見到佢想行去嘅地方，佢會自己行過去，我地唔同佢行過去，佢又會賴地喺度喊！
- 佢想食零食，佢指住個櫃想叫我畀，我唔畀（因為食太多），佢又會喊！
- 佢好鍾意企係腳同腳嘅中間，有時我坐係櫈 橋住腳，佢就會行埋嚟整開你隻腳，如果唔畀佢整開，佢又會喊同大叫！！甚至乎你抱起佢，佢都唔畀，佢會係都要整開你企中間，喊到你畀佢整開為止！
- 有時佢會捉住你隻手，佢要放係佢想放嘅位置，但可能你整緊野，隻手忙緊，你唔畀佢整，佢又會喊！
- 我鬧完佢，諗住抱住佢同佢解釋翻，氹翻佢，佢一樣會推開你，你捉住佢，佢都會喊！！
總然之一切嘅嘢唔如佢意就會喊到佢如意先會肯停！
我其實有時候真係好唔開心，湊住佢～
每一日起身、手機都唔多撳下，日日陪佢望住佢餵佢食野，但每一日都要我不停重複重複講坐好坐好坐好、唔好搞唔好搞唔好搞、No!No!No! 搞到我個人好炆好炆好唔開心！
佢好鍾意黐住我、佢邊個都唔鐘意跟、剩係跟我，同爸爸一齊出街都唔畀爸爸抱唔畀爸爸拖，剩係畀我抱畀我拖，但佢咁唔聽話搞到我都唔知自己想點。
有時真係連鬧佢都唔再想。
到底係咪我感覺錯誤？
其實一歲多嘅小朋友係唔係都係咁樣樣？
係咪真係會叫極唔聽，一路叫唔好搞、明明聽到都仲繼續搞？
係咪真係咩都喊左先？
心好攰了⋯
。與其不斷地NO 佢，NO 得多NO 到大人細路都冇感覺，不如將佢能力範圍觸及到既野做保護咪由佢搞吓。好似我屋企風扇包晒保護網，淘寶十蚊個。咪由佢篤咯。篤到佢冇興趣篤。一歲既小朋友專注力好有限，坐到喺餐椅半餐我都由佢，另外半餐落地食咯。大大吓專注時間會愈黎愈高。阿女入廚房我主動攞佢隻手指掂吓熱既煲。咁佢以後就明「熱」就唔可以掂，如果唔係會痛。你不斷講NO 但又冇原因久而久之真係當你唱歌。共勉之。
放膽畀佢搞 ，其實我都試過。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
