1-3歲今日: 0|主題: 19716

收藏本版

發帖

返回列表

跳至頁

查看: 5334 | 回覆: 3

港安睇兒科中伏分享下，可能我黑仔卦。。。 [複製鏈接]

dada613

民房

積分: 23

1^#

發表於 20-11-17 16:56 |只看該作者 |倒序瀏覽 |打印

早d睇到forum有個有關港安兒科個post就好。。。。。琴日帶呀女去睇完覺得中伏唔放心search下先見到。。。。

呀女3歲幾，開始有輕微上呼吸道感染症狀，呢排有些爆發風頭火勢所以比較留意，本來打算去仁安睇陳醫生但當時未開門又唔知有無位所以就直接去左港安睇心想應該都穩陣，結果真的後悔死。當時係許醫生睇的。問診過程無咩好野好講，但如果我以兒科醫生角度來考慮，我不認為比我睇過的任何一位包括診所嘅醫生好。基本檢查做完，其他我問多過佢講。有提過雖然無顯示發燒，但有時候都會覺得呀女額頭慶慶地，醫生話開定退燒要備用，我亦沒有反對，其實我唔記得屋企有。

賣單$900+，真係粗口都來埋，$300+係藥，絕對吸血，唔係多少問題，而係值唔值嘅問題。比我以前系St Paul睇沈醫生（非常好，但佢去左港怡太遠啦）或者仁安睇過嘅兒科醫生（陳醫生同曾醫生我都覺得不錯）都貴一截，重點係不見得值，對小朋友態度有明顯距離。攞藥見到有2支退燒藥我即刻想嘔血，備用咋，而且藥房萬寧直接有得賣，洗唔洗甘都要搶一筆塞2支比我呀喂。。。亦無考慮到小朋友可能唔會鐘意食藥，直接開三款藥比我，每天3次每款每次4ml，姐係一日喂9次，想玩死父母嗎？我並未試過類似情況有兒科醫生開3款不同嘅藥比小朋友，之前兒科或者睇開嘅診所都會考慮餵藥同是否需要比小朋友食甘多同甘重藥嘅問題。

我個人習慣上會check下醫生開左咩藥，作為參考了解下醫生處方是否合理等等，有問題就關注，無問題當學習，雖然話係醫生處方，但症狀並不嚴重，止咳需唔需要開到甘重手而且係普遍資料包括衛生處亦不建議12歲以下服用嘅成分即使係醫生處方亦盡量避免使用，這成分我唔講啦畢竟我唔係專業，我只知d人要hi就食佢，就算大人食，非必要我絕對會敬而遠之。化痰無問題但另外有一隻話係抗敏感，但據說痰咳不建議使用，以我呀女個情況並非嚴重，係本身支止咳同傷風mix的已經有對應噴嚏同鼻水嘅藥嘅情況下，我無法理解為何要開呢隻，總覺得這支藥係為左賺多你一支藥$$，而港安藥錢又感覺特別貴。。。。

算啦，反正小朋友唔肯食藥，side effect未試過今次甘犀利，我對呢次d藥唔放心，又唔想再逼佢食藥啦就已經決定唔再比佢食，話唔急一定係假但情願比d耐性比佢休息飲水慢慢好起來好過佢繼續食呢d，過兩日無好轉再去搵其他醫生。

醫生有佢嘅專業，我無資格亦並非質疑，作為父母當然唔想見到小朋友唔舒服當然想佢地快d好，我接觸過的兒科醫生用藥都係非常謹慎，真心接受唔到呢位開嘅藥，覺得同鄉下老人家落樓下藥房仔亂買藥只要重藥見效就係好嘅心態但唔理會對身體可能嘅副作用傷害感覺無分別，。。。我好少甘樣花時間打一堆字講呢d，亦無意評價醫生d咩野，只係在我主觀角度確實有不好的體驗分享，只能說唔夾，係我角度我不會再搵呢位醫生，我無法信任佢，有選擇的話亦唔會再去港安.....

9舊水，完全無作用，唯有當日行一善