自由講場今日: 127|主題: 1337028

收藏本版

發帖

返回列表

跳至頁

查看: 17910 | 回覆: 235

12 3 4 5...12

積分: 1583

1^#

發表於 23-8-17 23:12 |只看該作者 |倒序瀏覽 |打印

本帖最後由 serenakk 於 23-8-18 00:28 編輯

大家好，請容許我中文唔好嘅post係度出現，因為想呻下！

好多人都好羨慕我阿哥阿嫂！
我阿嫂而家都5x歲，話就話做人新抱，但我媽就似做佢新抱多啲，點解？次次佢地一返黎（不同住），佢都做妲妃，着住出街衫瞓係人地張床玩電話/瞓覺（疫情時都係咁），每次食飯前係必定唔會出黎幫手開飯（瞓到豬咁唔醒）我家兩老成日叫佢起身「xx，食飯喇！」
我承認我哥都係怕咗佢（佢地關係唔係恩愛果種/成日因為小事阿嫂會發火鬧離婚）。
我成日都同我媽講「唔洗親自叫佢食飯，叫你個仔啦」但事實係我兩老對佢地好好，連洗個碗都話「唔洗你做，其他人（兄弟姊妹）做架嘛」到今時今日佢地兩公婆覺得兩老對佢地唔好，偏心其他人，但一個外人都睇得佢兩老最錫佢地，可能就係因為當年我媽湊唔掂佢地個仔而開始覺得我地所有人都唔好啦我估。
加上我嫂情緒管理好差，佢可以係我地面前發脾氣，我媽試過比佢鬧埋一份，呢啲事兩老都無放係心，兩個老人家都只係想一家和氣都咁難！

唉！對住呢兩公婆我都無話再講喇，父母都老喇佢地都會走架，點解佢地都唔諗下父母咁錫佢地？當年佢地一家出狀況我媽出心出力照顧佢地為咩？當年粒孫岩出生再加一個坐月媽媽我媽都一樣盡力照顧佢地，而家連佢地個仔去讀書兩老都比唔少錢呢粒孫架（兩老積蓄唔多），呢啲野無得扮，真係唔明呢個兩人做咩事？！我地明白做仔女係阻止唔到父母嘅做法但有啲野唔係必然架！

多謝大家睇哂咁多字！

*唔知點解突然睇唔到回覆

0 0 0

私人傳訊

serenakk

大宅

積分: 1583

2^#

發表於 23-8-17 23:17 |只看該作者

本帖最後由 serenakk 於 23-8-18 12:43 編輯

仲有好多事我無詳細呢度講，唔想咁岩有家人睇到
*見大家留言（好多留言睇唔到），係！事實係我父母真係對佢地太好太寵佢地，寵到而家佢地將所有野調返轉講，話父母忽略佢地偏心其他人！
可能真係我地全家人前世欠左佢地！所以呢個係改變唔到嘅事實！

我都想佢地明白佢地都做人父母嘅，都唔想自己仔女對自己差，佢地個仔（佢地自己湊大）都似足我阿嫂，細個經常發脾氣坐唔定，更出手打阿媽（我親眼見），一日到黑都玩電話，玩到唔去廁所最後瀨屎瀨尿要換褲，讀小學時食飯要人喂，而我阿嫂都唔覺係問題，我阿嫂成日講佢個仔係聰明人，iq比正常人高呢啲說話，搞到個仔成日都睇唔起人周圍同人講iq比其他人高，而我哥愈來愈變到烏龜咁，聲都唔聲下，可能見結婚都咁耐。
而家個仔都大個喇，將來都會娶老婆，啲人成人講風水輪流轉我都信架