2年前試過荷爾蒙失調, 做埋宮腔鏡, 食左3個周期荷爾蒙藥, 結果都唔流啡唔斷尾, 去左睇中醫, 醫好了. 2年都非常正常. 幾個月前突然無M到, 之後個2個個月, 都係得幾滴血…當時覺得唔多對路, 已去了婦科做陰超同驗血. 結果話正常, 叫我觀察.點知…呢個CYLCE由8月28日開始流少少少血, 日日都係咁, 時好時壞…我已經即刻睇中醫, 食左中藥成個星期,好似無改善, 咁我就睇婦科, 西醫話因為有血,所以唔再照陰超, 而且7月份先做完陰超, 所以比左14日荷爾蒙藥我食, 話如果食左仲有血就要考慮做宮腔鏡. 因為之前食過荷爾蒙藥,有副作用…所以我真係唔想食. 咁我見D血又唔係太多, 就繼續飲中藥. 的確, 中藥係有效既, 血量係減少了的, 大概9月20日左右啦 (即係M左22日), 係收左, 無血2天..之後又突然出鮮血, 量都唔係多既, 全日都係1片日用一半既量啦. 直接呢幾天, 可能我9月29日排卵, 自從排左之後, 我每日只係早, 晚有啡色分泌加血絲.. 今日10月4日了, 已經超過一個月, 就快又下次月經了…所以想上黎搵下同路人, 分享下.
我今年44歲, 我就係上2個月得幾滴…所以7月份做左陰超同抽左血, FSH係7.8, 西醫又話未到更年期…但我CHECK個日係DAY16了(上網話月經第三日係最準..) 點知8月份唔識停, 再睇多次婦科, 又話我陰道出緊血, 照唔到超聲波..
我又係量唔多.. 但係好似一個循環咁, 開頭鮮紅色血1,2日, 量比較多少少, 不過全日最多都係少個一隻手拳頭既血量啦, 之後3,4日就會減少, 慢慢變啡,再去到血絲… 之後又由頭開始…. 今日就係CYCLE既開始, 我今日又開始紅色血了. 雖然量唔多, 但好困擾.
連續4個月不停, 咁你點? 有冇睇中/西醫? 我一個月都覺得好困擾.
我2年前都係做左宮腔鏡加抽組織化驗。結果都係荷爾蒙嘅問題。 我食過荷爾蒙, 有好多副作用, 而且食到最後一期之後,都係流啡唔識停, 都係靠中醫止血. 但今次我搵番同一個中醫, 食了2x日藥+針灸, 只可以話有改善, 出血量少, 但仲未止到血.
發表於 
返回列表
