吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有無人老公係脾氣差/口臭？

夫婦情感今日: 15|主題: 42538

收藏本版

回覆發帖

返回列表

跳至頁

查看: 13549 | 回覆: 10

有無人老公係脾氣差/口臭？ [複製鏈接]

in_hk_people

大宅

積分: 4453

1^#

發表於 24-4-7 21:24 |只看該作者 |倒序瀏覽 |打印

本帖最後由 in_hk_people 於 24-4-7 21:31 編輯

朋友既男友一直都係脾氣唔好，但佢地一齊同居左之後，男方有改善，佢地就黎結婚

朋友近來讀緊course,完成後有機會升職（要重新send cv同interview),佢男友好緊張朋友讀呢個course既情況，咁岩朋友抽到平機票去旅行，上唔到呢個course最後一堂，suppose最尾一堂應該係考試tips…但抽機票嗰時我朋友對晒工作同course schedule,擔心撞到考試，但因為嗰時呢期既上堂日子未firm,所以去旅行日子撞中左最尾嗰堂，朋友想叫男友幫手去個課堂到錄音，佢男友發晒爛咋話朋友淨係識玩，話佢自私唔對呢個家庭負責，我朋友本身超級鐘意去旅行，最愛獨遊，但佢男友唔鐘意佢去獨遊，覺得佢唔拎多啲錢出黎係佢地屋企，寧願去旅行，仲要唔預佢男友、因為佢男友買左樓，諗住結婚既，但屋企支出男方比多，男方想女方一齊共渡時間，因為朋友既男朋友比左屋企支同埋供樓後，都唔係淨到太多錢

講返個考試啦，佢地傾傾下，佢男友話個考試唔合格佢會斬我朋友，我朋友聽到呢句勁hurt同埋驚，其實佢男朋友都間唔時比面色朋友睇、男方後尾解釋話唔係字面意思呀，又話我朋友蠢，話佢唔識諗深一層意思，又話朋友幼稚唔成熟，考試前仲去旅行…同埋朋友都預測到如果考試唔合格，佢男友肯定會好嬲

另外，其實朋友早幾日佢男友車佢去買高鐵飛比朋友父母返大陸，但當時無回程飛買，而佢父母又唔鐘意轉車，所以當刻打算大陸叫車返黎，但朋友諗多兩日想說服父母搭轉車既高鐵返，因為少返大陸唔洗煩，佢父母又話ok,咁岩早兩日放假，佢想快啲到高鐵站買飛，問男友可否幫手車佢去，佢男友放假在家睇片打機中，佢男友即時發脾氣，後尾佢男友同朋友話佢唔想去，唔想車我朋友，放假佢淨係想在家，同埋呢件事佢嬲係因為朋友處理呢件事處理得差，類似咁既事實在太多，朋友覺得好委屈

佢男友既脾氣同性格有改既，同埋男方想生仔，女仔唔想，最後男方話讓步，話就個女仔唔生，但仍然有呢啲位令佢都猶豫緊仲應唔應該同男方結婚，男求左婚，但未簽紙，我都唔知比咩意見好（之前男方直頭用粗口鬧我朋友，經過好多次離合之後，少左好多了，幾乎冇啦）

大家點睇呀？

0 0 0

私人傳訊回覆引用

chuman2014

複式洋房

積分: 198

2^#

發表於 24-4-7 22:00 |只看該作者

in_hk_people 發表於 24-4-7 21:24
朋友既男友一直都係脾氣唔好，但佢地一齊同居左之後，男方有改善，佢地就黎結婚

朋友近來讀緊course,完成 ...

有！老公好易嬲，又小氣

揸車成日用粗口鬧人，小朋友喺度照講。
小小事都腌尖腥悶，搞到小朋友都有樣學樣。
所以搵老公，一定要搵個EQ高的！

私人傳訊回覆引用

CCHINGC

子爵府

積分: 10943

3^#

發表於 24-4-8 12:00 |只看該作者

我本身就唔會同呢類男仔係一齊，脾氣差到口不遮言，都係傷害嘅一種，加上價值觀不一樣，我喜歡去旅行，佢唔喜歡，久而久之會好多爭執。

不過，你朋友都唔成熟，為左去旅行唔上堂，又要人車佢去買高鐵飛，宜家高鐵飛上網都得啦，點會仲需要都現場買，你嘅時間係時間，人地嘅時間都係時間

私人傳訊回覆引用

kaman06

男爵府

積分: 6488

4^#

發表於 24-4-8 15:32 |只看該作者

in_hk_people 發表於 24-4-7 21:24
朋友既男友一直都係脾氣唔好，但佢地一齊同居左之後，男方有改善，佢地就黎結婚

朋友近來讀緊course,完成 ...

好簡單，去做婚前輔導，將d結婚後生活問題擺晒出黎，例如婆媳問題，生唔生仔，有咩事輔導員做醜人，你作為朋友食花生就得，咩意見都唔好比

私人傳訊回覆引用

HK2GOU

大宅

積分: 4434

5^#

發表於 24-4-8 16:12 |只看該作者

人冇十全十美，我老公都係呢啲人，不過佢嘅優點可以令我接受佢脾氣，雙方三觀合唔合好緊要，未結婚咪揀吓先

私人傳訊回覆引用

kwhkwh

公爵府

積分: 25244

2024年龍年勳章 2024勳章牛年勳章

6^#

發表於 24-4-8 19:52 |只看該作者

男既是好人, 女既亦都不是好人

1. 最愛獨遊
2. 寧願去旅行，仲要唔預佢男友

既然係咁, 女既當初何必拍拖?

請勿轉載。搬字過紙不是記者的工作，未經同意, 即屬抄襲。

私人傳訊回覆引用

靚靚C9

瑪瑙宮

積分: 126570

2018復活節勳章玩具勳章畀面勳章 wyeth冷知識勳章親子達人勳章 BK Milk勳章

7^#

發表於 24-4-8 22:28 |只看該作者

回覆樓主:

男女都有問題，早分早着

私人傳訊回覆引用

strawberry1975

男爵府

積分: 9709

牛年勳章

8^#

發表於 24-6-23 11:50 |只看該作者

我老公都脾氣差，對外人好好，所以外人覺得佢係好好先生；對家人，一句就塞你，唔知幾時哪句說話唔啱佢聽，佢話人好地地，人地話佢，佢就話你串，無禮貌及難溝通。

私人傳訊回覆引用

anna59

珍珠宮

積分: 47681

9^#

發表於 24-6-23 20:09 |只看該作者

strawberry1975 發表於 24-6-23 11:50
我老公都脾氣差，對外人好好，所以外人覺得佢係好好先生；對家人，一句就塞你，唔知幾時哪句說話唔啱佢聽， ...

佢响度燒福, 將來一定自己受番晒, 個天會同佢計數
到佢身體有事, 就對付佢

私人傳訊回覆引用

Bb700

複式洋房

積分: 350

10^#

發表於 24-6-24 02:03 |只看該作者

in_hk_people 發表於 24-4-7 21:24
朋友既男友一直都係脾氣唔好，但佢地一齊同居左之後，男方有改善，佢地就黎結婚

朋友近來讀緊course,完成 ...

就內容睇相方性格都唔太夾。

男既已經為緊相方婚後/將來打算（暫且當佢供緊婚後層樓），但女既仲停留係做女單身角度。

性格/三觀不合，想一齊就要互相讓步。就好似女方好介意男既用粗口罵佢，男既都改左，唔想生仔都讓步。但女方鐘意獨遊，正常好少另一伴會接受對方獨遊，仲因為要去旅行想人幫佢錄音，咁正常人都唔高興啦。

佢地年齡差距係唔係都好大？好難個男既事事讓步得黎又好大脾氣。而個女仔好怕佢脾氣，但又可以令對方讓步。

覺得都係放生大家啦，女既一直都係諗自己，佢適合搵個事事以佢為主既另一伴多d ，勉強結左都為好多野嘈，最終結局都一樣。