我而家第2胎，第一胎陀得好舒服，都係唔舒服左兩個禮拜，呢一胎未到due day已經開始唔舒服，長期都暈暈地，好似踩緊喺個泥地咁，初時嘔得冇咁犀利，去到10週中期，開始食乜嘔乜，之前食到嗰啲，唔使5分鐘嘔返晒出嚟，11週開始返唔到工，搭車都暈車浪，輕咗差唔多八磅，有睇開中醫，本來完全唔抗拒中藥，由有到而家中醫開安胎藥止嘔藥完全飲唔到，慶幸而家12週3，開始好啲，食到嘢，雖然仍然都係冇胃口，食完嘢都係會頂住會想嘔，但係冇左一定嘔出嚟嘅衝動，不過仲係冇體力；公司啲大佬叫我入院，但係其實中醫西醫都話冇辦法，個個人都係咁要撐住要捱過，撐到12週打後就會好啲，所以加油啊！我好明白嗰種生不如死，度日如年，孕吐真係辛苦過生仔嘅感覺🥹
上一胎唔舒服嘅時候我都仲搵到啲食得落而又唔嘔嘅，但係今胎真係冇，乜嘢酸嘢，果汁全部冇用，連水都飲唔到，人哋話食薑可以止嘔，但係我一食即嘔🤮不過我發現食完嘢食香口膠會有少少幫助，我食檸檬味airwave，仲有麥當勞嘅凍奶茶，我知道凍野唔係咁好（不過其實我第一胎嘅時候都照飲，不過全部走冰，同埋我唔係即刻入落去，會喺個口度停留一陣等佢暖少少先吞，我個女出世好健康，可能全個孕期中醫傍住，冇停過中藥，直到生）但係呢個時候唔理得咁多，可能係嗰陣澀味，可以沖走啲口水，我中醫都話點都要食啲，而家冇限制，等你撐過去，再努力補身！
仲有上一胎唔舒服開始，我就不停咁樣睇YouTube嗰啲吃播，唔知點解睇完令真係開心啲，仲有好似令到自己消化到少少，冇咁頂，應該都係心理作用😂呢胎我繼續睇，同埋個女一齊睇添，睇完真係開心啲，同埋令到自己有返啲信念，同自己講好返之後：「我要去食好嘢！！」💪🏻💪🏻
加油💪🏻💪🏻
發表於 
返回列表
