吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 順產的媽咪可以分享一下心得嗎?

懷孕前後今日: 0|主題: 330523

收藏本版

發帖

返回列表

跳至頁

查看: 2599 | 回覆: 17

順產的媽咪可以分享一下心得嗎? [複製鏈接]

todiechan

別墅

積分: 809

1^#

發表於 09-9-14 11:05 |只看該作者 |倒序瀏覽 |打印

大家好~~

我宜家37週多了, 宜家每日期待緊B仔出世, 不過自己又好擔心陣痛果日的過程, 有時唸起都驚到訓唔著, 所以想請一D已經順產過有經驗的媽咪分享下..

(1) 一般坊間話第一胎要痛十幾個鐘, 請問係咪意思十幾個鐘都係大痛呢??

(2) 請問痛的程度有無平時日常生活的例子可以作比較呢?? 似食錯野肚痛? M痛?

(3) 請問大約開到幾多度先真係覺得好痛, 要打止痛針or聞笑氣呢??

(4) 請問剪會陰 / 聯針係咪唔覺得痛呢?

0 0 0

私人傳訊

todiechan

別墅

積分: 809

2^#

發表於 09-9-14 15:55 |只看該作者

請問有無媽咪可以分享下呢?

私人傳訊

blueski

公爵府

積分: 27140

2026勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018母親節勳章 2018復活節勳章 15週年勳章親子王國15週年勳章趣教勳章畀面勳章叻叻勳章有「營」勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋 BK Milk勳章 hashtag旅遊勳章 hashtag影視迷勳章 DHA勳章育兒性格勳章認識瑞士牛牛第二回認識瑞士牛牛第三回最關心BB問題熱投勳章美好大世界2017勳章開心吸收勳章

3^#

發表於 09-9-14 16:40 |只看該作者

回覆 1# todiechan 的文章

我係催生的, 所以唔知同無催生有無分別
(1) 我就痛左5個鐘頭 - 其實都係因人而言..有d人好快就生左...大痛都會密d, 間中都會小痛...接近生時就會想疴, 但印象好似無咁痛..
(2) 個人來講, 比起攪肚痛係十倍(痛到同自講可唔可以唔生, 哈哈), 但都要頂硬上
(3) 我都唔知自己開到幾多度, 因為d姑娘幫我落催生藥時, 話4個鐘後先幫我睇下開到幾多度, 所以我一路都唔知自己開到幾多度, 落完催生藥, 大約半個至一個鐘開始小痛), 至於笑氣, 因為醫院當時裝修暫停供應, 我就打左支嗎啡針, 對我來講打左同無打無分別, 都係好痛..
(4)剪會陰, 大痛以經蓋過剪, 唔覺係d咩野, 反而聯針就有小小痛, 但都係小兒科...
希望唔好嚇親你...祝順利生個可愛的bb:)

私人傳訊

小幸子

禁止訪問

積分: 7614

4^#

發表於 09-9-14 17:13 |只看該作者

提示: 作者被禁止或刪除內容自動屏蔽

私人傳訊

mikeivybb

別墅

積分: 823

5^#

發表於 09-9-14 19:12 |只看該作者

我都係摧生的, 而家都有好多bb過期居留. 你唔使擔心的, 我就覺得生左出來一定舒服過個bb咁大咁重, 晚晚瞓教都好辛苦咯.

1,2&3) 我入左醫院兩日, 第一日早上塞左藥下午就開始痛, 但可忍到, 比起m痛5-6倍到. 到左第二日又再塞多一次藥後下午陣痛再加劇, 比起第一日又再痛多幾倍, 痛到我在d姑娘面前喊, 之後佢地可能怕我情緒有問題,馬上幫我打止痛針,成迷糊左3個鐘之後突然穿左水,痛又再加劇, 真係痛到係張床到滾來滾去(但仲未到十級個種),未入產房已經要求做無痛分娩,過左一個鐘唔夠就入產房啦. 個時已經痛到個人震晒, 做無痛要時間準備, 見到笑氣就狂吸,都有dd用的.之後做左無痛真係完全鬆晒, 成個第二產程(十個鐘都瞓著左).到左尾段,子宮開晒十度停藥後我覺得唔係痛,係超想疴.

4) 可能由於最後我bb係吸出來的, 半身痲醉,所以剪會陰係feel唔到的, 但係生完聯針就痛痛地啦, 一下一下咁咯.(但係個傷口因剪開, 整齊d, 一個多星期就好左啦, 我另一個朋友, 因係撕裂, 攪到要輸血, 又成個月都唔好, 所以我一入產房就同姑娘講, 有需要馬上剪,唔好遲)

總之唔使驚, 你始終要經歷, 之後你就可以抱住你可愛的bb鍚鍚啦, 都無咩恐怖啦.

私人傳訊

靚靚師奶

子爵府

積分: 14727

6^#

發表於 09-9-14 21:01 |只看該作者

緊張一定係好緊張~不過自己未試過,淨係睇人講話點痛點痛,其實平時真係唔會想像得到~而家每個人受痛o既程度同情況都唔同~我媽咪有個朋友,佢生左兩個,痛都未痛過就生左o勒~
我上一胎大痛左四個鐘~成個過程最辛苦係有種想痾o既感覺,但又唔可以用力,要死忍爛忍o個時係最辛苦o既!到可以用力生o既時侯已經唔覺得痛~

私人傳訊

dinapoon829

大宅

積分: 1386

7^#

發表於 09-9-15 00:17 |只看該作者

我朝早9點見血穿陽水, 跟住入QE. 到深夜每隔5-10分鐘到會痛, 但可以忍到亦訓到覺. 到第二日朝早11點催生, 我做無痛分絻, 老公一直係產房陪我. 我跟住聞笑氣訓著咗. 到下午3-4點好急屎好痛既感覺. 姑娘話我開咗一度, 但唔可以用力疴. 因為會疴腫咗下面或者要多一至兩個鐘先生到. 跟住迷迷糊糊大約有3次超級勁痛, 成個人抽搐, 但可以聞笑氣既.
到6點半到可以用力疴啦. 7點半7-8個姑娘入咗黎, 幫我打針剪會陰, 跟住幫我按住個肚一收縮就叫我用力. 試2次之後生咗個女. 唔駛驚架. 唔係想像之中咁恐佈. 生完見到個B, 我第三日都唔記得點痛囉

私人傳訊

albb

大宅

積分: 2916

8^#

發表於 09-9-15 01:48 |只看該作者

(1) 一般坊間話第一胎要痛十幾個鐘, 請問係咪意思十幾個鐘都係大痛呢??
我第一胎都係痛左十幾個鐘, 但係... 對我而然頭十個鐘都係開得2度, 所以每次陣痛都唔會太痛, 反而第二胎半夜三更開始陣痛(15分鐘痛一痛), 到生都係幾個鐘, 不過越接近生就會越痛.

(2) 請問痛的程度有無平時日常生活的例子可以作比較呢?? 似食錯野肚痛? M痛?
初初好似搞肚痛, 之後1~2個鐘就突然之間好快咁...痛得密又痛得西利, 就好似m痛x10, 最後係等醫生黎接生, 想痾又唔比痾住, 呢下係最最最痛...

(3) 請問大約開到幾多度先真係覺得好痛, 要打止痛針or聞笑氣呢??
其實我覺得每個人忍痛情度都不同, 平時連打針都怕的我, 到生之前都怕痛, 第二胎去到醫院等左2個鐘到, 真係忍唔到d陣痛, 姑娘同我講醫生落左order, 如果我頂唔順陣痛, 可以打止痛針, 開頭我都忍下痛, 姑娘再同我講如果而家唔打止痛針, 到開左6~7度接近生時就唔可以打止痛針架啦, 跟住我諗諗下都係打止痛針, 因為都唔知要忍痛到幾時, 我要留力係生那一刻, 跟住到差唔多生得就開始聞笑氣, 當好似大便咁痾左2, 一次係頭仔, 最後一次係個身, 咁...你就會舒服晒, 可以用到<<<爽>>>字黎形容.

(4) 請問剪會陰 / 聯針係咪唔覺得痛呢?
剪會陰跟本無感覺唔會覺得痛, 反而聯針會有感覺, 但係又唔覺痛, 只係好似吉吉下咁, 同埋你見到個bb咩都唔理啦

私人傳訊

bosch

瑪瑙宮

積分: 128521

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

9^#

發表於 09-9-15 09:22 |只看該作者

(1) 痛左2日幾. 痛下停下咁, 唔痛果陣好輕鬆, 行得走得食得訓得. 大痛只係痛5個鐘, 但又係痛下停下, 加埋都唔知有冇痛左3個字. 初初我唔知算係陣痛, 仲由九龍出機場接機.

(2) 渣實個拳頭, 用另一隻手出力包住個拳頭咁.

(3) 對我黎講, 全程都算頂得順. 痛果陣唔會拿住痛十個鐘, 而係痛一陣, 停一停咁. 做產前呼吸係有用, 同埋你儘量分心啦, 淨係諗住好痛既話, 自然會好痛. 我果陣一痛就望錶計時, 如果陣痛係幾分鐘一次, 個肚實晒超過1分鐘 (開始收緊同放鬆果幾秒唔計), 咁距離生得唔遠啦.

我聞笑氣好似冇用, 不過打支針就訓左4個鐘咁耐, 間中痛醒轉頭又訓番, 痛到好似急屎時醒左, 見到成班助產士已經入晒產房, 即係生得.

(4) 剪唔覺痛, 直頭唔知. 聯果陣似係有人響度做野. 你唔駛怕剪同聯, 反而要小心護理傷口, 因為拆線比剪同聯針痛好多!!! 我陣痛時冇乜點嗌, 反而拆線時就嗌到成個病房既人都聽到!!!

我覺得唔駛知得太詳細, 你亦都唔駛驚, 呢d 野預計唔到, 抱住煮到埋黎就食既心態就得. 而家諗番, 俾針拮到手指頭果陣刺痛仲難頂過陣痛果陣個肚實晒既痛.

私人傳訊

MissMusic

男爵府

積分: 7060

2024年龍年勳章

10^#

發表於 09-9-15 10:44 |只看該作者

我反而想知, 姑娘/助產士會唔會教我用氣用力? 我驚我到時痛到唔識用氣用力, 明明生到都屙唔出....

私人傳訊

todiechan

別墅

積分: 809

11^#

發表於 09-9-15 12:55 |只看該作者

多謝, 多謝各位媽咪的意見同分享

其實我都一樣有d 擔心到時唔識用力生BB丫,
雖然我有上產前班, 通常都係教用力時似肚疴要用力疴屎的感覺....

不過我宜家有時自己坐係床上練習下用力疴, 但就發覺疴屎同生BB的出口都唔同, 好似D 力去唔到生BB個位咁既.....

我成日都驚唔識用力到時焗親BB呀, 因為有時成日聽到D新聞話順產會出現BB缺氧。

私人傳訊

wohwoh

男爵府

積分: 8322

12^#

發表於 09-9-15 13:13 |只看該作者

(1) 一般坊間話第一胎要痛十幾個鐘, 請問係咪意思十幾個鐘都係大痛呢??

我大痛痛左 14 個鐘。

(2) 請問痛的程度有無平時日常生活的例子可以作比較呢?? 似食錯野肚痛? M痛?

都似 M 痛，但範圍較大，同埋程度係 x 10。

(3) 請問大約開到幾多度先真係覺得好痛, 要打止痛針or聞笑氣呢??

3 度開始真係幾痛，我全程靠聞笑氣，本來都曾經想放棄叫姑娘打針，不過最後都係 C 忍。

(4) 請問剪會陰 / 聯針係咪唔覺得痛呢?

剪時無咩感覺，聯針有丁丁吉吉下痛，但生完無耐呢 D 痛已經唔會將距放係心。:lol

過程真係幾辛苦，但見到 BB 果刻既開心絕對可以蓋過晒一切，祝妳生個肥肥白白既 BB 呀！:)

私人傳訊

大大妹

大宅

積分: 4037

好媽媽勳章

13^#

發表於 09-9-15 13:53 |只看該作者

1) 一般坊間話第一胎要痛十幾個鐘, 請問係咪意思十幾個鐘都係大痛呢??

我見紅入院，陣痛10分鐘一次，痛左25個鐘，但痛個一下好痛，但尚可接受。之後穿水，就開始大痛，痛左連生，5個鐘。

(2) 請問痛的程度有無平時日常生活的例子可以作比較呢?? 似食錯野肚痛? M痛?

似M痛，但痛過M痛勁多，每一痛就人都顛架！無得比較，好難形容。

(3) 請問大約開到幾多度先真係覺得好痛, 要打止痛針or聞笑氣呢??

3度前係病房，無止痛方法，4度可以入產院，可以閒笑氣或做無痛分娩，我淨聞氣，我覺得止唔到痛，但個人有d迷糊。

(4) 請問剪會陰 / 聯針係咪唔覺得痛呢?

你絕對可以放心，剪個一下只會聽到聲唔會覺得痛，生完個一刻你會覺得舒服晒，聯針只係小小痛，吉吉地，但絕對接受到。

同自已講，幾痛我都會捱過，人地個個都係咁生，無理由我唔得架！

私人傳訊

大大妹

大宅

積分: 4037

好媽媽勳章

14^#

發表於 09-9-15 13:55 |只看該作者

去到產房有人會教你點用力，我無上過堂都無問題啦！其實同痾屎真係好似，都係個下力，唔洗擔心！如果真係生唔出，佢地會幫你吸出來！

原帖由 todiechan 於 09-9-15 12:55 發表
多謝, 多謝各位媽咪的意見同分享

其實我都一樣有d 擔心到時唔識用力生BB丫,
雖然我有上產前班, 通常都係教用力時似肚疴要用力疴屎的感覺....

不過我宜家有時自己坐係床上練習下用力疴, 但就發覺疴屎同生 ...

私人傳訊

hippohippolily

別墅

積分: 747

15^#

發表於 09-9-15 14:11 |只看該作者

咁我想問, 打會陰果枝針, 會唔會痛呀...

私人傳訊

wohwoh

男爵府

積分: 8322

16^#

發表於 09-9-15 14:23 |只看該作者

原帖由 hippohippolily 於 09-9-15 14:11 發表
咁我想問, 打會陰果枝針, 會唔會痛呀...

姑娘幫我打時我完全無感覺。

私人傳訊

mikeivybb

別墅

積分: 823

17^#

發表於 09-9-15 14:54 |只看該作者

我係在qmh生的, 助護士好唔好真係個個唔同, 我生時轉左三班助產士,就好同唔好都遇齊,當時我係已經疴緊仔....

超好個位助產士叫清姐,佢係第二更接手幫我生的,我生時超想飲水,好似前世未飲過水咁, 其他護士話唔可以飲水只係比d濕左的紗布我啜,佢就去攞d小冰粒比我食,叫我老公control住個量,但真係舒服好多, 可能因為已經生得超辛苦,含住d冰等佢慢慢溶真係當時最正的事.

之後佢交更啦, 換另一班(2-3個)入來,個senior的,得閒走埋來q住手遠遠望下你,叫你'出力d啦'咁,有d jounior的就落力d同你打氣,但都係唔掂你.好似驚整污衊佢地咁.後尾我要醫生幫,個senior call醫生時仲超有禮貌咁講左成分鐘電話,我心諗我就快無命,你仲好似傾閒計咁打電話叫醫生....

生左一個鐘後,好好的清姐返來啦,佢馬上走過來,我一想疴佢就落手挖我下面, 想疴的感覺當堂強左幾倍,佢又教我點用力, 點抖氣,佢同我講個status, 如見到bb個頭啦, 見到個銀咁多啦, 見到個橙咁大啦咁.......

到最後我bb要吸出來,入手術室前,我叫佢唔好走,佢真係跟埋我入去幫我, 因我做了半身麻醉,唔知幾時要出力,佢摸住我個肚一硬就提我出力,直到我bb出世,佢抱比我睇, 叫bb鍚鍚我, 抱比我老公睇話bb邊到有墨,邊到損小小咁叫我老公認住bb, 抱埋上special care 同我落產後房佢交帶姑娘我情況一直跟足.

後來我先知清姐不在的一個鐘我根本唔知點用力,攪到後來唔夠力生.

清姐真係我同個仔的saver, 如果唔係佢我諗真係出事.

原帖由 MissMusic 於 09-9-15 10:44 發表
我反而想知, 姑娘/助產士會唔會教我用氣用力? 我驚我到時痛到唔識用氣用力, 明明生到都屙唔出....

私人傳訊

chiliwu

大宅

積分: 4077

2018復活節勳章

18^#

發表於 09-9-16 21:32 |只看該作者

原帖由 hippohippolily 於 09-9-15 14:11 發表
咁我想問, 打會陰果枝針, 會唔會痛呀...

人家話陣痛痛左咁耐, 唔覺痛
但係我打呢支針我覺得痛喎!
剪果一下唔痛
生完之後再打支針 -> 痛
聯針 -> 頭四五下我懷疑麻醉藥未到, 所以都係痛

痛還痛, 我冇爭扎過喎! 只係冇乜氣咁講 "好...痛...呀..."
諗番起都覺得幾好笑

生bb果日早上11點左右入院, 初初只係似 m 痛
去到下晝3點左右, 仲可以去canteen 食 tea
到下晝5點幾開始有強烈 d o既痛, 果種痛似係 m 痛 + 攪肚痛, 兩者混埋一齊
差唔多到 7 點, 老公搵護士睇我, 因為我話佢知我好痛
check 完, 開到 3 度, 入產房
醫院冇氣聞, 助產士唔建議用無痛, 9點半左右打止痛針 + 穿水, 果陣開到 5 度
之後果 d 痛, 已經唔知點形容, 痛到唔識得吸氣
哈哈! 試過幾次吸唔到氣, 等到痛完先至換氣
俾助產士話, 佢叫我放鬆, 但係我唔識得點放鬆...
11 點半左右話俾我試下生, 幾分鐘生左 bb 出o黎喇!