踏入十月換季期，開倉又出動，過季舊款的衫褲鞋襪尚且有理由慳荷包唔買，不過首飾、配飾這類長青貨，趁減價大手筆購入先算得上精明！今期兩大少女首飾牌子法國 french kitty和美牌 Playboy齊齊大割價，價錢喪劈至最低一折，同場加映罕有跌價的日本版 agnè s b手袋和半價 Morn Creations動物袋，問你點忍！法國小貓首飾二折打孖上
除了 35歲的 Hello Kitty一向冧得一班 OL做其裙下之臣外，另一隻法國小貓 french kitty聲勢亦十分浩大，雖然不及前者咁有江湖地位，但一樣大有名堂， 97年誕生，由法國巴黎著名插畫師 Mighty Fine設計，曾經與不同的名人如 Paris Hilton和 Avril Lavigne等合作過。主打頸鏈、手鏈、戒指等首飾，以波斯貓剪影作 Icon，風格走甜美可愛路線。近年設計則多玩高貴形象，仲不時加入 Swarovski彩水晶、琉璃等高價物料。今次減價二折起，頸鏈通通一律$148，兼買一送一，其中最抵玩是各款耳環，喪劈至最低價$99兩件，平均除開每件一折咋！
發表於 
返回列表
