吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 學游水一問？

自由講場今日: 1435|主題: 1355400

收藏本版

發帖

返回列表

跳至頁

查看: 5675 | 回覆: 33

學游水一問？ [複製鏈接]

foggyao

珍珠宮

積分: 38305

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

1^#

發表於 10-1-4 17:40 |只看該作者 |倒序瀏覽 |打印

我女3歲，唔怕水，可自行用水袖游，當然姿態唔arm。佢學左游水約兩個月，差唔多8堂，兩個月都係咁教佢蛙式撥手，咁教次序arm唔arm？

因我見阿女，唔願跟個老師係咁好正宗咁撥，佢慣左亂咁游(因佢3個月大時，我已同佢落水任佢游，未夠1歲已係用水袖自己亂游)，但個老師就堂堂要佢做同樣動作，當然阿女撥1下得，兩下得，第3下就唔搔佢(因我女極唔專心!)，但佢就不停捉實阿女雙手學，要佢重覆做。

究竟，學游水係手先，定腳先？學蛙式先定自由式先？學左咁多堂都係咁上下，係咪dum緊我症呀？我應唔應該quit呢？

0 0 0

私人傳訊

kellyly

侯爵府

積分: 24623

好媽媽勳章畀面勳章

2^#

發表於 10-1-4 18:24 |只看該作者

係咁BO,唔係佢識游就由得佢KA,姿勢都要啱先得KA
佢做得唔啱就係要佢做到啱為止KA,如果唔係就唔洗去學LA
學游水手腳都會教,但要手腳去協調就要比D時間個小朋友LA
學識左蛙式至會學自由式既
就咁睇我唔覺佢係拖緊你,而且佢只係學左8堂佢都未做到教練要佢做到既野,比D時間LA.

私人傳訊

idac_c

伯爵府

積分: 16078

好媽媽勳章醒目開學勳章畀面勳章

3^#

發表於 10-1-4 18:33 |只看該作者

不過3 歲學會唔會早咗啲呢? 阿囡個教練都係五歲先會教, 阿囡學得好好, 教練教乜佢就照做, 先學蛙腳, 再蛙手, 教練都係見佢手腳蛙得ok, 先再教自由式~

私人傳訊

米之連媽媽

男爵府

積分: 9651

4^#

發表於 10-1-4 18:40 |只看該作者

agree
我囡囡由3.5yrs開始學, 都學左8個月, 但老師教自由式先, 到現在呀囡先叫做游到10M到, 我近日都發覺, 如果越細比佢學, 佢地需要既時間會越長先handle得好, 但朋友既小朋友由5-6yrs開始學任何野都會比我囡囡快, 所以一係就繼續比小朋友慢慢學上去, 一係依家quit左先, 等小朋友大D先學就會快好多, 而我咁早比囡囡學既原因係因為醫生想佢身體好D, 所以建議我早D比囡囡游水, 等佢心肺功能壯D

原帖由 kellyly 於 10-1-4 18:24 發表
係咁BO,唔係佢識游就由得佢KA,姿勢都要啱先得KA
佢做得唔啱就係要佢做到啱為止KA,如果唔係就唔洗去學LA
學游水手腳都會教,但要手腳去協調就要比D時間個小朋友LA
學識左蛙式至會學自由式既
就咁睇我唔覺佢係拖緊你,而 ...

[ 本帖最後由米之連媽媽於 10-1-4 18:41 編輯 ]

私人傳訊

cy101

象牙宮

積分: 208048

2025勳章 2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

5^#

發表於 10-1-4 19:08 |只看該作者

或者等小朋友大d先學, 等佢肯接受指令做動作, 先至容易見到進步!!

私人傳訊

小倩

王國長老

積分: 144526

2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章玩具勳章畀面勳章叻叻勳章有「營」勳章趣教勳章好媽媽勳章醒目開學勳章 2011至尊種植勳章環保接龍勳章大廚勳章 wyeth冷知識勳章睛靈勳章王國長老遊學勳章 BK猜猜猜慶中秋冬日勳章春季勳章炎夏勳章秋日勳章 hashtag影視迷勳章

6^#

發表於 10-1-4 20:28 |只看該作者

我個仔3.5歲開始响YMCA學, 大大話話學咗近年半~ 由當初好怕水, 到依家肯自己浸頭落水 & 潛水拾物~ 不過佢到依家手腳仍唔協調, 撥得手就踢唔到腳, 踢咗腳就唔記得換氣, 總之就錯漏百出!
啱啱11月呢期開始停學

基本上我哋覺得佢嘅學習態度同揼錢落鹹水海無咩分別, 人哋半年嘅進度, 佢用咗近一年

所以我哋決定等佢上咗小學再學過~ 雖然預咗要由頭嚟過, 但總好過依家唔湯唔水

私人傳訊

小倩

王國長老

積分: 144526

7^#

發表於 10-1-4 20:33 |只看該作者

YMCA係先學扶池邊踢腳 (較剪腳), 再持板游
踢咗腳再學撥手, 撥咗手再學換氣

BTW, 你係私人教定小組? 小組的話, 教練需要遷就其他學員 (初學怕手嗰啲), 好大機會會忽略你女 (因為佢有底子)
俾多少少時間大家磨合啦~

私人傳訊

ming2

禁止訪問

積分: 19003

好媽媽勳章畀面勳章

8^#

發表於 10-1-4 23:52 |只看該作者

提示: 作者被禁止或刪除內容自動屏蔽

私人傳訊

eeyoredull

複式洋房

積分: 158

9^#

發表於 10-1-5 01:39 |只看該作者

如果得3歲咁細個我會建議先學自由式，因為蛙式要手腳協調，重要配合呼吸，對小朋友會比較難，我一般傾向對細的小朋友會教自由式先，因為自由式可以學完腳再自手，各自獨立發展，唔駛夾。
不過自由式係易學(相對)難精，蛙式就學識後係會游得舒服D。

私人傳訊

choleliu

男爵府

積分: 5421

開心吸收勳章好媽媽勳章醒目開學勳章畀面勳章

10^#

發表於 10-1-5 13:56 |只看該作者

3歲太細，4-5歲左右會好d，通常都會教自由式先。我囡教練教左個3.5歲，教左年半先開始比賽(自由式)，佢地會唔專心，成日掛住玩水，我囡教左半年就去比賽真係差好遠(我囡當年7歲，年紀就大左d)，但我囡已經比自由式同蝶式。

私人傳訊

靖嵐

子爵府

積分: 11973

好媽媽勳章

11^#

發表於 10-1-5 14:23 |只看該作者

我個女, 4歲幾先去學, 暑假學o左20堂左右(1對6班), 游到25米自由式... 教練話都算學得快, 但動作我就覺得麻麻... (其實佢一歲打後都冇用任何浮物潛入水游)
之後, 佢冇再去學, 我o地自己同佢執, 因為我o地以前都跟過教游水... 好明顯, 佢一年比一年d易改... 到剛過去o既夏天, 我o地自己教埋佢蛙式, 唔駛三四次, 佢已經游到...

其實咁細個, 你叫佢o係陸上跟你做動作佢都唔易, 更可況o係水入面...

以前我跟教練教游水, 一般小學以下會教自由式, 小學打後會教蛙式, 因為自由式動作相對簡單, 但呼吸動作就會難學d(要擰側頭)... 相反, 蛙式動作比較復雜, 但呼吸動作就自然d...

原帖由 foggyao 於 10-1-4 17:40 發表
我女3歲，唔怕水，可自行用水袖游，當然姿態唔arm。佢學左游水約兩個月，差唔多8堂，兩個月都係咁教佢蛙式撥手，咁教次序arm唔arm？

因我見阿女，唔願跟個老師係咁好正宗咁撥，佢慣左亂咁游(因佢3個月大時，我已同佢落水任佢游，未夠1歲已 ...

[ 本帖最後由靖嵐於 10-1-5 17:48 編輯 ]

我想要9999呀...

私人傳訊

foggyao

珍珠宮

積分: 38305

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

12^#

發表於 10-1-5 17:07 |只看該作者

其實，我比個女咁早學係因為佢真係好鐘意游水，而佢係一個專注力極弱既人，咁我想睇下佢可唔可以用一d佢鐘意既野train番佢專注力。我亦諗住比人教會正宗好多，因聽聞慣左姿勢，會好難改，所以一學就要學正宗，唔知咁諗arm唔arm？

但而家結果，在我面前既係一個仍然都係專注唔到，但又好鐘意去學游水既人! 我覺得好似舐錢咁，但唔去，佢又成日問我同講話要去學游水!!

因我見佢又無進步，我又見過佢學校幫趁既某泳會，話3歲教自由式先，咁我咪覺得好奇點解阿女會學蛙式撥手先囉!

我女係join班，但佢學個時段無人學，所以次次都係單對單，所以如論單對單價錢來講，真係超抵，我係賺緊，所以就諗係咪比人dum症囉。

咁睇黎，我都一係幫佢quit，一係就比時間佢？

私人傳訊

kellyly

侯爵府

積分: 24623

好媽媽勳章畀面勳章

13^#

發表於 10-1-5 17:23 |只看該作者

如果佢係鐘意既就比D時間佢LA
因佢仲細,要佢明白同做到係難D KA
我仔而家6歲幾LA,教練都話我仔手腳仲有唔協調KA
而學咩式就睇番每個泳會既教法LA,我仔學嗰到就教蛙式先既.

私人傳訊

foggyao

珍珠宮

積分: 38305

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

14^#

發表於 10-1-5 17:28 |只看該作者

原帖由 kellyly 於 10-1-5 17:23 發表
如果佢係鐘意既就比D時間佢LA
因佢仲細,要佢明白同做到係難D KA
我仔而家6歲幾LA,教練都話我仔手腳仲有唔協調KA
而學咩式就睇番每個泳會既教法LA,我仔學嗰到就教蛙式先既. ...

thanks 咁多位意見。

咁我由得佢學啦，再睇下抽唔抽到時間，定時同佢施展獨門秘方 --> 乜都唔用浸下佢落水，逼下佢，睇下佢會唔會加速成長啦!!

唉 ~ 天氣咁凍，佢就話鐘意游o者，要我落水 ~ 真係覺得自己好偉大!

私人傳訊

靖嵐

子爵府

積分: 11973

好媽媽勳章

15^#

發表於 10-1-5 17:42 |只看該作者

細個學任何o野, 都係要放時間... 無論學運動學音樂...

除o左睇堂數之外, 仲要計頻密度... 如果一星期學一次同一星期學三次都已經好大分別, 因為佢o地細, 冇記性, 一個星期先學一次的話, 分分鐘到第二次上堂有大半時間, 都只係溫習上一堂或上幾堂o既o野... 除此之外, 如果學識o左唔KEEP住游, 到隔一季再去, 通常都係一樣唔記得哂...

其實係邊個話比你知佢專注力極弱? 學校老師? 如果我冇記錯, 3歲專注力只有15分鐘, 佢肯單對單上足一堂時間, 已經唔差...

原帖由 foggyao 於 10-1-5 17:07 發表
其實，我比個女咁早學係因為佢真係好鐘意游水，而佢係一個專注力極弱既人，咁我想睇下佢可唔可以用一d佢鐘意既野train番佢專注力。我亦諗住比人教會正宗好多，因聽聞慣左姿勢，會好難改，所以一學就要學正宗，唔知咁諗arm唔arm？

但 ...

我想要9999呀...

私人傳訊

靖嵐

子爵府

積分: 11973

好媽媽勳章

16^#

發表於 10-1-5 17:47 |只看該作者

佢唔識浸個頭落水呼吸o架? 教練有冇教?
如果佢真係唔識, 千祈唔好逼佢, 會有反效果...

原帖由 foggyao 於 10-1-5 17:28 發表

thanks 咁多位意見。

咁我由得佢學啦，再睇下抽唔抽到時間，定時同佢施展獨門秘方 --> 乜都唔用浸下佢落水，逼下佢，睇下佢會唔會加速成長啦!!

唉 ~ 天氣咁凍，佢就話鐘意游o者，要我落水 ~ 真係覺得自己好偉大! ...

我想要9999呀...

私人傳訊

小倩

王國長老

積分: 144526

17^#

發表於 10-1-5 17:54 |只看該作者

原帖由 foggyao 於 10-1-5 17:07 發表
其實，我比個女咁早學係因為佢真係好鐘意游水，而佢係一個專注力極弱既人，咁我想睇下佢可唔可以用一d佢鐘意既野train番佢專注力。我亦諗住比人教會正宗好多，因聽聞慣左姿勢，會好難改，所以一學就要學正宗，唔知咁諗arm唔arm？

但 ...

佢習慣咗"亂游", 你要佢正正經經學, 加上一堂單對單咁長時間, 梗係唔習慣啦...
你諗吓大人hea慣咗, 無端端要佢返工坐寫字樓8-9個鐘, 都唔會習慣~
只要佢唔抗拒個教練, 咪由得佢繼續學囉!
當然, 要衡量下天氣凍, 小朋友體質係咪頂得住啦

私人傳訊

foggyao

珍珠宮

積分: 38305

2024年龍年勳章 2018復活節勳章熱血勳章好媽媽勳章畀面勳章 wyeth冷知識勳章環保接龍勳章大廚勳章

18^#

發表於 10-1-5 23:14 |只看該作者

原帖由靖嵐於 10-1-5 17:42 發表
細個學任何o野, 都係要放時間... 無論學運動學音樂...

除o左睇堂數之外, 仲要計頻密度... 如果一星期學一次同一星期學三次都已經好大分別, 因為佢o地細, 冇記性, 一個星期先學一次的話, 分分鐘到第二次上堂有大半時 ...

專注力極弱 ~ 係所有人，無論朋友，新/舊老師 (包括所有曾經/ 現在活動)，一些專業人士 (治療師/醫生/ 護士)，及我地自己都留意到。都係同同齡小朋友比較。

我地覺得係我地以往家教好有影響，所以我地都努力改進中。

聽左咁多人講法，我同老公都決定比佢繼續，跟住1wk再抽多日去同佢游! 我女係未識浸頭落水，但係佢係飲左水都唔怕款，未學游水前，佢係會自己要求唔戴水袖，我事先同佢講左後果，佢話明，但係都要試，當時梗係浸親續親，仲以為佢會驚，但佢居然無野，咳完照玩，照游!!

所以佢咁唔怕死性格，我真係怕過佢，但亦證明佢真係好鐘意游水(佢成日叫我地去游)。跟住，到去學游水，未落水前，佢會好唔怕死咁想自己落水。上兩堂，又加埋佢從來都專心唔到游，所以次我故意比佢落水 (佢可剛掂到地既位置及佢身邊有個大人晌度企)，之前當然訓示左佢話知佢會浸親，亦話佢知佢要學識游水先，因好危險，但當然佢又唔知死，所以亦跟住我就由得佢，結果，當然佢會浸到飲左水/佢驚就越亂越沉，我就叫企佢隔離個人幫佢上返水(嚇死隔離個人)。跟住，我再同佢講，佢真係唔識游，咁樣做好危險，亦所以佢要用心學，跟住教練要求做云云。唉! 當時，佢梗應承，但到跟教練落左水，佢撥兩撥，又癲又爽又開心晒 ~ 我真係無符!

講真，我同教練講左我女情況，佢都試過又硬又軟，但都搞唔掂佢 ~ 連教練都話佢唔怕浸親! 跟住，教練又唔敢去得咁盡，所以可能我都係要忍心，加埋自己去出手!!

我女就唔怕凍親，因佢都著晒潛水衣，佢次次都好暖，無事。不如大家關心下我唔會凍親啦 ~ 我而家諗起我都覺凍

私人傳訊

maomaochan

大宅

積分: 1355

19^#

發表於 10-1-6 00:15 |只看該作者

原帖由 foggyao 於 10-1-4 17:40 發表
我女3歲，唔怕水，可自行用水袖游，當然姿態唔arm。佢學左游水約兩個月，差唔多8堂，兩個月都係咁教佢蛙式撥手，咁教次序arm唔arm？

因我見阿女，唔願跟個老師係咁好正宗咁撥，佢慣左亂咁游(因佢3個月大時，我已同佢落水任佢游，未夠1歲已 ...

你問學游水是學腳先定手先?
我會答是學浮水先.

請問你囡囡已學會浮水未呢?

我囝囝四歲初學游水時,我發覺他經常震(在室內泳池學)
好似好怕凍,見他好似很辛苦,所以我無再比佢學.
直到到他七歲時再學過游水,在暑假期間已學會了自由式及蛙式,到九月份還學埋背泳.

囡囡五歲左右比佢學游水,亦都是在暑假已學會了游水.

我見佢地都是學會浮水才學手腳的動作.

[ 本帖最後由 maomaochan 於 10-1-6 00:17 編輯 ]