吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有感而發

夫婦情感今日: 1|主題: 42728

收藏本版

發帖

返回列表

跳至頁

查看: 1437 | 回覆: 8

有感而發 [複製鏈接]

jerma

男爵府

積分: 8179

好媽媽勳章

1^#

發表於 10-9-11 23:51 |只看該作者 |倒序瀏覽 |打印

在自由看見到來呢個POST ~ 唔看見錢好歸還是唔看見c6好？

唔知點解，我見到呢個POST，我第一時間笑左出嚟（無奈地）！

然後我諗嚟諗去，都唔識答！因為我老公大約三個月之前，思想出左軌，比我發現左（佢話冇上過床，只是傾電話，SMS，吃過兩次LUNCH，同夜晚出過一次食飯，電話同SMS都係個女人搵佢，佢係覆佢，食LUNCH同夜晚個次，都係個女人約佢。

我後來CK返啲電話單記錄，係，個女人係搵佢，佢係覆，但係最好笑係，個女人係由早上，佢未起身便CALL佢，佢一起身便覆，傾完，好快個女人又CALL，又傾，夜晚返到嚟，唔方便便SMS（個女人都應該唔方便，佢有三個小朋友同老公，佢係用同老公感情唔好同有女人嚟開波，搵我老公傾心事，因為我老公識佢老公咖）。

詳情唔多講喇，如果有興趣，可以SEARCH老公朋友咖老婆，老公朋友咖老婆（續集），個女人好煩，同事過景搬遷之後，呢幾個POST嚟睇吓！（請注意，我開POST咖時間，我係未睇到啲電話記錄咖！呢啲記錄令我改變左我對呢件事件咖睇法！）

我睇到樓主呢個POST，我答唔出，我突然間諗到，我而家其實係唔係咁愛我老公，因為我呢幾個月好辛苦，我有同我老公講過要分開，佢當言唔肯啦，但係我地而家咖生活，表面上係好好，但係其實佢辛苦我又辛苦，佢連街都唔敢出，我便活在無信任同無安全感咖世界。

我好憎咁樣，其實早幾日，我同自己講，如果三個月後，我都重係咁辛苦，我諗我會同佢分開。

呢個POST，我唔識答，我係唔係唔愛佢呢？

[ 本帖最後由 jerma 於 10-9-11 23:55 編輯 ]

0 0 0

私人傳訊

珠珠妹dy

禁止訪問

積分: 1795

2^#

發表於 10-9-12 00:31 |只看該作者

提示: 作者被禁止或刪除內容自動屏蔽

私人傳訊

wongarma

子爵府

積分: 12659

3^#

發表於 10-9-12 04:04 |只看該作者

原帖由 jerma 於 10-9-11 23:51 發表
我睇到樓主呢個POST，我答唔出，我突然間諗到，我而家其實係唔係咁愛我老公，因為我呢幾個月好辛苦，我有同我老公講過要分開，佢當言唔肯啦，但係我地而家咖生活，表面上係好好，但係其實佢辛苦我又辛苦，佢連街都唔敢出，我便活在無信任同無安全感咖世界。

我好憎咁樣，其實早幾日，我同自己講，如果三個月後，我都重係咁辛苦，我諗我會同佢分開。

與其''困獸鬥''

倒不如就向佢表明你目前既感受係幾咁辛苦，話佢知…你好想比Ｄ空間大家抖下氣、亦好需要冷靜咁思考下而同佢訂明一個期限比大家暫時分開下；而o係呢段冇左佢在身邊既日子裡面，你就會慢慢衡量倒自己到底仲有幾愛佢架喇

私人傳訊

liaosee

珍珠宮

積分: 31895

畀面勳章環保接龍勳章

4^#

發表於 10-9-12 11:02 |只看該作者

如果沒小朋友就可以這樣，但是如果涉及到，就有多一樣野煩。
一段出左軌的感情（無論是肉體OR思想）要重新建立信任真是難。
這時候你們的感情很脆弱，是否經得超考驗就只有你們自己知道。

私人傳訊

jerma

男爵府

積分: 8179

好媽媽勳章

5^#

發表於 10-9-12 15:39 |只看該作者

明白你地講咖野，好多謝你地！重有PM我咖SIS！

重建關係真係好難，由其事啲電話記錄,比我知道左好多野，比我睇到一個另一面咖佢。

例如有一次，我比左個SMS佢，佢冇覆我，我睇到啲電話記錄，我先知道點解，原來佢同個賤人傾緊電話，一個成個鐘咖電話，所以可能傾完唔記得睇，重可能係要清除同個賤人啲SMS記錄咖時間DELET埋。而我比呢個SMS佢，係因為我地之前係無用SMS嚟溝通，我想嘗試吓，用SMS同佢傾吓，會唔會好啲，因為佢之前個晚，同佢地老板去飲野，個日咖之前一日，佢又係去左街，所以個晚佢同我講要出去，我無聽佢電話，佢便SMS我，同我講佢真係同老板一齊，叫我唔好發皮氣，我見佢SMS比我，好似有啲野寫出嚟，比面對面講好啲，咪諗住SMS同佢傾吓LOR，點知道，我由個電話記錄，知道佢點解唔覆我，你地話我可以點諗呢？

而在我比佢呢個SMS之後三日，便比我發現佢地咖事喇！

到我知道左，我要求佢唔可以再同個賤人聯絡，又比我知道佢無守信用，佢重有同個賤人傾電話，頭一兩日，我老公重有覆佢電話，有一兩個SMS，我見到之後，佢如果無接到個賤人電話，佢都無再覆，但係如果係接到咖電話，佢又會傾LOR！

我諗由我知道，到佢地無聯絡，係兩星期到。我到現在都唔信佢，便是呢兩星期佢話唔會再聽佢電話，但係又係講大話。呢兩星期，我同佢關係好到不得了，令我感覺得佢好恐怖，原來佢係可以咁假！

所以我有同佢講過，我呢啲感覺，佢同我講，件事真係唔係我諗到咁，佢地真係無開始，但係佢承認佢係享受呢啲感覺，所以佢先會咁，但係真係無愛過佢，同無諗過會同佢開始，叫我信佢。

講真，我唔信佢地無野，而且我到而家都未可以信個賤人冇再CALL佢LOR！

我有兩個小朋友，呢幾個月我好煩，我連我個仔啲功課都無咩心機理，開學喇，我唔可以咁，所以我先突然立下決心，同自己，三個月後，如果我都係信唔到佢，我地便分開，因為我唔想再諗咁多。

私人傳訊

檬檬魚

別墅

積分: 639

6^#

發表於 10-9-12 23:49 |只看該作者

你要佢答應你唔理個女人根本就晒氣, 我c6同第個女人上完床後話如果個女人搵佢佢都唔會覆, 最後我知道佢地仲有聯絡, c6話根本一開始就諗住呃我, 佢根本冇諗過唔搵個女人, 係我迫佢答應我佢先膚顯我..

私人傳訊

jerma

男爵府

積分: 8179

好媽媽勳章

7^#

發表於 10-9-13 02:56 |只看該作者

其實在我知道件事之後，我見到啲記錄，係頭個幾日，我老公有覆佢電話，之後係個女人打電話比佢，應該都係講兩吓便收線，有時係我老公冇聽幾次，佢癲左咁打電話，我老公接左講一分鐘又收線，佢咁打電話嚟另我好不安，好明顯係佢唔想放手。我睇左啲記錄，我有問我老公，重咩要聽佢電話，佢話佢係咁打電話嚟，個電話好嘈，唔聽啲人會覺得好奇怪，我話我感覺係籍口，電話可以關掉聲音咖，佢又講話當時冇諗咁多，佢話聽都係同佢講，叫佢唔好再打電話嚟，我唔知道，總知我知道左之後，有要求佢唔可以聽，佢重聽，便是為同一個人再欺騙我，我係因為咁，而覺得好難再信佢。

呢三個月，佢咖改變都好大，係好左好多，我話要走，佢點都唔肯，重話我唔愛佢都無所謂，只要留低比佢補償同愛我便可，只要我唔走，點都得。但係我真係覺得好辛苦，我好怕唔信任呢啲感覺..........

[ 本帖最後由 jerma 於 10-9-13 02:58 編輯 ]