懷孕前後 今日: 10 | 主題: 330477

積分: 70

1^#

發表於 10-10-18 12:34 |只看該作者 |倒序瀏覽 |打印

背景 : http://forum.baby-kingdom.com/thread-3437553-1-1.html

過左咁耐,之間曾經有過一線曙光,我明白大家文化背景唔同,只有盡量求同存異,但到左今日,我發現根本唔止文化背景唔同,係對生活的認知都出左問題,而佢父母作為BB的公公婆婆亦完全唔合格,亦連基本的常識都冇,只有一套老思想:

1)我強調餵人奶的好處(母子都更健康),佢只想到壞處(減唔到肥),又話要補左自己身體先(佢父母都係咁講,不知所謂),所以成日飲埋d雞酒,我公司d女強人唔係C9都有常識知道要餵人奶就唔可以飲酒架啦!唔通唔飲雞酒果d媽媽都會死晒?佢老豆仲抵死喎,話咁鍾意餵人奶,叫我阿媽餵俾BB飲,我真係想叫佢老豆仆街死!

2)我老婆背叛我,之前因為身體唔舒服,呃我話要返娘家休息,順便抱BB返去搵佢父母幫手照顧下,名義上叫做等我父母休息下,但原來係想一走了之....過左兩日,因為個BB攪到佢地成家人冇覺好訓,照顧唔掂所以要送番黎俾我,仲附送BB一對黑眼圈+鼻塞....我睇到火都黎,我一家人都要返工,都唔會攪到個BB咁,佢地一家人唔駛返工,都攪唔掂一個BB?BB鼻塞到而家十幾日都未好,成日都因為鼻塞而喊,見到都心痛!

3)我個個月俾3千蚊家用我老婆,佢老豆嫌唔夠,話請菲傭都唔止呢個價,我X(唔講粗口唔得),而家你個女跟我係做菲傭咩?個女食又係我,住又係我,3千蚊都話唔夠?

4)原來佢老豆一開始已經唔鍾意我,既然係咁就唔好俾個女跟我,跟左我又要成日投訴我呢樣唔得果樣唔好,但見到我果陣又話接受我,對我做到咁假,有咩意思?我寧願你一開始就話要收禮金,收完就算,唔好係度多多事實.

5)佢父母去買BB衫俾個孫,要問我拎番錢,我X(又係唔講粗口唔得),而家你地係人地公公婆婆,買兩件衫俾個孫都要計?如果係咁,不如唔好買啦,而家我冇衫俾個BB著咩?我阿媽以前係裁縫,要整咩衫就有咩衫.

6)我老婆坐月果陣都唔幫手做下D簡單家務,到坐完月,都仲係唔做,要人出聲先幫手做少少,成日係屋企掛住上網,上到攰就訓覺,大部份時間個BB都係我父母湊,老婆就幫下手,成件事點講得通?佢父母果種懶洋洋的性格,唔多唔少都感染左我老婆,我相信全世界的老公都唔想有一個懶老婆!

7)我阿媽買樓俾我地,係想我地有個安樂窩,點知佢老豆就話我地用錢撻佢地,睇佢地唔起,我X(又係唔講粗口唔得),乜野思想?買樓叫用錢撻佢地,難怪佢地一D都唔長進,日日係屋企唔做野都冇所謂.

8)到左尋日終於攤牌,佢老豆夠膽死反問我地,我地做過D乜?我地樓買左,婚期定左,BB照顧左,坐月照顧左,影婚紗相定左,我真係好想知,你個女未過門,我地屋企都仲做左咁多野都叫冇做野的話,咁你地淨係買左幾件衫俾BB仲要問我拎番錢,再送多對黑眼圈俾BB,係咪要即刻去死?

9)佢老豆又問我阿媽,你地有你地的傳統,我地有我地的傳統,如果我用粗口鬧你,你頂唔頂得順?我心諗,你真係9唔搭8,講野有冇用過個腦?

我夠膽講,呢D父母,就算一開頭結左婚,之後佢地一樣會多野講,因為成家人都實在太得閒,太無聊!

[ 本帖最後由對你很心淡於 10-10-18 14:11 編輯 ]

0 0 0

私人傳訊

gbmama

積分: 1516

2^#

發表於 10-10-18 14:47 |只看該作者

1) 喂人奶問題, 有d媽媽都唔想喂人奶的, 咪由佢lor, 喂人奶都好辛苦架... d奶係個阿媽度, 冇得迫....

2) 想 "一走了之"係指帶埋個仔離開你 ? 定係咩先 ?

6) 你地一家都要返工, 可能你老婆係日頭湊得辛苦你地唔知o者.....

你要諗清楚仲結唔結婚......
佢地一家冇野做, 呢日話唔靠你o者, 第二日都會靠你養佢全家......... 你幫又唔知幫幾多, 唔幫你老婆又話你唔幫.

but你地個b就好無辜, 因為你地兩家屋企人, 就搞到冇左個完整家庭

你老婆o既想法都好重要, 如果佢真係因為佢屋企人而同你分開, 都冇辦法, 因為你係唔會"屈服"....

私人傳訊

Wishhavebb

積分: 2478

3^#

發表於 10-10-18 15:49 |只看該作者

回覆 2# 對你很心淡的文章

樓主, 而家你地未正式結婚, 已經攪到咁, 第日都唔知會點? 你老婆可以講, 係一個完全唔成熟既人, 佢完全係未ready做媽媽, 加上佢屋企人, 根本就想係個女未過門時, 掠得就掠, 你試吓將個婚期押後, 你自己湊住bb先, 時間耐咗, 你外父一定唔敢再多嘢講, 佢一定驚個女冇人要, 你唔好理佢地講咩, 你老婆要走, 由佢走, 唔好緊將佢, 亦唔好有咩期望俾佢, 佢想留就留, 唔留就走, 你逼佢佢就更想逃避, 不過佢一定會留係你屋企, 因佢父母都唔會歡迎佢住係度!

其實你地有冇考慮過你地係咪適合結婚, 你有冇問你自己同你老婆, 重愛唔愛對方, 如果只為bb, 你地不如諗個方法, bb你自己湊返, 還你老婆自由 ! 佢想睇bb都冇問題, 如果佢只係想搵張長期飯票, 日日係屋企唔駛做, 你就煩啦 ! 唔單只bb唔會有幸福, 你第日大把家嘈屋閉 !! 你想清楚!!

私人傳訊

Wishhavebb

積分: 2478

4^#

發表於 10-10-18 15:56 |只看該作者

其實你老婆既家庭背景都係有問題, 佢父母都係d 問題父母, 根本唔識都仔女, 佢地自己都唔識管理自己既人生, 如果唔係, 都唔會攪成咁啦! 佢地最叻咪搵d 仔女錢, 你老婆根本冇一個好既教育, 又點識照顧下一代, 佢可能都係模仿佢自己阿媽既模式, 佢老竇更加唔似做老竇, 最叻係叫個女問老公拿錢, 所以樓主, 你都係想清楚, 既然你今日有個bb, 你唔好再製造問題家庭, 害死個bb, 你一定要自己湊返!

原帖由 gbmama 於 10-10-18 14:47 發表
1) 喂人奶問題, 有d媽媽都唔想喂人奶的, 咪由佢lor, 喂人奶都好辛苦架... d奶係個阿媽度, 冇得迫....

2) 想 "一走了之"係指帶埋個仔離開你 ? 定係咩先 ?

6) 你地一家都要返工, 可能你老婆係日頭湊得辛苦你地唔知o ...

私人傳訊

[[]]

積分: 2832

5^#

發表於 10-10-18 15:57 |只看該作者

你父母都好好,其實最重要係你倆到底是否相處愉快,你太太的態度是最重要的,她能否做到各方平衡,家用多與否,就睇自己能力,但在有bb仍細的時期都嫌少,我就有點擔心,因為未來的開支更大,(如果是肯捱的女孩子就沒問題)

私人傳訊

annie929

禁止訪問

積分: 4116

6^#

發表於 10-10-18 16:09 |只看該作者

提示: 作者被禁止或刪除內容自動屏蔽

私人傳訊

carriekc

複式洋房

積分: 138

7^#

發表於 10-10-18 16:12 |只看該作者

樓主
可能你真係唸清楚係唔係仲要結婚,唔好令自己後悔呀,結左婚,如果最後都要分開,你付出既野會比現在更多............

私人傳訊

積分: 70

8^#

發表於 10-10-18 18:25 |只看該作者

原帖由 gbmama 於 10-10-18 14:47 發表
1) 喂人奶問題, 有d媽媽都唔想喂人奶的, 咪由佢lor, 喂人奶都好辛苦架... d奶係個阿媽度, 冇得迫....

2) 想 "一走了之"係指帶埋個仔離開你 ? 定係咩先 ?

6) 你地一家都要返工, 可能你老婆係日頭湊得辛苦你地唔知o ...

1) 喂人奶係媽媽的天職,佢又冇返工,係屋企餵有咩問題?而且佢而家已經坐完月.
2) "一走了之"係指帶埋個仔離開我, 但佢係呃我話帶返去照顧

6) 我原本都以為佢湊得辛苦....原來而家係我地一家都要返工, 但個BB大部份時間都仲係我父母湊.....

要BB好,唔係單方面付出就得,既然得我一個,我亦只有父兼母職.

私人傳訊

積分: 70

9^#

發表於 10-10-18 18:35 |只看該作者

原帖由 Wishhavebb 於 10-10-18 15:49 發表
樓主, 而家你地未正式結婚, 已經攪到咁, 第日都唔知會點? 你老婆可以講, 係一個完全唔成熟既人, 佢完全係未ready做媽媽, 加上佢屋企人, 根本就想係個女未過門時, 掠得就掠, 你試吓將個婚期押後, 你自己湊住bb先, 時 ...

其實由頭到尾,佢父母都冇問過我拎錢,只不過佢地唔願意去付出,不過我都算,正如呢度好多人都話祖父母冇責任幫手湊,我只係希望佢地唔好再攪風攪雨,唔好再貫輸咁多過期的思想俾我老婆,咁只會影響將來我同我老婆的生活

私人傳訊

積分: 70

10^#

發表於 10-10-18 18:41 |只看該作者

原帖由 Wishhavebb 於 10-10-18 15:56 發表
其實你老婆既家庭背景都係有問題, 佢父母都係d 問題父母, 根本唔識都仔女, 佢地自己都唔識管理自己既人生, 如果唔係, 都唔會攪成咁啦! 佢地最叻咪搵d 仔女錢, 你老婆根本冇一個好既教育, 又點識照顧下一代, 佢可能都 ...

所以我成日都同佢講,我地一齊建立家庭,就唔好將佢父母果套帶入黎, 咁只會害多一代

私人傳訊

積分: 70

11^#

發表於 10-10-18 18:46 |只看該作者

原帖由 [[]] 於 10-10-18 15:57 發表
你父母都好好,其實最重要係你倆到底是否相處愉快,你太太的態度是最重要的,她能否做到各方平衡,家用多與否,就睇自己能力,但在有bb仍細的時期都嫌少,我就有點擔心,因為未來的開支更大,(如果是肯捱的女孩子就沒問題) ...

老老實實,佢的開支我點計都冇1千5,除非佢將我俾佢的家用拎去俾佢父母

私人傳訊

PEGGYPCDOG

積分: 3710

12^#

發表於 10-10-18 18:57 |只看該作者

我真係唔估唔到你會係度歪曲晒事實令所有人去同情你我對你真係好心淡

1.我唔係唔餵人奶而係我真係得好少量我當然知道餵人奶既好處但我點食都好少奶我已經聽佢話去餵人奶我DADDY唔鍾意餵人奶因為我已經成個月都冇咩奶就算我谷奶漏奶俾BB飲都係唔夠佢飲呢排已經聽話咁去飲魚湯仍然都係唔多奶睇中E亦都試過係谷唔到奶我已經生完4X幾日惡露一路唔清仍然不斷有我問過99關唔關D補品事佢又話唔關點知今日去睇中E話做咩咁遲先去睇 D惡露一早應該清我好感激我99 佢真係好好做佢新抱係好好佢當我女咁錫我係佢屋企用既食既都係99既錢而唔係我老公既錢佢所俾既真係只係3千 BB病尿片果D就係果3千蚊到買唔通我就唔洗用錢? 我買一次野就問99拎錢咩所以我DADDY咪話少

2.我坐月其實真係病左2次到坐完月都冇病好我冇呃過佢話我病而去返屋企真係咁岩巧合我MAMMY見我D感冒唔好叫我返屋企佢照顧我 BB鼻窒我都覺得係我責任因為果晚係我開風扇吹到佢鼻窒但前日我地帶BB睇E生都問左E生關唔關我開風扇吹到佢事 E生都好肯定話唔關事係鼻敏感點解我老公到而家仍然都死話係我屋企錯?

BB跟我返屋企冇錯係多左黑眼圈但因為佢掛著成日同姨媽玩又扭抱所以有黑眼圈呢2日跟左我返屋企BB係肥左面珠D肉係肥左但我老公見唔到我99一家人都要返工都已經縱壞左BB 成日都抱著佢我已經由佢佢錫孫我係明白有時我都會叫佢唔好抱咁多佢會聽但亦都話BB咁細個咩都唔識唔會知道 BB轉一個環境都唔係一日就適應到佢跟本唔明白只係一味話我屋企湊唔掂

3.我食既用既住既都唔係老公既錢係我99既錢佢跟本冇俾過錢屋企果3千蚊仲要我包埋BB同埋我自己既野我真係唔知點可能我個人大洗咁點解你敗左你MAMMY咁多錢果陣又唔見你話孝順其實已經係好多次啦由我岩岩有左果陣都唔親自自己話我知道自己欠債要你MAMMY同我講如果你真係咁孝順點解要敗你MAMMY錢?仲要1次又1次咁做?仲要為自己搵借口講真佢MAMMY問左我好多次拎唔拎錢幫佢我話唔好再幫佢我都為我99心酸做左大半世個仔口口聲聲話錫MAMMY 果頭就成日敗晒佢身家

4.我老豆一開始當然唔鍾意佢因為我仲係一個學生我果陣大著個肚返學俾著你係人地父母你嬲唔嬲鍾唔鍾意? 但因為我愛呢個男人先肯同佢生呢個BB 我堅持要生我父母先接受左佢之後其實我DADDY都好鍾意佢佢每次去我屋企都準備野食又特登開定CAN COKE放係雪櫃因為知道天氣熱想等佢涼下點知佢唔受佢MAMMY都俾過好多錢我屋企我屋企再窮唔會要佢地錢點知尋日99就話我拎佢1千蚊果1千蚊係上次我返屋企佢俾錢我屋企問野俾BB 我屋企人唔要我再俾返99 我99再俾我咁我咪袋著用來買BB野點知佢原來咁記著我拎佢錢

5. 我MAMMY買野俾BB 跟本冇問過我拎返錢係我想俾返錢佢我都同我老公講話不如俾返錢我MAMMY 因為我屋企環境唔好點知佢今日竟然歪曲晒所有野來講我見到真係好嬲

6. 我坐月真係唔方便做家務又病又身體未灰復我99會煮晒一家人既野食跟本唔洗我幫我煮既野又唔岩佢地口味我坐完月岩岩幾日者就話我唔做家務你自己做仔都唔做家務我都有拖下地掃地啦洗唔通要俾你見到先叫做有做家務?仲想我點AR? 上次迫我MAMMY見佢MAMMY 佢竟然叫我父母離婚雖然我DADDY係好傳統但佢好錫我MAMMY 每對夫婦都有自己相處之道我DADDY MAMMY感情如何佢咩都唔知道就咁樣講成日話一家人有尊重過我企人咩

8.樓係買左一買左層樓就話係買俾我既果陣咩都冇簽到律師樓都未上去簽咩都未完成仍然都未定層樓雖然名義上係我既但第1期供都未供又未斷供點會係我既? 如果突然我老公唔俾錢供供果個咪又係我點會係買俾我況且住佢都有份點會係我既野
婚期同影婚紗相期都係口頭講跟本未BOOK到只係佢單方面口頭講話定晒
坐月方面因為我屋企真係好細又住咁多個人得1個房跟本唔岩BB住我屋企又細又嘈我點樣坐月佢都唔係冇上過我屋企又唔係唔知道我屋企情況點解仲要迫我返屋企坐月?

我以為1個30歲既男人應該會好成熟好識為人諗樣樣野會有自己主意但偏偏每一樣野要問過佢MAMMY先其實我地結婚都係要佢MAMMY批准先可以結每一樣野都要佢MAMMY批准先可以做估唔到而家佢係度開POST鬧我

9.我DADDY講既傳統係坐月食既野因為99係海邊住所以佢地係食海產坐月但我唔係我父母果邊叫我戒口而尋晚係你自己趕我走你MAMMY話你嬲先亂講野我DADDY話咁佢嬲講粗口得唔得我估唔到你地完全將D事實歪曲晒

尋晚我執野走左返屋企因為佢開口趕我走既我走果陣亦都留我我其實係佢屋企樓下等左半個鐘先搭車返屋企既但果半個鐘佢完完冇搵過我佢第1時間係打俾佢MAMMY 再由佢MAMMY搵我傾果一下我已經好心淡
到岩岩見到呢個POST 我真係好心碎我估唔到我老公係咁既人如果其他人唔知道事實一定會俾佢誤導我諗你今日係度POST呢段都預左後果同收唔返不過都唔緊要啦我再多既眼淚都改變唔到咩啦..........

[ 本帖最後由 PEGGYPCDOG 於 10-10-18 19:11 編輯 ]

私人傳訊

積分: 70

13^#

發表於 10-10-18 18:59 |只看該作者

原帖由 annie929 於 10-10-18 16:09 發表
其實我覺得作為一個男人唔應該咁話個老婆雖然可能個老婆真係有D問題...但你地生仔前有無先前想後

作為一個男人跟本唔會明白陀仔同生仔有幾辛苦人奶問題...其實我第一胎都想比佢食但因為真係超痛而且BB又唔唔夠 ...

除左雞酒,係咪真係冇野可以食?咁餵人奶果D媽咪點算？
我絕對相信大把野比雞酒好,而且中醫都唔建議飲雞酒.

我唔係刻薄的人,如果唔夠洗我唔會由佢

我真係唔知可以點傾,上黎係睇下會唔會有人有類似的經驗可以分享做參考

私人傳訊

pekklechan

子爵府

積分: 11994

14^#

發表於 10-10-18 19:05 |只看該作者

樓主我覺得你自己處事都有問題,你到底愛唔愛你太太呢?從你所講的感到你也不是太愛你太太
你自己有無試過懷孕丫?你唔係女人,點解一定要太太餵人奶呢?你知唔知谷奶會痛呢?你試過未丫?你太太都係剛剛先生完bb無耐,你有無關心佢呢？你知唔知生仔好辛苦架?你試過生仔未丫,你太太生完後都好需要你的關心,好易有產後抑鬱架!希望你體諒下太太,有咩大家商量下囉,互相千就下

私人傳訊

小B雞

積分: 1147

15^#

發表於 10-10-18 19:16 |只看該作者

唔係話女人幫女人,我叫我c6睇呢個po,佢都覺得樓主有問題,佢話感覺個老公唔多體諒個老婆~
我係產前產後版見到樓主回覆人地d回應,
我就覺得你有少少唔尊重大肚婆既感覺..
例如講零食介口果個po,
你話介口簡單,唔介係自私,
講真,陀果個唔係你,你可唔可以體諒下太太?
其實你地咁樣係討論區搵人分享都冇咩用,始終係你地兩個既事,冇人幫到你..
為左bb,大家都退一步la~~
你真係想太太一個臭大個b咁慘咩?
bb冇父愛好可憐架(我都係冇爸爸錫,係好唔開心架)

[img]http://www.baby-gaga.com/]

私人傳訊

PEGGYPCDOG

積分: 3710

16^#

發表於 10-10-18 19:18 |只看該作者

原帖由 pekklechan 於 10-10-18 19:05 發表
樓主我覺得你自己處事都有問題,你到底愛唔愛你太太呢?從你所講的感到你也不是太愛你太太
你自己有無試過懷孕丫?你唔係女人,點解一定要太太餵人奶呢?你知唔知谷奶會痛呢?你試過未丫?你太太都係剛剛先生完bb無耐,你有 ...

我都開始覺得只係我愛佢太多我放棄屋企人玩既時間去生一個BB 什至陀著BB返學因為我仲讀緊DEGREE 佢就話坐月好得閒完成唔洗湊BB 佢跟本冇關心我感受只係一味過我唔食野食得唔健康完全冇諗過我同佢飲食習慣完全唔同唔係一時3刻改變到淨係叫我幾難食都要食落去 1餐2餐就話者要我日日都咁食我俾佢迫到我對食冇晒興趣同胃口係佢屋企住同生完之後真係唔想食野佢就完全冇為我諗過我都已經盡量去食但我而家都冇晒興趣食野我都唔知點算

[ 本帖最後由 PEGGYPCDOG 於 10-10-18 19:23 編輯 ]

私人傳訊

PEGGYPCDOG

積分: 3710

17^#

發表於 10-10-18 19:20 |只看該作者

原帖由 小B雞 於 10-10-18 19:16 發表
唔係話女人幫女人,我叫我c6睇呢個po,佢都覺得樓主有問題,佢話感覺個老公唔多體諒個老婆~
我係產前產後版見到樓主回覆人地d回應,
我就覺得你有少少唔尊重大肚婆既感覺..
例如講零食介口果個po,
你話介口簡單,唔介係自 ...

多謝你同你老公都睇左　佢成日都覺得我有問題為BB應該咩都可以做到我其實已經盡量去做但叫我完全去戒真係做唔到我都同佢解釋過但佢真係唔體諒我冇辦法

[ 本帖最後由 PEGGYPCDOG 於 10-10-18 19:22 編輯 ]

私人傳訊

積分: 70

18^#

發表於 10-10-18 19:29 |只看該作者

原帖由 PEGGYPCDOG 於 10-10-18 18:57 發表
我真係唔估唔到你會係度歪曲晒事實令所有人去同情你我對你真係好心淡

1.我唔係唔餵人奶而係我真係得好少量我當然知道餵人奶既好處但我點食都好少奶我已經聽佢話去餵人奶我DADDY唔鍾意餵人奶因為我已經成 ...

最貴的奶粉同尿片都係我屋企買,你買過幾多次?咪1次起兩次止
係你自己親口認左想一走了之,唔係呃我係乜?
仲有,你果幾個妹同bb玩到出黑眼圈,我係咪又要感激佢地?
你唔好唔記得,你坐女咁耐,佢地咩都冇幫手,仲要你幫返佢地呀
同人玩邊個唔識?一講到要幫手就個個say no,自私到極點
我屋企d錢點用都係我屋企的事,我屋企的經濟點差都俾你大魚大肉,
燕窩花膠一樣不缺,但你付出過d乜?
奶唔餵,BB就湊一陣,完全冇諗過幫輕我阿媽
我放工返屋企都有幫手洗衫,係,我做ge野係唔多,但你唔好唔記得,我係已經返左
一日工,而你係訓左一日覺,就算要話我唔做野果個都應該係我父母,你有咩資格出聲?
如果你屋企冇問過我claim錢,係由你問,咁咪係你問題囉,婆婆買野俾個孫做咩要claim錢?
如果真係咁窮,就唔該學下儲錢.
棟樓由頭到尾都係你個名,我點樣有份,如果我唔供,銀主盤變賣左,d錢都係你的,你唔識就唔好亂講
我唔係要迫你返屋企坐,問題係當初你做咩要話會返屋企坐?而家突然又話唔得,攪到我成家個planning亂晒
係,我自問對置業安家未有計劃,既然我阿媽識得plan又肯plan,你又做咩唔滿意?
就係因為唔係我plan,所以我阿媽做咩都錯?
尋晚我冇叫你走,係因為你又講d自私的說話,唔理BB死活,激嬲我,我話你再係咁,終有一日我會趕你走
你話你走冇問題,即係你已經決定左會繼續激我,繼續唔理BB死活,咁我仲留你係度做咩?
乜都假,你話你屋企做過乜?唔好再同我講雪罐可樂俾我飲就係錫我,
我同你咁多人生大事都唔幫我手,唔通要我感激佢雪罐可樂俾我?
仲有,你自己問下你老豆尋晚同我阿媽講過D咩野?我保證,如果我在場,我一定打左你老豆!

私人傳訊

evalio