吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 根本係可以避免既意外！但點解...都係發生咗！ ...

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2217 | 回覆: 30

[2010年] 根本係可以避免既意外！但點解...都係發生咗！ [複製鏈接]

Anni3

大宅

積分: 1295

1^#

發表於 11-1-8 15:24 |只看該作者 |倒序瀏覽 |打印

昨日傍晚，六點零餵阿女食完糊仔，餵佢飲D水，之後抱起佢幫佢掃風，點知佢突然嘔咗啖好大啖落自己口水肩度。我即刻擺低佢落high chair，再拆開條口水肩，轉身諗住放低喺前面既電視架，以為好快所以無綁上安全帶，點知就喺我轉身個幾秒鐘意外就發生咗！。。。我聽到“砰”一聲好大聲，跟住落黎就係一陣大喊。。。我轉返身一望。。。阿女成個人仔面著地，我當時既心結曬冰！即刻抱起佢係咁跟住佢一起喊，我猛咁責怪自己點解咁大意！

阿女喊咗大慨半個鐘至收聲，然後係咁抽泣，見到我好心痛！但為咗安全起見，我等C6八點返到屋企，然後一起去威院急診室。

登記/分流後，護士話會當急診，好快輪到我哋所以連籌都無俾我哋。但點知都要等成兩個幾鐘，我同C6都以為會係兒科醫生睇，但點知只係一般既醫生，我C6仲同D護士吵！入到醫生房，係一個後生禿頭既四眼醫生，有著一副不想做既樣（應該係實習醫生）。我話我女由high chair跌落地，撞到額頭同個鼻，個鼻有流血，點知佢聽完之後望都唔望我女個鼻就叫我擺BB上床。我咪即刻將阿女放上張床，阿女一訓低就狂喊，點知個醫生唔係即刻過黎睇，而係同D姑娘喺後面開玩笑，我當時真係好嬲！我即刻又抱起阿女呵佢，點知個醫生見到我抱返個女，好大聲咁叫我“麻煩妳擺低BB落床吖，唔該！”我個刻真係想爆粗！但為咗阿女，我唯有死忍！

跟住就見佢好似玩木偶咁抬高我女每隻腳/手，當時阿女著住褸仔遮住D手仔，我話駛唔駛除，佢話唔駛，然後見阿女爽手攤開，就話BB好似有問題。。。我好想頂佢@#￥%！我當時唔出聲，即刻幫阿女除咗件褸仔！佢之後係咁以拉一拉阿女每隻手，然後按阿女個身同頸就話無事喇！但當時阿女狂喊，仲係喊到震曬既樣！我咁都話無事？需唔需要照X光？佢俾我既回答係：“我覺得無咁既必要囖！我就咁睇，BB無事囖！妳自己觀察佢有無嘔吐，發燒或唔正常既現象再作打算囖！”我話我唔知點為之唔正常？佢又好大聲咁話：“我頭先咪講咗囖！觀察有無嘔吐或正常既現象！如果妳都係唔識的分辨咁我寫紙俾BB入院，等姑娘幫妳觀察，咁好唔好？”

我聽完真係好嬲，好嬲！幫阿女著返外套，抱起佢行番去個醫生度問：“無野喇嘛？”個醫生望都唔望我，話：“咁妳想點吖？入院或走？”我即刻話：“你咁既態度，我仲可以點者？我咪走囖！但你真係要反省下點為之一個好醫生囖！”然後開門行出去！嬲巴巴同C6離開。

琴晚我成晚無訓，阿女除咗額頭瘀咗兩達同個鼻少少損咗，都話玩得笑得又訓得，睇落無事，但因為太內疚根本訓唔到，個腦不斷咁重現阿女由high chair個一幕，個心真係嗱住痛。今日繼續觀察都還OK，飲奶食米糊都無問題，但會繼續觀察多幾日。

今次得到既教訓係，萬一BB真係咩事發生，自己又好唔放心，就唔好為咗慳錢而去政府急診室！因為妳往往等同俾D九流醫生谷到成肚氣；情願俾多D錢睇C+！

希望阿女真係無事！健健康康長大！我會好好檢討自己既過失，真係唔容許咁既事情再發生！

[ 本帖最後由 Anni3 於 11-1-8 15:35 編輯 ]

0 0 0

私人傳訊

blueski

公爵府

積分: 26981

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018母親節勳章 2018復活節勳章 15週年勳章親子王國15週年勳章趣教勳章畀面勳章叻叻勳章有「營」勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋 BK Milk勳章 hashtag旅遊勳章 hashtag影視迷勳章 DHA勳章育兒性格勳章認識瑞士牛牛第二回認識瑞士牛牛第三回最關心BB問題熱投勳章美好大世界2017勳章開心吸收勳章

2^#

發表於 11-1-8 16:45 |只看該作者

我都戥你心痛, 我都試過呢d經歷, 我大女係8個月時, 我放佢係大人床, 諗住轉一轉身拎件衫仔, 就係呢一轉大女就由大人床跌落地, 又係面向地, 抱起大喊, 表面無咩傷, 當時個感覺係完全同你一樣, 我好嬲自己, 又係立即同阿女醫院, 個醫生檢查左, 佢話唔健議bb咁細個就照x光, 對佢唔好, 佢同樣無野做到, 只係講24小時內, 睇下佢又無嘔/呆滯/唔食野, 如果無就無問題, 所以我到細女出世, 我都好小心, 唔要再發生呢d事, 真係唔好貪快貪方便....不過你呢個醫生真係好差, 比著我, 我諗我可能臨走會鬧爆佢...今次唯有怪自己大意, 以後要小心d, 希望你阿b無咩大外, 如果佢肯食野肯玩, 就應該無事, 放心啦....

私人傳訊

Anni3

大宅

積分: 1295

3^#

發表於 11-1-8 22:14 |只看該作者

我今日都好少擺阿女喺張high chair度，仲有少少陰影～

觀察一排，佢飲奶之後有吐返少少奶出黎（之前好少咁），但不至於嘔，所以我依然要加以留意，佢左額頭依然好肿，唔中意我掂佢。真係好希望佢快D好返。我以後唔會再咁大意架喇～！

原帖由 blueski 於 11-1-8 16:45 發表
我都戥你心痛, 我都試過呢d經歷, 我大女係8個月時, 我放佢係大人床, 諗住轉一轉身拎件衫仔, 就係呢一轉大女就由大人床跌落地, 又係面向地, 抱起大喊, 表面無咩傷, 當時個感覺係完全同你一樣, 我好嬲自己, 又係立即同 ...

私人傳訊

bbsanrio

大宅

積分: 2497

4^#

發表於 11-1-8 22:43 |只看該作者

今朝早聽見你講亞囡跌咗落黎, 真係嚇死我地..... ( 好彩, 今天下午見到你個囡囡都無咩事.... )

好快好架啦.... (好小事, 唔好咁內咎啦... 你都唔想. )*今晚早d 瞓啦....

政府d 野, 係咁架啦.... (你去親急症, 一定係要等...等...... 等....... , 係要"等"到你自己無耐性走, 咁佢地咪唔駛做野囉.... )

還記得, 陀住亞囝時, 去做檢查, 等就等2個鐘 (註: 有時可能唔止添... ), 但睇醫生就2分鐘都無.

私人傳訊

Anni3

大宅

積分: 1295

5^#

發表於 11-1-8 23:55 |只看該作者

多謝妳哋黎探阿女吖，順便安慰我呢個三魂唔見七魄既人！見妳哋話阿女睇落正常無事我都無咁驚。因為我硬認住佢唔止個三個瘀處，會唔會有其他傷口我無發覺～

唉！以為威院搬咗去新樓D服務質素都會提升，但點知仲衰過之前，D護士同D醫生成pat爛泥咁，一D士氣都無，hea到爆！以後如果有幸懷有第二胎，一定唔會喺威院生！

原帖由 bbsanrio 於 11-1-8 22:43 發表
今朝早聽見你講亞囡跌咗落黎, 真係嚇死我地..... ( 好彩, 今天下午見到你個囡囡都無咩事.... )

好快好架啦.... (好小事, 唔好咁內咎啦... 你都唔想. )*今晚早d 瞓啦....

政府d 野, 係咁架啦.... (你去親急症, 一 ...

[ 本帖最後由 Anni3 於 11-1-8 23:57 編輯 ]

私人傳訊

small531

男爵府

積分: 9670

好媽媽勳章

6^#

發表於 11-1-9 00:43 |只看該作者

唔好唔開心啦...我都試過跌阿女落床...仲要係條腰咁高既床...幸好冇大礙...自從呢一次之後真係加緊左...好小心睇住...如果離開視線範圍...一定要安全...不過你又唔洗咁自責既...細路哥係要跌下跌下先得大架嘛...係呢一下跌得比較痛...

哈哈

私人傳訊

Anni3

大宅

積分: 1295

7^#

發表於 11-1-9 00:51 |只看該作者

如果阿B一歲以上，我都無咁緊張，但得個幾個月人仔，咁跌法都咪話唔驚

真係真係要安全至上！無論離開一陣或幾秒都好，都要綁實阿B！因為可避免既意外係不值得原諒架！

原帖由 small531 於 11-1-9 00:43 發表
唔好唔開心啦...我都試過跌阿女落床...仲要係條腰咁高既床...幸好冇大礙...自從呢一次之後真係加緊左...好小心睇住...如果離開視線範圍...一定要安全...不過你又唔洗咁自責既...細路哥係要跌下跌下先得大架嘛...係呢 ...

私人傳訊

small531

男爵府

積分: 9670

好媽媽勳章

8^#

發表於 11-1-9 01:41 |只看該作者

其實幾多歲都好...做阿娘既...都係唔放心架啦...唔係憂呢樣就係憂個樣...個次阿B 跌左落黎我都好驚架...不過觀察左幾日...見佢冇事...我個心先定D...而家只可以睇實D...唔可以比呢個錯再犯...你都唔好太自責...長期唔開心...對你同BB 都唔好架...

原帖由 Anni3 於 11-1-9 00:51 發表
如果阿B一歲以上，我都無咁緊張，但得個幾個月人仔，咁跌法都咪話唔驚真係真係要安全至上！無論離開一陣或幾秒都好，都要綁實阿B！因為可避免既意外係不值得原諒架！

...

哈哈

私人傳訊

Anni3

大宅

積分: 1295

9^#

發表於 11-1-9 12:39 |只看該作者

其實都係擔心佢撞親個腦，都知猛咁自責係無補於事；唯有以後自己多加留心，唔好再咁大意。

原帖由 small531 於 11-1-9 01:41 發表
其實幾多歲都好...做阿娘既...都係唔放心架啦...唔係憂呢樣就係憂個樣...個次阿B 跌左落黎我都好驚架...不過觀察左幾日...見佢冇事...我個心先定D...而家只可以睇實D...唔可以比呢個錯再犯...你都唔好太自責...長期 ...

私人傳訊

cynthiaf

大宅

積分: 1489

10^#

發表於 11-1-9 22:59 |只看該作者

聽到呢個消息,我都dum你心痛,唯有多觀察佢啦
我都曾經發生類似事件,個仔個頭砍落玻璃枱,都好驚呀,仲要之後有嘔奶,之後再觀察,有好似無事
做人阿媽甚艱難!

私人傳訊

Anni3

大宅

積分: 1295

11^#

發表於 11-1-9 23:25 |只看該作者

一句到尾。。。真係要小心小心！意外雖無人想發生，但只要多加留心，其實係可避免！

原帖由 cynthiaf 於 11-1-9 22:59 發表
聽到呢個消息,我都dum你心痛,唯有多觀察佢啦
我都曾經發生類似事件,個仔個頭砍落玻璃枱,都好驚呀,仲要之後有嘔奶,之後再觀察,有好似無事
做人阿媽甚艱難! ...

私人傳訊

polarmama

子爵府

積分: 13429

好媽媽勳章

12^#

發表於 11-1-10 00:51 |只看該作者

多謝提醒！
bb依家冇事就得～ bb啲動作好快，真係一秒都危險！
大家都要小心啊

可唔可以喺相簿加相落個人簽名度？

私人傳訊

CD_BB

男爵府

積分: 9869

畀面勳章

13^#

發表於 11-1-10 09:11 |只看該作者

多謝提醒！high chair一定要綁上安全帶, 希望你阿女無咩大外!

私人傳訊

winRicerice

大宅

積分: 3851

14^#

發表於 11-1-10 09:38 |只看該作者

我bb有一次都試過無帯安全帯係high chair, 咁岩我街開左...好彩我媽見到,原黎佢個身己有一半跌左出黎...幾驚...
所以大家一定要小心d呀..唔帯安全帯bb要係你視錢範圍呀...

私人傳訊

yeeyeey2k

子爵府

積分: 11228

15^#

發表於 11-1-10 10:10 |只看該作者

做人阿媽真係好大壓力, bb一有少少事都會好上心, 萬一整親受傷或病時仲會好心痛添呀, 有時意外既嘢, 即係意料之外, 預計唔到, 大家可以盡量避免發生就盡量做啦, 等佢地響安全既環境中成長.
但有時d嘢真係好難避免, 尤其學行學走既呢個階段, 唯有盡力去保護同幫助佢地啦.

Anni3
過左去就算, 唔好太自責, 以後小心d就得啦, 你個bb實會健康成長ga^^

私人傳訊

janisting

大宅

積分: 3560

16^#

發表於 11-1-10 12:58 |只看該作者

多謝提醒, 呢個階段嘅bb真係好難湊, 手腳都好快, 好容易跌親同亂食野, 真係要小心d

私人傳訊

wa_sosiusiu

複式洋房

積分: 243

17^#

發表於 11-1-10 14:10 |只看該作者

我阿B三個月果時都由sofa跌過一次, 真係超心痛, 亦都好明白你同阿B一齊喊既感受. 唯有小心啲, 唔好再俾意外發生.

私人傳訊

tigerbibi

大宅

積分: 2250

開心吸收勳章

18^#

發表於 11-1-10 14:14 |只看該作者

果日打比你, 原來阿囡跌得甘犀利...陰公...
之後打比你唸住再安慰你...聽到阿囡喊, 我都不知所措...

呢幾日都好擔心你, 阿囡今日好好多啦?
吾好唸甘多... 放鬆d個人...

個醫生甘衰, 記吾記得佢個名, 寫信投訴佢啦
佢呢D人, 無愛心就吾好做醫生啦,
明知媽媽一定好著急, 加上bb又喊, 一定好慌...
真係好過份...

鍚返bb 同鍚番係... 阿b 好快無事... 健康快樂~

原帖由 Anni3 於 11-1-8 15:24 發表
昨日傍晚，六點零餵阿女食完糊仔，餵佢飲D水，之後抱起佢幫佢掃風，點知佢突然嘔咗啖好大啖落自己口水肩度。我即刻擺低佢落high chair，再拆開條口水肩，轉身諗住放低喺前面既電視架，以為好快所以無綁上安全帶，點知就喺我轉身個幾 ...

私人傳訊

midcafe

大宅

積分: 2042

19^#

發表於 11-1-10 15:08 |只看該作者

我睇見你呢個經驗分享我都好驚 ~~
我女女都幾活潑既, 同埋bb一直日日都有坐high chair ( combi ), 所以成日都好擔心bb會跌下來, 甘岩我行街見到原來出左條新款既膊頭帶長d既, 可以等阿b冇易辛個身出來好像想跌想跌甘樣, 的確危險. 我仲要日頭係姐姐湊嫁, 所以真係擔心死我. 我而加都唯有叫姐姐, 去邊都要推埋bb在佢視線範圍內.