心聲留言今日: 0|主題: 17469

收藏本版

發帖

返回列表

跳至頁

查看: 618 | 回覆: 0

有點火.....但又好好笑! [複製鏈接]

TaiHingPhase1

別墅

積分: 701

1^#

發表於 11-1-15 01:58 |只看該作者 |倒序瀏覽 |打印

好笑在自己有點火

時間:14號下午大約五時
地點:管理處
人物:大堂阿姐、物管經理、業主立案法團副主席及我
內容:

我同大堂阿姐講13號晚聽到有鎚聲,問她樓上住客是誰,她眼定定望住我,然後好慢咁同我講樓上無人住

,可能樓下呢!咁....哦,我叫佢唔好同我屋企人講,跟住返上樓,但又聽到鎚聲,速速落樓帶阿姐上樓大堂聽,佢都聽到,但係今日無人裝修,我問係唔係部升降機,佢話通知控制室,控制室叫佢自己打去升降機公司,我同阿姐講唔洗啦,我上去管理處講。
去到管理處同文員講,文員同我傾咗一陣就搵經理同我講....
我:經理我聽到d鎚聲,可能係3號發出?(因為3號升降機剛剛大修完)
經理:你住係邊座?
我:3座低層
經理:係,咁.....(有人出聲)
副主席:你立刻搵人停咗部升降機,然後打俾升降機公司搵人檢查.
我:先生,你貴姓呀?
副主席:我姓李
我:呀,李生,我同緊佢講嘢,關你咩事?(我唔知佢係副主席)
副主席:我係li度副主席,點解唔可以講嘢

我:我唔係唔俾你講嘢,但係我同緊經理講,唔係同你講,你做咗幾耐呀?識唔識得尊重人,人哋傾緊.(我未有火)
副主席:我做咗一年,你現在投訴,我便叫人做嘢.
我:首先,我唔係投訴,係希望管理處幫手,另外你叫佢(經理)點做唔關我事(這裏我已大聲同佢講),現在係我同佢(經理)傾,唔該你,識唔識咩叫做尊重人.
副主席:你有本事搵5%人推反我囉
我:咁,我又真係無本事....(聽到佢咁講,火都無)
副主席:吊(只聽到這個音,但係好細聲,唔知係唔係粗口)...
佢(副主席)一路行去左邊坐下便不作聲,跟住我同經理繼續傾,最後經理話俾我知,對上樓層有一住客精神有問題,如果有其他消息會通知我,最後都放心d,因為係人唔係果d嘢。