大仔大女媽媽會今日: 0|主題: 177860

收藏本版

發帖

返回列表

跳至頁

查看: 601 | 回覆: 5

[2010年] 好驚險 ( 有些長篇 ) [複製鏈接]

bbsanrio

大宅

積分: 2497

1^#

發表於 11-1-21 00:47 |只看該作者 |倒序瀏覽 |打印

好驚險! 昨天, 同朋友與亞b 出去媽咪聚會.
1, 到九龍塘火車月台下車時, 門口有2個維園亞伯企係到.
2, 朋友先推佢的bb 車出去, 然後, 才到我推bb 車;
3, 由于我的bb 車是 P3 , 很多時都很容易過到坑位的, 而且前面又有人推緊車, 所以, 自己又分了心, 一不留意, 前輪便掉了下去, 當時, 我自己唔敢放手, 前輪又”CLICK” 住左, 動彈不得. 朋友馬上放好佢的BB 車便馬上幫我.
4, 當時, 我都有少少驚. 之後, 在月台上, 馬上睇下個仔有無事. (佢居然無哭, 又無叫喎! 咁我咪同朋友走啦… 因為約左人等. )　
<*註: 初時, 我以為只是前輪 “CLICK” 住左; 所以, 檢查過, 個仔無事, 無表面傷痕便算. >
5, 不過, 聚會過後, 返到屋企, 自己不斷諗返起這件事 ( 但我唔敢同 C6 講呢件事, 我怕比佢駡, 同埋, 佢肯定以後唔準我同亞B 去得遠. ) 越諗越驚, 因為, 正常D 小朋友受到驚嚇應該會哭, 但我個仔無. ( 我好怕佢唔識”驚”.) 另外, 我個仔 8個月雙腳仍未能撐起來, 比起同齡的BB , 好似差一些, 好怕佢雙腳有事. ( 想打俾朋友問清楚當時情況, 但又怕C6 知道. 所以, 唯有忍住, 到今天下午才問清楚朋友. )
6, 話返前面那2個維園亞伯, 佢地一方面企係到阻住人地下車, 另一方面, 見到我們有危險唔幫手都唔緊要, 仲要係度說三道四, 真的好討厭, 若當時不是同朋友一齊, 我估我會忍唔住講左 XYZ##@@@ 比佢地聽, 同埋, 會叫佢地收口.
7, 到左, 今天, 我忍唔住, 打左去MTR 那兒投訴, 又係一肚氣, 我講返佢聽當時情況; 投訴佢地沒有人員來幫忙 & 空隙問題, 到我們落左車後 ,與月台長大概有 10 多步的路程, 但是, 當時沒有任何地鐵員工來問候有沒有事情要幫忙.
8, 之後, 我有留電話比那兒的人, 那位何小姐的回應, 真的令我很火, 佢話,”當時, 有12個卡車, 可能個月台長沒有留意喎 !! 根住, 佢又講佢地的流程出來比我聽, 又話那兒那兒會做些咩, 之後, 才會通知車長開車” 我聽完之後, 真的十萬個火都出來, 第一, 當時唔係繁忙時間, 月台根本很空, 所以, 我這個意外, 真的是很突出, 沒有可能見唔到. 第二, 若佢地依足流程去做, 根本沒有可能沒有人關注到我這個意外.
9, 我打去比佢地, 係希望佢地改善/關注月台空隙的問題, & 希望佢地員工做事唔好”馬虎”’, 唔好要有意外發生後, 才來檢討, 去補救. 難道, 真的要有人流血/傷亡才去檢討??
10, 好想去投訴這件事, 但發現 MTR 那個網頁, 都沒有地方可以比我寫意見. 唔知那個地方可以比我, 發信/發 EMAIL 去投訴呢???

11, 最後, 奉勸各位姐妹, 落車時, 應該自己先下車, 然後才用後輪著地先會比較好, 這樣, 無論大車細車, 咁樣落就會安全一些. 仲有, 記住, 要戴上安全帶. (註: 當時, 幸好有安全帶, 否則, 亞B 可能已經受傷了. )