夫婦情感

收藏本版
發帖
返回列表
跳至頁

首頁
12345...8

尾頁
   0
buyer2008


洋房

積分: 71


1#
發表於 11-2-8 17:22 |只看該作者
大家MAMI您地好～
角色1：（我）咁我係一個單親MAMI黎既，帶住一個現15個月大既B女～
角色2：（我男友）咁佢都係單親爸爸黎既，有一個現24個月既女～
角色3：（我男友的EX）24個月既B女係個8婆同我男友生既～
首先講講既係，我單親係因為我B女既親生爸爸動手打我，攞晒我D錢，仲搞到我有條UA數要還，所以我帶住個女走返娘家，就冇再同個賤男人聯絡了。
而我男友單親既原因係，佢個EX，呢個8婆之前同佢生左個女，我男友諗住同佢結婚，但佢走左去，話唔嫁，仲要同第2個男人上床，我男友發現8婆個銀行成日都有大量金錢匯入，所以知道佢去做雞。8婆唔要個女自己走左。
咁我要講清楚，我同我男友一齊到現在已有一年了。而我同佢一齊果陣已經同我個EX分開左3個月（大住肚走的）。我男友同我一齊果陣已經同個8婆分開了6個月。
所以我唔係第3者～！
剛剛一齊，我同男友都帶住個女，好似一家4口咁，我都當佢個女係我個女咁湊，因為男友要返工，有時冇人幫佢湊，咁個細路女就自己係屋企。男友識左我之後，我咪唯有每日過佢度幫佢湊佢個女囉～（我住新界東）（男友住新界西）～你地明唔明我一個女人帶住當時只係4﹣5個月大既B女山長水遠入新界西幫佢湊堆佢個女。2個B女差唔多一樣大，我超辛苦。仲有幾次佢個女病，佢又趕住返工，又係我山長水遠入新界西幫佢帶佢個女睇醫生。我見個細路病到咁，我仲帶佢去我娘家住了2日（搞到我全家冇得睏）都算～細路女我唔怪佢，我見小朋友唔忍心！一連4個月都係咁，我捱唔住，病得緊要喇，我MAMI就開口話唔鐘意我幫佢湊個女搞到我自己咁辛苦，我MAMI好心疼。咁我就開始冇過去幫佢湊。我男友爸爸MAMI都唔係咁想湊佢！（因為佢個女成日大叫！打人！又唔願睏覺果D！）
我地呢D單親MAMI要定期見姑娘，一次我係中心參加MAMI會，男友打俾我叫我幫佢帶佢個女睇醫生，咁我已經行出中心門口外既後樓柹架喇！怕姑娘聽到知道我男友就咁將佢個女放係屋企！點知姑娘原來企左係對木門後面聽到晒！
之後，姑娘打俾個8婆（姑娘都本身識個8婆架喇），叫8婆報警！好喇～幸好男友冇事（詳細既唔多講），個8婆都成功地攞返佢個女返去湊！（好似所有野完結晒咁，但點知...）
過左2個月，我有左男友既BB，當時男友都好開心，點知呢個時候條8婆出招玩野！
第1招：8婆打俾我男友既MAMI，扮關心佢老人家，就順道講下是非！（不過伯母知我為人，所以冇信佢）
第2招：8婆明知佢個女有保護令，我男友係一年內唔可以見個細路女，條8婆仲SMS俾我男友話帶個女俾我男友見！（但我男友知佢唔會咁好死，所以冇中計）
第3招：條8婆打電話到男友屋企，我接左電話，佢同我講叫我唔好同男友講佢打過黎，係咁講我男友其實之前打佢點衰點賤等等...（我冇相信，因為咁耐我地都冇嘈交，又點會出手呢？）
就係條8婆搞咁多野！搞到我男友想爭返個女返黎！果陣我個肚已經有4個月大喇！點知我男友叫我唔好要，話養唔起！（果陣我都知到佢個心諗咩啦！佢怕爭個女返黎，我又生多個，加埋我個女，跟本養唔起！除左唔爭返佢個EX生果個女返黎啦！）最後我都迫於無內落左肚裏既BB。
之後，個8婆仲未收手！又出招！
第4招：係上個月（即一月中），8婆無啦啦湊個女過去我男友MAMI屋企，話自己要覆診WOR～（覆診覆3日呀？您地信唔信丫？平時去醫院覆診，我咪又係帶埋個女去，仲有最耐6個鐘咩都覆晒啦下麻～！）
所以，搞到我男友再次掛住個細路女囉！（又想話爭返佢返黎而同我嘈交！）
直至前日，個細路女生日，我男友想見佢，咁男友就叫佢MAMI幫佢去條8婆到接個細路女返黎～
＃男友問我：「如果我爭個女返黎，您會唔會介意？」
＊我答男友：「依家既我會介意！因為你話養唔起2個小朋友叫我落左我同您既BB（肚裏5個月），當時我落果陣幾危險丫！依家您話要爭佢返黎？咁即係2個小朋友啦？（計埋我個女）咁咪好似您所講養唔起囉！」
＃男友：「咁佢係我親生女黎架麻！」
＊我答：「咁我肚入面果個夠係您親生仔啦！」
＃男友：「咁佢未出世可以唔要！」
＊我答：「未出世就唔係您個仔呀？未出世就唔係人命？」
＃男友：「您好自私呀！您就可以帶住您個女！我就唔可以爭返我個女！」
＊我答：「您呢D叫做偏心偏到出面丫！咁耐以黎我個女都有我娘家幫手湊，我自己搵錢養，從來冇煩到人，都冇煩到你！但您果個女返黎係冇人肯幫您湊呀！仲要煩到要我晒氣去教佢！咁我不如留返D氣教我生果個啦（我指既係佢要我當日落左既我地個親生仔！」
我真係好嬲！佢要個EX生既女，都唔要我同佢既親生仔！叫我點樣再忍？大方到再俾個細路女返黎？！（個細路女到前日我見佢，佢都一樣係成日大叫！打隻貓!"我之前俾佢打過，我個女都俾佢打過架喇“）唔通俾佢返黎蝦死我個女（我個女比較怕事，以前見到佢，我個女都會喊，唔肯同果個細路女玩）！
件事大至上係咁...MAMI們俾D意見我好嗎？我好亂呀！＞＜其實我唔係好大個，好多事都真係諗唔通，想您地幫幫手＝（呢D野係我心裏好耐，唔知點處理...）

[ 本帖最後由 buyer2008 於 11-2-8 17:24 編輯 ]
私人傳訊

ckymimi


複式洋房

積分: 110


2#
發表於 11-2-8 18:21 |只看該作者
你自已都. mouth: mouth:
你男友如果係愛你,,唔會叫你落bb...我覺得你自己搞到自己辛苦 !!!
私人傳訊

小manman


翡翠宮

積分: 87522


3#
發表於 11-2-8 18:32 |只看該作者
真係好覆雜的關係,我不嬲都覺得一段男女關係夾雜左第3者係當中,我所講的第3者唔一定係狐狸精,你睇呢度都好多媽咪上黎呻奶奶d衰野,又或者好似你呢d case,是但一方同ex有小朋友都係好麻煩~~~

我唔識比意見你,我只知點錫都好,人一定有私心,你一定著緊自己女女多D,而你bf著緊佢女女都無錯,你叫佢放棄佢女女一定無可能,佢心裏面點都唔放心佢個ex照顧佢女女,
而且,佢個ex成鬼日得閒無事就玩野,真係好影響你同bf的感情~~~

我諗如果我係你,由佢叫你落左個係你肚裏面已經5個月的bb個刻開始,我已經對呢個男人死心,我唔可以再同呢個男人一齊,佢開到口叫你落已經唔係人講的野,佢知唔知有左5個月仲落唔止無左個細,分分鐘連個大人都會有事,而且,落仔對女人無論係生理or心理都會有好負面的影響,佢有無重視過你呀???

佢同ex的女女永遠都會夾係你地中間,你依架得兩條路,一係就同bf分手,一係就接受佢女女,以後都一家4口,如果唔係我都諗唔到第3條路~~~

[ 本帖最後由 小manman 於 11-2-8 18:34 編輯 ]
私人傳訊

ZZdaphne


王國長老

積分: 31707

好媽媽勳章 醒目開學勳章 王國長老


4#
發表於 11-2-8 18:38 |只看該作者
好長啊....

我大你好多好多, 都覺得你們的問題好複雜

1. 你個女都係娘家湊, 無理由你湊男朋友個女咖, 講唔通.

2. 但是你男友又無理由唔理自己個親生女,講唔通

私人傳訊

cotychan


伯爵府

積分: 18748

畀面勳章 環保接龍勳章


5#
發表於 11-2-8 18:46 |只看該作者
你有無諗過,你只係同佢拍拖.又無必要而家同佢生仔呢?只係相處一年,你對你BF了解嗎?我都明白而家啲人拍拖,幾本上都有會SEX.但點解你唔避孕?你BF生活條件你都應該會知,佢養唔養得起你同埋你再生多個B呢?你自己又欠債,如果你再同呢個男人生個仔,TOUCH WOOD佢唔要你,或者你覺得大家相處唔開心,咁你點算?絶少數媽咪會將自己生既仔女比人,但你養唔養得起?養到咁有無時間去教?無錯,佢要你唔要個BB,仲要已經咁大既月數係痛苦,但你諗番轉頭,未必係完全唔好!
而你BF,我覺得佢想要番個女都無錯,如果你覺得一個男人對佢所做既事有承擔都係錯既,咁我無嘢講.我都明人係自私既,你亦都會覺得點解佢話養唔起2個小朋友都想要番個女,咁你呢?養唔養得起個女?你當初同你老公分開,有無諗過唔要個女?點解要個女跟住你自己呢?我覺得人有自私既心,亦都應該有包容既心,你帶住個女佢都唔介意,點解你要介意佢又帶住自己個女呢?個小朋友可能係無人有時間教佢先會做啲令人討厭既行為,如果你肯接納佢,慢慢教佢,咁佢都會改變.
我本來都係一個單親家庭,多謝我而家老公,愛鍚我,當我個仔係佢自己既咁供書教學,而我老公都有個女,雖然唔係跟我住,我由佢5-6歲睇到佢而家讀中4,我都當佢係半個女,佢有男朋友都會同我講,有心事都會打比我傾.
私人傳訊

ZZdaphne


王國長老

積分: 31707

好媽媽勳章 醒目開學勳章 王國長老


6#
發表於 11-2-8 18:47 |只看該作者
原帖由 小manman 於 11-2-8 18:32 發表
佢同ex的女女永遠都會夾係你地中間,你依架得兩條路,一係就同bf分手,一係就接受佢女女,以後都一家4口,如果唔係我都諗唔到第3條路~~~


同意

我識得有人帶住自己個女同個有仔女嘅男人結婚

一直都好煩,

個男人要照顧前妻和仔女

成日為錢吵架.

mouth: mouth:
私人傳訊

pollybell


子爵府

積分: 14001


7#
發表於 11-2-8 19:14 |只看該作者
長篇大論問題都出自你身上姐,你愛你自己個女多於一切,當初你講到咁愛呢個男人跟本唔應該將佢個女好似人球咁掉來掉去,跟本無諗過你男友既感受,最好佢個女跟返佢亞媽,乜都與你地無關就最好,可惜你男友還有些小人性無放棄呢個女,問題你太唔了解呢個男人,你俾唔倒安穩既感覺佢,佢需要有個人照顧自己個女先可以同任何人再組織家庭你明白嗎.

[ 本帖最後由 pollybell 於 11-2-8 22:19 編輯 ]
私人傳訊

mywong


男爵府

積分: 9963

好媽媽勳章


8#
發表於 11-2-8 21:01 |只看該作者
好複雜

不過我咁睇...

你養你個女--一定
佢養佢個女--一定
佢養你地個仔--養唔起
你養你地個仔--??
你地養唔起你地個仔--唔要

你個男朋友係有過去的人, 你唔可以叫佢唔要個女
只有接受--一齊
唔接受--分開

私人傳訊

carrie_1102


伯爵府

積分: 19211


9#
發表於 11-2-9 00:31 |只看該作者
你地d關係真係好複雜囉~大家都帶住個囡,但係仲想生多個bb...已經養唔掂喇~又唔避孕!!!呢個世界冇野係兩全其美架囉...你唔會放棄你自己個囡,佢都唔會放棄佢個囡...你一係就接受,一係就同bf分開~做左人阿媽,諗野要大個d...人地個ex玩野,你咪唔好理佢囉~但係我係你既話,我唔會再同呢個男人一齊...因為呢種關係太辛苦喇~!!!

私人傳訊

ching070707


公爵府

積分: 29915

認識瑞士牛牛第三回


10#
發表於 11-2-9 01:59 |只看該作者

都係個句,學懂保護自己.
以家都唔係第3者問題,攪清楚.你同男友去向
如果大家無能力再養育下一代.做足安全.
私人傳訊

miemiemie


公爵府

積分: 29215


11#
發表於 11-2-9 02:37 |只看該作者
樓主都做左人啊媽,
唔好仲咁單純啦!!!
好聽就叫單純,唔好聽就叫蠢。
鍾意你都唔會叫你落BB,
係好男人自己唔食都俾你食。
仲有做單親媽媽己經夠辛苦,
仲要搵個無鬼用男人累夠累,
不如積極裝備自己,搵過個好男人好過啦!!!
搞唔掂自己都唔好陀衰你ma......
私人傳訊

hanbb


伯爵府

積分: 16230


12#
發表於 11-2-9 02:41 |只看該作者
bb 都落左了, 講返轉頭好似無咩用.....但你怪你男友無諗過要養大你們的bb, 咁你自己有無諗過你可以養大多一個bb 先懷孕? 你有第一個b 都係自己養啊??

至於你男友......我都接受唔到一個要自己落仔的男人....
私人傳訊

meowli


大宅

積分: 4348

好媽媽勳章 醒目開學勳章


13#
發表於 11-2-9 11:26 |只看該作者
老實講個男人搵得12k，邊有可能養咁多個小朋友，仲要養埋妳，除非你攞緊綜援，估到妳年紀仲細，如果唔係都唔會攪到自己咁麻煩，其實我都唔覺得妳有幾愛哩個男人，如果佢今日可以放棄自己個女，他日都可以放棄你地個仔囉
私人傳訊

rean_chau


公爵府

積分: 28591


14#
發表於 11-2-9 11:36 |只看該作者
好複雜!!!
如果我自己咁情況一定唔會亂識男朋友,唔為自己諗都要為個女著想. 對方有自己小朋友唔緊要,但都要顧得掂自己先,連自己果個都照顧唔到要你顧埋一份,咁係埋一齊有咩意思, 真係累鬥累咩!!
係我一定會分手,搞掂自己先. 將來既伴侣慢慢等,緣份既野急唔黎!!
私人傳訊

buyer2008


洋房

積分: 71


15#
發表於 11-2-9 11:56 |只看該作者
其實佢個女當初係冇人湊！係男友識左我，我知道個細路女自己係屋企，我覺得唔可以咁做，所以先山長水遠入去湊佢！果陣佢病都係我搞掂！（男友冇家用俾番我架，連搭車錢都係自己出！買送住埋飯TIM！）當初的我一D都冇偏心！就算係佢個女既野，都係由我去緊張去做！買咩我都買2份！就算果陣佢個女打我或者打我個女（好多次）我都冇出聲！都冇對佢點，只講一句，叫佢唔好咁樣！之後我咩住個女去煮飯就算！就拎晒D玩具俾佢玩俾佢掉，玩完咪我汁！2個B女食野，我係2個一齊畏！從來唔會分先後！一人一啖！沖涼抱埋佢果個，我3個人一齊沖！我覺得我做到咁已經冇分你我！點解有MAMI們會覺得我仲唔夠包容？有位MAMI仲話係我將佢個女當人球！話係我問題！其實佢個女俾人當人球係咪真係關我事？（佢唔係我個女，我都咁湊去佢）主要原因變人球係因為男友又一定要佢個女，又搵唔到人湊佢，咪搞到佢個女好似自己係屋企天生天養囉！（連我男友既MAMI爸爸都唔想湊佢，佢自己MAMA爺爺都唔湊，幫手湊1，2日就話佢煩喇，叫男友湊走佢！）仲有我見佢咁，我有次帶佢黎我娘家住2日，係因為見佢病得嚴重，一定要全晚睇實佢！（我MAMI幫手湊佢！＊幫係人情，唔幫係道理！始終佢唔係我生架，我屋企人冇必要咁幫湊佢，搞到自己咁辛苦！＊）如果佢個女好似依家咁跟返佢自己親生呀媽，1.食得好2.住得好3.著得好4.有婆婆湊5.有MAMI係身邊教佢～！！（一早咁做既話，佢個女會唔會變人球呀？）我真係唔明果位MAMI點解話佢個女變人球關我事！話係我責任！我盡晒力去幫佢湊（PS因果陣我暫未有工作），所以先幫到！
私人傳訊

buyer2008


洋房

積分: 71


16#
發表於 11-2-9 12:09 |只看該作者
原帖由 ZZdaphne 於 11-2-8 18:38 發表
好長啊....

我大你好多好多, 都覺得你們的問題好複雜

1. 你個女都係娘家湊, 無理由你湊男朋友個女咖, 講唔通.

2. 但是你男友又無理由唔理自己個親生女,講唔通

...

1.）我MAMI都係咁對我講：「無理由你湊男朋友個女，你都要返工搵錢俾你個女，養大佢！唔通你唔做野去幫佢長期湊女咩？咁你個女係咪佢養？佢係咪養埋你？男友佢一句話得既，佢會養起你同你個女的話，咁你就可以幫佢湊女喇！」
2.）我明佢無理由唔理自己個女，如果唔係就等同我EX個賤人有咩分別丫？但個問題係...佢用錯方法去理！佢個心一直想留個女係佢自己身邊係岩！不過，1.）冇人願湊佢個女2.）佢返工都工作時間極長14﹣20個鐘／日，冇時間教女～只係呢2樣已經話俾佢知佢想理都理唔到啦！
私人傳訊

pollybell


子爵府

積分: 14001


17#
發表於 11-2-9 12:11 |只看該作者
我既意思就係你唔夠堅持,你父母唔中意講幾句你就俾返你男友,既然你愛呢個男人亦知道佢咁緊張個女就應該再堅持一點,如果你可以好似你所謂對佢個女如此關顧亦堅持落去,個男人會睇倒,雖然個女唔係你生,你可以好口響幫就人情唔幫就道理,但你男人個心點諗呢,有難可否同當呢????愛一個人需要不停付出,特別要做人後母付出會更多.希望你明白我意思.
原帖由 buyer2008 於 11-2-9 11:56 發表
其實佢個女當初係冇人湊！係男友識左我，我知道個細路女自己係屋企，我覺得唔可以咁做，所以先山長水遠入去湊佢！果陣佢病都係我搞掂！（男友冇家用俾番我架，連搭車錢都係自己出！買送住埋飯TIM！）當初的我一D都冇偏心！就算係佢個女既野，都 ...
私人傳訊

qqsasa 該用戶已被刪除

18#
發表於 11-2-9 12:19 |只看該作者
提示: 作者被禁止或刪除 內容自動屏蔽
私人傳訊

lovelykitty


珍珠宮

積分: 42987


19#
發表於 11-2-9 12:23 |只看該作者
睇到大半...已經唔想睇....

咁覆雜既關係...係您自己揀既!
您男友要返工..冇人帶個小朋友..
即係經濟上都好極有限啦..!

您自己都係一個單親媽媽帶住個小朋友..
又欠財仔錢...仲會同呢個男友有bb...
有冇諗過自己可唔可以負擔到呀???

bb唔止係一條生命..
唔係您生左佢落黎就係您好偉大保住佢條命呀!

如果我係您原先肚入面既bb..
我都會情願您唔要我..
冇人想一出世就捱苦.!
自己都未理得掂...唔係有子宮就等如您可以生bb咖!
私人傳訊

buyer2008


洋房

積分: 71


20#
發表於 11-2-9 12:30 |只看該作者
原帖由 cotychan 於 11-2-8 18:46 發表
你有無諗過,你只係同佢拍拖.又無必要而家同佢生仔呢?只係相處一年,你對你BF了解嗎?我都明白而家啲人拍拖,幾本上都有會SEX.但點解你唔避孕?你BF生活條件你都應該會知,佢養唔養得起你同埋你再生多個B呢?你自己又欠債, ...

「「你亦都會覺得點解佢話養唔起2個小朋友都想要番個女,咁你呢?養唔養得起個女?你當初同你老公分開,有無諗過唔要個女?點解要個女跟住你自己呢?我覺得人有自私既心,亦都應該有包容既心,你帶住個女佢都唔介意,點解你要介意佢又帶住自己個女呢?」」......
我答案在上2篇...我個女就係由我自己搞掂，我養到，1.）我有返工2.）我娘家有人同我湊我個女3.）我做文職時間好，有時間返去教個女同陪個女！我同我之前男友分開都從來冇諗過唔要我個女！我要我個女跟我係因為...1.）我認為女跟MAMI好D，個女想要咩想點都易講D2.）我個女既親生爸爸係我同佢分開果陣都冇工作，連自己都冇得食，個女跟佢實死3.）我個女既親生爸爸有時間只會去打機陪朋友飲酒！
我亦都有包容既心...BEFORE我做到咁（同我個女一視同人）對佢個女，我對得住天地良心！對得住自己！對得住佢！我冇對佢個女偏心！佢個女病我捱夜湊！講到尾事實上果個係佢親生又唔係我親生，就算係都好應該由佢去做番！我係女朋友就可以將佢個女既責住全推上我身上呀？咁講法...係爭在未要我出埋錢養佢個女咋WOR～！
私人傳訊


首頁
12345...8

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy