吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 有冇唔主張push bb學野既媽媽入黎傾下計? ...

在職全職今日: 15|主題: 48036

收藏本版

發帖

返回列表

跳至頁

查看: 6196 | 回覆: 81

[全職媽媽] 有冇唔主張push bb學野既媽媽入黎傾下計?

[複製鏈接]

12 3 4 5

babyhoi

珍珠宮

積分: 33607

大廚勳章陪月勳章

1^#

發表於 11-4-8 13:14 |只看該作者 |倒序瀏覽 |打印

本帖最後由 babyhoi 於 11-4-15 14:07 編輯

大家好~我本身係讀幼兒教育亦都係做呢行~
而家係ftm~
黎左bk唔係好耐，
都係想識下啲媽媽傾下湊仔經，
但發現好多媽媽0係bb幾個月已經push佢地做好多野，
又報好多中文英文法文意大利文西班牙文playgroup比bb上，
又搜羅好多幼稚園面試玩具train定bb第時interview，每次聚會三句唔埋兩句就互相比較學左啲咩報左啲咩興趣班.....
睇到我覺得家下做bb真係唔容易，做家長就更加大壓力....

我自己一向主張小朋友從生活中學習，
與其買一堆字咭比佢學apple banana，
不如多啲帶佢去超市睇下摸下真生果;
與其比咁多錢上playgroup，
不如約下其他小朋友一齊去樓下公園玩，
效果其實仲好~

我都interview過同教過好多小朋友同家長，
現實係好多越緊張越push既家長，
佢個小朋友唔係最叻，
更可能係偏差既，
做事冇信心、霸道、冇自理能力....
佢地可能係會比其他人早啲識abc，
但一生人咁長，
用玩樂同親身學習既機會黎換取早人地小小識abc真係值得嗎?
0係學校入面其實最能impress老師既小朋友唔係識得數1-10果個，
而係識自己著鞋果個~

媽媽們會話，
咁係啲幼稚園要考呢啲我先push我小朋友學0者，
如果唔係唔收佢呀!
當然啦....但都唔駛bb三個月大就日日轟炸佢掛....
同埋學野可以有好多方法，仲係好平唔駛錢既方法，
好似每日用15分鐘同佢睇英文書，
好過日日夜夜咁播迪迪尼英語世界~

我都明白呢個世界係有求先有供，
望子成龍個個家長都係，
當然各有各方法，
我只係發表下愚見，不喜勿插~
希望可以認識下有相同育兒取向既家長~

見到咁多志同道合既媽媽真係好安慰!!

要keep住自己既育兒理念真係唔易，
不時聽到見到身邊既家長幫bb做好多野，
都會動搖驚自己做得唔夠，
成日要提醒自己要相信點樣先係對bb最好既~

大家有冇興趣認識下，
我地可以group埋啲小朋友一齊自己玩~
share下自己點樣教~
慳返唔駛參加playgroup~

各位媽媽~我0係facebook開左個群組，
「輕鬆學習，快樂成長BB Club」

http://www.facebook.com/home.php?sk=group_187185724660371

大家可以join入去傾聚會時間地點~
同埋冇d咩情報可以分享嘛~~

0 2 0

私人傳訊

valentinored

男爵府

積分: 5263

2^#

發表於 11-4-8 14:17 |只看該作者

嘻嘻....我都唔太主張push bb學太多野, 我成日覺得.....由3歲到21歲都會讀書, 如果讀埋phd, 25歲都未畢業, 所以3歲之前我會俾bb任玩, 學習唔急於一時三刻!

迪迪尼英語其實係俾在職媽媽既bb, 因為菲傭 / 老人家唔曉同bb玩, 所以靠迪廸尼教唱歌跳舞, 我地ftm, 可時刻教 / 陪bb唱歌跳舞, 根本唔使買啦! 我bb 12 weeks 大, 我日日同佢up三up四, 我一唱 "有隻雀仔跌落水", 佢就笑, 腳un un, 不知幾開心...哈哈

但我有報playgroup, 打算一歲上堂, 唔expect佢學知識, 只想佢多些接觸小朋友....

你小朋友幾大?

私人傳訊

babyhoi

珍珠宮

積分: 33607

大廚勳章陪月勳章

3^#

發表於 11-4-8 14:23 |只看該作者

我bb六個月咋嘛~
我都係成日0係屋企唱歌比bb聽，兒歌時代曲乜都up一餐~haha
我都會參加playgroup，不過都係一歲以後~
同你一樣都係純粹想佢見多d人~

私人傳訊

jenniecatcat

水晶宮

積分: 56409

4^#

發表於 11-4-8 14:43 |只看該作者

佢地可能係會比其他人早啲識abc，
但一生人咁長，
用玩樂同親身學習既機會黎換取早人地小小識abc真係值得嗎?
0係學校入面其實最能impress老師既小朋友唔係識得數1-10果個，
而係識自己著鞋果個~

喂好啱聽!! 我B 1 歲既時候都疑惑洗唔洗上playgroup 架, 但有一次同亞B係家玩, 我買左set 釣魚, 好細粒嗰隻, 佢同左幾耐既時間先放到一粒魚入個洞到, 咁我就想, 上playgroup D 先生邊會咁好心機慢慢等你個B 整呀! 所以我就決定自己同佢多D出街好過, 教佢自理同品德係我E+ 首要做既priority. 所以我B E+ 仲未識數哂1-10 ..

不過佢識著鞋, 除鞋同自己收埋對鞋入鞋櫃.

我的最愛: 老公, 仔仔, 同來緊既女女, 老豆

私人傳訊

yeemao

複式洋房

積分: 452

5^#

發表於 11-4-8 14:51 |只看該作者

樓主你好, 非常同意! 我個b 都係6 個月大呀, 平日都係同佢唱歌, 玩"飛", un o下un o下咁囉, 而家佢識坐, 就比佢o係playpen 玩公仔同埋膠圈, 我見佢好enjoy 喎 .
6 個月其實仲有d 咩可以同佢玩呢, 有時我自己都覺得冇咩好玩, 阿b 會唔會悶o既呢? haha!

私人傳訊

sonnycheung

別墅

積分: 656

陪月勳章

6^#

發表於 11-4-8 15:06 |只看該作者

十分同意樓主的觀點！！！

私人傳訊

Joshua_BB

侯爵府

積分: 22414

7^#

發表於 11-4-8 15:12 |只看該作者

我諗我都唔算係好push小朋友學野嘅媽咪, 我兩個小朋友都無返playgroup, 到足兩歲就去讀nursery. 大仔3歲時都有俾佢上D興趣班, 但真係覺成效唔大, 可能都係細. 到細女宜家3歲幾, 我都未俾佢去上外面D興趣班, 諗住到4歲會俾佢試下玩piano 或violin, 同埋去學下phonics, 睇下佢鍾意D乜. 其實阿仔宜家快7歲, 都無push佢去學好多野, 佢學左violin 兩年幾話鍾意學, 所以有keep住俾佢學, 唯一我想push阿仔去學putonghua, 因為自己都半桶水, 幫唔到佢.

私人傳訊

ChristieMing

侯爵府

積分: 20768

好媽媽勳章畀面勳章

8^#

發表於 11-4-8 15:42 |只看該作者

嘩...終於搵到知音人.....因為覺得身邊冇人明白自己咁....

我都係唔主張迫小朋友去學野o既人, 個個人都話要"嬴在起跑線", 我就剛剛相反, 我想個仔大個o左之後, 才得到人認同, 我常常覺得, 咁細個咁叻咁又點, 唔識自理, 唔識同人相處, 到第時大個, 唔識o係社會生存, 咪仲弊, 又何必令個小朋友冇o左個快樂童年呢??

身邊有小朋友o既朋友們, 大部份(係絕大部份)都係會要求小朋友上唔同o既課程, 參加唔同o既比賽, 同佢學生字、串字等等, 除o左返學瞓覺, 基乎用o左2/3時間做呢o的野, 而我就剛好調轉, 我個仔用o左呢2/3時間o黎玩。

話說回來, 我大仔出世時, 我都係好似呢一班朋友咁, 買好多唔同o既教材去教個仔, 我個仔係好叻呀~ 未夠2歲, 就識背、認晒a-z, 數數量, 認字/認圖, 記性勁好....但咁又點?? 之後睇多o左育兒書(尤其係以聖經為出發點去教父母如何教育子女o個o的, sorry, 因我本身係教徒, 並唔係想hardsell 基督教), 先發現自己錯晒.....冇野重要得過教佢道德觀。

私人傳訊

CherHO

大宅

積分: 2939

9^#

發表於 11-4-8 16:30 |只看該作者

我仔仔一歲!我暫時冇諗住比佢返pg!一歲前冇諗過教佢任何嘢,因為所有玩具佢都只會放入口,根本唔識玩!鬧佢會以為你同佢玩...

我都係ftm!其實喺屋企大把時間可以同佢玩!想兩歲先比佢讀幼兒園!其實呢個階段可以教佢乜嘢呢?我仲睇緊有啲乜嘢可以買嚟同佢一齊玩!唔知各位媽咪有乜提議呢?

私人傳訊

Doh

洋房

積分: 89

10^#

發表於 11-4-8 17:16 |只看該作者

我和老公相信學習係快樂的事....儘量吾想同周圍的小朋友比較....(不過面對現實, 內心未免有掙扎)......當其它同學在k2巳經學公文, kwxx Maths, 或其它什麼什麼的時候.. 我們依舊用自家的遊戲同女兒玩......其實在這些快樂的親子遊戲中.....帶出我們想要教的野...女兒5歲了.....她的數學不差.....喜歡看書....能認識及讀出多本的英文書....其實父母對子女的家庭教育絶不可少看......媽媽尤其重要........做父母, 我和老公仍在學習中, 希望女兒有一個快樂的童年....有一件事, 我仍未實行, 就係帶個女返教會.......希望今年可以事成啦.....如果有荔枝角的教友....希望可以認識你們......

我不是ftm, 所以更珍惜和女兒玩樂的時間.......

私人傳訊

olivia0815

男爵府

積分: 7124

11^#

發表於 11-4-8 17:25 |只看該作者

好高興見到o甘多媽媽唔贊成push小朋友學太多o野！

我個仔1－2.5時住係加拿大，homecare個姨姨會日日帶佢地去超市／pet shop／公園，18個月就要佢地自己食飯。
而家3歲返左黎香港讀nursery，老師都話我個仔自理能力比較高，而且無o甘怕羞。
其實只要小朋友覺得有趣，學咩都會學得好。最緊要父母有心機教，比機會佢地接觸唔同o既o野。
有時我覺得香港D父母太保護D小朋友，又可能怕麻煩，好多時候都唔帶D小朋友周圍去，寧願留比姐姐／祖父母睇。

童年應該係人生最快樂o既日子，希望做父母既唔好剝削左小朋友呢D美好o既回憶！

私人傳訊

janettsui

大宅

積分: 1361

12^#

發表於 11-4-8 18:01 |只看該作者

我認同唔好push小朋友學唔合符佢地年級既野, 不過我亦信"嬴在起跑線",
所以我會抽時間教囡囡一d考幼稚園要識既野, eg. ABC, 123, 串珠, 砌積木, 切水果,
佢有興趣就keep on, 冇興趣就收埋先. 遲d再拎出尼俾佢玩, 佢又可能會玩得好開心.
每日會俾佢睇碟睇字卡, 會講故事佢聽, 亦會帶佢去公園去圖書館去超市,
其實只要攞個平衡, 我個人覺得可以兩者兼得既.

私人傳訊

bosch

瑪瑙宮

積分: 128545

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

13^#

發表於 11-4-8 18:21 |只看該作者

我冇PUSH 個仔去學野, 冇咁既必要. 太早教晒d 野, 佢返學時覺得悶, 唔去聽, 咁仲大獲.

d 人要早教, 係想小朋友入到好既學校, 係可以理解既...始終香港都係個現實社會, 一入幼稚園就分晒等級, 唔止係學識分等級, 定父母有冇錢都等左等級先. 入學唔止係學野, 仲要為小朋友build up network, 一早幫小朋友揀定佢既朋友圈子. 唔早教, 根本入唔到去人地既圈子.... 同埋好多人覺得6歲前係小朋友學習既黃金時期, 所以個個都唔想蝕底, 有乜都質晒入小朋友個腦度.

正如早排有報導話, 香港既小朋友細個時係識野過外國既小朋友, 但大左果陣反而係外國既小朋友識野多, 我都覺得有呢個現象. 所以我唔係太急要個仔去學乜學物. 我冇乜機日日拎住本書指住黎教, 但我會響屋企, 超巿等地方俾小朋友睇真野咁去教, 響屋企都有拎住故仔書咁同小朋友講故事, 但一邊講,我一邊會問佢響邊度見過果d 野.

原本我都想教小朋友3種語言, 但我老公話唔好, 所以而家教中文同埋老公既母語. 諗番轉頭, 我一早學英文, 學左咁多年仲係到半桶水咁...我老公係中學時至學母語以外既語言, 但英文同德文已經係native level, 所以我覺得早教未必一定有用, 都要小朋友自己肯去keep 至得. 而家都係教兩種語言就算啦.

點評

karrle 太早教晒d 野, 佢返學時覺得悶, 唔去聽, 咁仲大獲—呢點絕對認同！發表於 11-4-10 06:48

私人傳訊

wan_sosin

珍珠宮

積分: 49876

14^#

發表於 11-4-9 00:28 |只看該作者

我支持!
我都無比我個仔學任何東西,N班都無讀,playgroup只去我Church的,未花過錢去出面playgroup.
報學校報我屋企樓下果間.
平時同佢睇下書,去下圖書館,唱下歌,最多時間落公園玩.
不過正如你所講,我個仔兩歲半後識著鞋,著長褲,識除衫,解衫扭,大粒的衫扭也差不多可以自己扣,自己去廁所VV.....
佢說話發音很清楚.
相對佢無像一些小朋友很快識A-Z.
但我亦覺得,呢D基本嘢,遲早都識,識早D唔代表將來讀書叻.
不過有些家長想子女入名學校我也理解,只是我沒有這個計劃,所以不用做咁多嘢!
我都贊成小朋友細個過得開心最重要.

私人傳訊

yankaka

子爵府

積分: 12620

15^#

發表於 11-4-9 12:32 |只看該作者

我唔係FTM, 所以都要靠迪迪尼呀Baby TV等輔助吓, 因為老人家揍, 佢教到GE有限, 所以我地就會好好利用睡前閱讀呢個時間! 囝囝而家3歲啦, 已經習慣咗瞓覺前睇書, 由以前睇吓ABC等等, 到而家佢會用佢GE創意講番個故事比我地聽! 我覺得呢個係習慣ge培養唔係谷佢吸收d咩!
我亦從來冇諗過同囝囝報甚麼Playgroup, 不如直接比佢讀N班, 至於學習方面, 老實說我們是根據甚麼月數應該有甚麼能力來做標準, 這樣應該不算push BB學嘢吧, 細D時幾個月就要去健康院做Test嘛, 就先問定其他家長會test甚麼, 就同BB練習, 因為唔PASS又要隔個月回去再Test, 對於FTM來說又要請假是很難做的, 所以我們的宗旨都是過到基本要求就好了!

私人傳訊

芝旦

洋房

積分: 356

16^#

發表於 11-4-10 02:00 |只看該作者

本帖最後由芝旦於 11-4-10 02:02 編輯

知音同路人:)
我女k2, 1直唔鐘意報乜班物班
就連我仔小學, 都唔去補習

點評

babyhoi 係啦，可以既自己教仲好~ 發表於 11-4-12 22:21

私人傳訊

karrle

大宅

積分: 2537

17^#

發表於 11-4-10 06:45 |只看該作者

olivia0815 發表於 11-4-8 17:25
好高興見到o甘多媽媽唔贊成push小朋友學太多o野！

我個仔1－2.5時住係加拿大，homecare個姨姨會日日帶佢地 ...

絕對認同！

私人傳訊

karrle

大宅

積分: 2537

18^#

發表於 11-4-10 06:58 |只看該作者

我個囡囡2歲7個月，1戲開始返英文playgroup，2歲返n班（隔日返），2歲半返國語playgroup。因為屋企只會說廣東話，想佢接觸多d！
但係，我發現好多家長帶小朋友上呢d外語playgroup時，會用母語在旁解說！咁又使乜上外語piaygroup姐！

點評

babyhoi 其實bb咁細個兩種語言已經好夠，如果唔係bb會語言混淆~真係冇必要比咁多錢上外語... 發表於 11-4-12 22:24

私人傳訊

joey_bao_bao

別墅

積分: 872

19^#

發表於 11-4-10 09:20 |只看該作者

我都覺playgroup成效不大, 多人個miss又分唔到身, 少人又同自己係屋企玩差唔多, 所以我都唔返playgroup啦, 但帶囡囡去公園, 唔知係咪自己太緊張,

見到其他小朋友比較頑皮(有d擺出打架的pose), 咁都有d乖乖, 我會想囡囡一齊玩, 我囡囡都3歲, 見到陌生小朋友較怕羞, 我都想識多d媽媽可以一齊傾下玩下

點評

babyhoi 好呀~不過我bb得6個月，同唔到你個姐姐玩...~ :p 發表於 11-4-12 22:26

私人傳訊

SEricsson

男爵府

積分: 6171

大廚勳章

20^#

發表於 11-4-10 12:58 |只看該作者

睇完你個post, 好開心, 因為甚少見到你呢種媽咪.

我覺得, D人成日講, 羸在起跑點, 但係我覺得, 最慘就係輸在尾站! 看看外國的學前教育通常在4歲開始, 愉快的童年, 才是要點. 香港人就覺得2-3個月大就要學天文地理, 將一大堆"知識"給BB就等於"羸在起跑點".. 看看現在的港童?連照顧自己都不懂, 將來如何照顧身邊的人呢?

小朋友細時, 最緊要教他們求生本能, 教他們品德禮儀. 呢D野, 大左再學就難了. 有時我都諗, 香港的家長用少少錢請來工人, 換來好似是舒服的生活, 但付的代價卻是沉重, 子女係一生一世, 時間錯過了再無法挽回!