烹飪搵食 今日: 11 | 主題: 139272

積分: 17463

1^#

發表於 11-5-6 23:33 |只看該作者 |倒序瀏覽 |打印

我見 d blog 教人整老麵種係放室溫發酵 2-3 個鐘左右.
但 ..... 我今日, 發發下出左街食飯, 到回家, 計埋已發左5個鐘.
呢舊老麵種會唔會發過龍, 有問題架? 仲要唔要得呢?
因為舊老麵種想係母親節用來整包包俾 99 食, 只許成功, 不可失敗的.
如果有問題就唔用 lor.

請指教.

0 0 0

私人傳訊

vicky_cheun

禁止訪問

積分: 13094

大廚勳章畀面勳章

2^#

發表於 11-5-6 23:46 |只看該作者

提示: 作者被禁止或刪除內容自動屏蔽

私人傳訊

積分: 50566

3^#

發表於 11-5-7 00:09 |只看該作者

試吓減少主麵團酵母量 ~

我估架咋 ~

私人傳訊

積分: 17463

4^#

發表於 11-5-7 00:09 |只看該作者

本帖最後由 Chamo 於 11-5-7 01:45 編輯

好野, 仲用得.
vicky_cheun & tammy 2008, 唔該哂你呀!

點評

tammy2008 做咩無端端突然加埋我個名呀....可惜...太遲啦...我見到之前係點... :D . 發表於 11-5-7 02:02

私人傳訊

積分: 17463

5^#

發表於 11-5-7 01:47 |只看該作者

本帖最後由 Chamo 於 11-5-7 01:50 編輯

點評

Lower_Primary 发得好西利發表於 11-5-9 08:11

dincat 個樣都幾恐怖, 有d似異形口水發表於 11-5-7 12:04

私人傳訊

積分: 17463

6^#

發表於 11-5-7 01:51 |只看該作者

我舊老麵種發酵左5個鐘, 開保鮮紙時好黏, 個樣有 d 恐怖, 你地係咪咁既樣架?

私人傳訊

積分: 50566

7^#

發表於 11-5-7 02:00 |只看該作者

有冇酸味呀...

有的話記住減少主麵團酵母用量...

點評

Chamo Thanks.
睇相會唔會睇出舊野有無問題/過度發酵? 頭先聞好似無呀.
真係好懷疑唔知今次會唔會又失敗. 發表於 11-5-7 02:07

私人傳訊

積分: 50566

8^#

發表於 11-5-7 02:12 |只看該作者

本帖最後由 tammy2008 於 11-5-7 02:13 編輯

無酸味發過咗少少唔緊要架...

妳用少少之馬 ~

聽日主麵團睇緊D, 就得架喇 ~

唔好担心, 越担心越易整得唔好 ~

又失敗 ? 失過架啦 ?

私人傳訊

積分: 17463

9^#

發表於 11-5-7 02:22 |只看該作者

第一次整老麵種咋.
係失敗在於未整過一個包我覺得好食 lor.
我玩麵包機/掉麵包多於食落肚, 好折墮.

私人傳訊

積分: 50566

10^#

發表於 11-5-7 09:44 |只看該作者

本帖最後由 tammy2008 於 11-5-7 10:39 編輯

Chamo 發表於 11-5-7 02:22
第一次整老麵種咋.
係失敗在於未整過一個包我覺得好食 lor.
我玩麵包機/掉麵包多於食落肚, 好折墮. ...

見妳玩過湯種咁架啦喎...

妳...唔洗攪咁多野架...

唔係真係加咗咩種咩種..d包就變到好神奇.....唔係咁架....

妳試吓.....除牛油之外, 其他材料全部入機打

打咗3分鐘左右, 個團要成咗型, test 吓個乾濕度
(乾就加少少水, 濕就加咩呀 ? 妳應該知啦 )

滿意的話, 先加溶咗的牛油入去..
加咗唔好走咗去喎..因為太滑, 個麵團會空轉架..
作為一個有責任心的機主,
妳要用小工具扶助下個麵團, 等佢可以打均d牛油
(用木匙 / 木筷子....總知唔會刮花易潔模的工具)

打勻咗, 麵團唔會再空轉
妳就可以走開....

係最後發酵的時候
我知道妳會攞起塊攪刀
妳順便攞舊麵團出來
放係一個抹咗油 / 散咗乾粉的枱面
用少少力, 壓平個麵團, 壓到到一大塊又長又闊...
也要順便壓走大氣泡
之後開始卷番佢, 好似卷豬腸粉咁...一路卷一路壓下d氣泡
卷好就放番入模, 長得濟就整個s 字放入模, 壓平佢貼底

之後就由得佢最後發酵, 如果佢未發到2.5倍, 卻就快要開始焗
妳唔好俾佢開始, 咁焗出來唔夠鬆軟架
作為一個有承擔的機主,
妳按 "暫停" , 直至等到佢發到2.5倍左右
妳先再俾佢開始焗 !!

焗完之後嗰d野....妳識晒架喇...

我知妳用 kenwood, 同我唔同...
但係只要妳可以做足上面 3個附加程序...

做足咗...隨便切開一塊d包包會變成咁

妳想唔想 ?!

信我, 包包一定比之前提升30-40%

加咩種 / 咩種....只係可以提升10-15%架咋.. (如果成功的話 )

如果妳今次成功....再討論吓佢個薄膜啦....今日咁趕, 做唔到咁多野 .....

機係死既, 人係生既... 唔好怕佢呀~

點評

6191094 Thank you ! 妳解釋晒我之前既唔明既野 & 之後要點做. 發表於 11-5-9 00:42

duckykong 我都學到嘢，等部機到咗就可以實踐。謝謝發表於 11-5-8 23:08

pat510 妳真係好有心,咁好心機打篇字出來...我又學到野..THX^^ 發表於 11-5-7 10:05

私人傳訊

積分: 17463

11^#

發表於 11-5-7 10:07 |只看該作者

開心死我啦.

訓醒教, 一開機, 有咁大篇野教路.

Thanks a lot.

仲有, 你好犀利呀! 咩都俾你發現!
1) 後加多謝 tammy 2008, 因為我多謝 Vicky_cheun 時, 仲未見你個 post, 後尾睇番個 post, 先見你個 reply.
2) '我知道妳會攞起塊攪刀'

點評

tammy2008 算妳啦...不枉我咁對妳....我都係俾妳對99的心意感動先咁好聲氣咋...唔好浪費我心意呀.... 發表於 11-5-7 10:31

私人傳訊

Sania

子爵府

積分: 10131

12^#

發表於 11-5-7 10:16 |只看該作者

最緊要個老麵唔好有酸味, 再唔係整個湯種頂住先. 成功率都好高.

還有個小貼士, 捲時盡量多摺幾層, 出來效果就會起絲. 你對99 咁好. 佢會收到你心意.

私人傳訊

vicky_cheun

禁止訪問

積分: 13094

大廚勳章畀面勳章

13^#

發表於 11-5-7 15:35 |只看該作者

提示: 作者被禁止或刪除內容自動屏蔽

私人傳訊

積分: 17463

14^#

發表於 11-5-7 21:24 |只看該作者

多謝大家既指導呀.
真係好感激!
我今日跟左 Carol 食譜: 蜂蜜南瓜吐司, 另加左35g 老麵種: http://tw.myblog.yahoo.com/carol-jay/article?mid=67015

不過, 整完試食, 質地有點膠膠地咁. 味道唔係好食到南瓜味囉. 只係聞到蜂蜜味, 甜味又唔係好食到. 不過, 好彩我覺得賣相都 ok 既, 都可以俾人, 叫人做白老鼠.

明日母親節呢, 會見到多 d 白老鼠, 我等陣要玩多一次柚子茶包包.

私人傳訊

積分: 50566

15^#

發表於 11-5-8 12:22 |只看該作者

本帖最後由 tammy2008 於 11-5-8 12:23 編輯

Chamo 發表於 11-5-7 21:24
多謝大家既指導呀.
真係好感激!
我今日跟左 Carol 食譜: 蜂蜜南瓜吐司, 另加左35g 老麵種: http://tw.myblo ...

係咪用光波爐焗架...個底無色既.....

d南瓜味好易俾麵包味掩蓋架....

用埋d 咁痴既材料....實膠啦......

柚子會好好多 ~

一機包焗到3個....咁咪好迷你囉...

送俾人就 "大睇" d 嘛.....

私人傳訊

積分: 17463

16^#

發表於 11-5-8 15:44 |只看該作者

啊. 你好犀利呀, 一睇就知係光波爐之類物體焗成既包.
我係用熱波爐, 仲要係得7吋既細 size.

我個真正焗爐買左三年, 只係用過一次咋. 依家去左雪櫃頂, 但位置唔夠通風, 要用就要搬來搬去. 真係要諗諗計放去邊到好.

原來膠膠地正常架. 我今日買左牛奶蕉. 咁整完又係會膠膠地?

我昨晚再整柚子蜜包, 跟哂你方法, 個質地真係好好, 質地細密好多, 食到鬆完, 多謝哂你既精而簡教路.

好食就值頭係麵包機焗大個包包. 始終都唔係好食, 唔想送大舊包俾人難為人地 ma. 下午見自己屋企人, 送出左柚子包啦. 我都有同白老鼠講唔好食就掉左佢啦. 今晚南瓜包俾 99.

我既唔好食, 係在於食完麵包, 個口有 d 酸, 有 d 苦既感覺. 食時唔覺, 係食完個口有酸有苦咁. 不過我自己平時訓醒覺都口酸/ 口苦. 不過我又覺得好似係麵包問題多 d.

私人傳訊

積分: 50566

17^#

發表於 11-5-8 18:01 |只看該作者

Chamo 發表於 11-5-8 15:44
啊. 你好犀利呀, 一睇就知係光波爐之類物體焗成既包.
我係用熱波爐, 仲要係得7吋既細 size.

"係食完個口有酸有苦咁" ....好詭異....唔知係咩問題....係咪妳d牙菌作怪咋....

定係太多酵母.....

牛奶蕉. ?? 算把啦.....邊個會用牛奶蕉整包架....
邊度會有人咁整....妳講俾我聽...我去 "見識 " 下 .....

南瓜包膠膠地唔係正常架...
唉....點講呢....
應該因應水份調整一下麵粉量, 水份量...做出鬆軟柔軟的麵包...

不過....妳自己同人客覺得好食就ok 啦~

每個人口味不同啊.....或許吃的感受會有不同 ~

南瓜....首先唔同品種, 香味 / 口味都不同....

蕉...唔同牌子, 品種, 成熟程度都會有唔同風味....

私人傳訊

積分: 50566

18^#

發表於 11-5-8 18:08 |只看該作者

本帖最後由 tammy2008 於 11-5-8 18:08 編輯

"我都有同白老鼠講唔好食就掉左佢啦"

聽到呢d說話...妳叫人地食好...定係掉好呢.....

整嗰個都好似預咗要掉咁...收嗰個會點諗....

不如轉少少罷:
"第一次整, 整得唔好食的話, 唔好見怪....真係太難食就唔好食..下次再整好d請過你地食....."

私人傳訊

積分: 17463

19^#

發表於 11-5-8 23:27 |只看該作者

我胃酸倒流, 時時都口酸. 唔係好食到味咁. 鐘意食濃味, 咪買肥蕉. 原來我攪錯蕉名了, 剛問過 C6, 佢話我既蕉係大蕉, 唔係牛奶蕉.

99餐餐飯都食南瓜, 我咪整南瓜包. 我都係第一次買南瓜咋.

或煮我都係比心機整白方包先啦. 攪清楚點為之整得好既麵團先好攪其他野. 大蕉都係就咁食左佢算吧.

我呢, 真係唔識講野 lor

. 無朋友. 係你最好啦

, 咁大篇字教我整包. 依家教埋我對人接物. 我諗住對屋企人都唔使客氣啊

.

仲有世上只有媽媽好

(我叫親老公試食佢就好似要受刑咁

) ! 其實我都真係覺得 d 包唔好食, 唔想食! 今日下午 meet 包俾自己 mami 食, 佢就話幾好食丫. 我話食完個口酸酸地, 佢又答我街到既麵包都會. 平日同99 都無幾句, 今晚俾南瓜包 99, 未食佢都好開心. 大家有個話題講多幾句關於整包.

私人傳訊