面對公開談性如同犯禁的社會，縱使他們自言「性」只是其中的小部份，有更多論點要討論，但上周二晚首次活動即以「直視大學生性慾，奪回宿舍性空間」為口號，在中大聯合書院湯若望宿舍對開空地紮營通宵討論，難免引來有人以道德之名參腳， Andy說：「好多人都係站在偽道德高地，一講性就以道德之名話唔需要討論」。
劉璧嘉形容「性」是大家心中最大的鬼，「我們就先打鬼」。一如所料，行動引起的迴響離不開性，有人更將行動與爭取在宿舍合法進行性行為畫上等號，「被攻擊不是問題，鬧都好，起碼引起更多人關注，但最終要有理性討論，偏偏有人要將同宿、性行為、不用安全套、懷孕和墮胎連線」。
眼見討論「性」的焦點被無限放大，劉璧嘉不禁嘆道：「好似看不到其他論點，我們不是沒有提，之後都不想再集中講『性』」。
以性先行， Andy認為宿規早有潛台詞，「不容許男女同宿，背後已是假設男女同宿會發生性行為，係規則先強調了性」。
他曾經以同性戀身份撰文，諷刺宿舍只容許同性同房，有如為同性戀者進行性行為，提供了方便，異性戀者卻享受不到同等「優待」，「男女通宵共處可以是做功課、看電影，甚至討論國家大事，但似乎這些都被禁」。
他們形容現時宿規獨裁，在諮詢會提出意見，往往不獲跟進，所以今次「瞓街」抗議。即將畢業的他們不期望「任內」爭取成功，只希望廣播種子，由下一代繼續爭取。
網民：「入得去宿舍，你就預咗要守規矩，唔鍾意守咪搬出去住囉。」
發起人：「住宿舍係接受課堂以外嘅『非形式』教育，唔應該因為性別差異，令宿生冇得享受非形式教育。搬出去住只係『斬腳趾避沙蟲』。」
網民：「宿舍搞混宿，大學生九成日日『搞嘢』，男女關係大兜亂影衰中大。」
發起人：「活動同『搞嘢』無關，而係完善宿舍規則，做到『性別友善』。」
網民：「容許異性同房，會令隔籬房甚至同一層其他宿生好唔方便。」
發起人：「只准同性人同宿，其實令性少眾人士受規則壓迫，迫佢哋置身唔習慣嘅住宿環境。」
網民：「容許異性屈蛇，甚至同房住宿，即係用公帑方便佢哋搞嘢！」
發起人：「係佢哋自己鑽咗落去性嗰度，希望佢哋理性啲，全面啲睇件事。而且，性唔污穢。」 
你, 呢d先係人講既說話! 
發表於 
發表於 
...間直就係笑話. 哦!! 原來讀大學就係為咗要男女混宿.... 不知所謂.
返回列表
