zoechan2005 發表於 11-5-20 22:57 
回覆 catcatcho 的帖子
最終睇咗私家,醫生只係俾一日,佢好唔開心,會再去睇普通醫生搏吓多幾日!
我都係教書o既, 舊年我bb走時已經五個月, 所有同事都知我大肚, 有d學生都知(雖然我冇承認), 當時我都唔知點面對, 甚至曾經諗過請假到暑假, 然後放完暑假先返學, 或者索性休學一年.
我o個時五月中出事, 最後放左一個月假, 六月中復工, 剛剛開始考試. 老實講, 未返工前真係好驚, 唔知點面對其他人, 又怕d細路唔生性, 亂講野會刺激到我.
但係好彩現實比我想像中好好多, 我請假冇耐就已經請老闆同同事交代, 請佢地唔好打電話黎問候我, 因為我真係唔想講咁多, 到我返工時, 同事都冇多咀, 只係拍拍我膊頭, 同我講"加油!", 冇問其他野. 而有d學生都收到風, 佢地都冇出聲, 仲比平時乖左, 有個細少少的學生(十歲左右)問我係唔係有左bb, 我反問佢似唔似丫, 佢好攪笑地話"又唔似喎, 個肚都唔大", 然後佢就合埋眼祈禱話"希望老師的bb肥肥白白, 健健康康", 當時真係好感觸架, o個刻我的bb已經走左喇, 不過都多謝佢為我代禱. 到放學時見到個家長, 佢望吓我個肚, 跟住話"冇事喇, 好好休息喇".
其實大家都識做架, 所以唔好諗得太灰, 返工反而可以分散吓注意力, 不過開頭真係有d力不從心架, 改一陣卷就已經好攰, 而且心情有時真係好差, 仲有時會失眠, 所以間中都有請病假, 捱到放暑假就ok喇. 叫你朋友放暑假時去吓旅行喇, 行開吓散吓心, 會好d架.
只要捱得過呢關就得架喇, 為佢加油!
在我們的各種患難中, 祂安慰我們, 使我們能夠用祂所賜給我們的安慰去安慰遭遇各種患難的人。(哥林多後書 1章4節)
發表於 
返回列表
