婆媳關係 今日: 2|主題: 27760

99 你放條生路比我行好嗎?

本來我請開工人, C6於是叫佢亞媽間中來我家看一看…(惡夢開始…99變得慣左上我屋企)

近來, 我因公司run off, 於是決定做一陣全職媽媽, 放棄個工人, 再作打算, 但我99每日依舊天天到訪, 同我一齊接我個仔放學, 日日坐在我家起碼45mins. 每個星期三重要煲湯來家屋企 (於是2:30pm就到,坐足2 個鐘頭以上), 除了鞋雙腳放上sofa, 開大個電視, 望實個財經走勢. 間中, 佢又同我講下人地或親友的八掛事. (但我極不喜愛說或聽人地的閒話, 而且我想看下書, 佢都左住晒, 你地知普通人的客廳又多大啦?!)

我實在開始頂佢唔順, 佢又唔係我亞媽, 我唔駛&唔想日日見住你呀!!!!!!!!

我自己媽媽早死, 爸爸也80歲了, 我都無話日日見住他, 佢一樣0甘開心, 有心就得啦, 佢一樣0甘錫個孫.

我每天清潔好個屋企, 你一個唔該就放隻臭腳在我的sofa上, 好唔衛生.

我好直接0甘同 99 講: “你唔駛常常上來啦, 你個孫都大, 唔駛0甘緊張日日來… 之後我個C6再同佢阿媽講多次 - 都係叫佢唔駛日日來” 點知換來的係99黑面, 用我個仔來單打我 :

例如: 食飯時, 我個小朋友叫 : 大家食飯! 99即時回佢一句 : 無禮貌, 叫人食飯要逐個叫, 邊個教你0架! (即是話的路識教仔啦! 佢都痴線, 佢個女, 即是我個仔個姑姐同佢老公, 又係一句: 食飯, 之後就食飯, 夠無逐個叫人食飯啦, 起碼我聽唔到佢地叫我 : 阿嫂食飯!!!!!!)

近一個星期, 我地再重新請佢唔駛上來, 到星期六, 我地去99屋企食晚飯, 佢又同我個仔講 : “做咩望住我, 無見0甘耐, 唔認得呀?” (99, 你又病發呀! 一個星期見一次都唔夠??? 我個仔叫你, 就更要望住人0架啦, 唔望住你, 你又話佢無禮貌; 再者, 你個孫都有公公, 佢地都係一個星期先見一次, 點解要見你特別多呢! ) 好地地同你個仔, 個孫一齊返來食飯, 99你硬係要攪到不歡而散; 你是不是有病呢!?

一得閒就 call 我C6, 話佢想上來探個孫, (99 我個老公返工要做野! 唔好整日煩住佢啦!) 人地D 公公, 婆婆, 爺爺, 女麻 女麻 都唔駛成日都要見住個孫0架? 我地每一個星期六都會見62, 99一次. 其實, 我個仔d 功課都開始忙, 99重要等佢放學來煩住佢, 你放過我地啦… 你有時間就同 62去下街, 同你自己的朋友飲下茶吹下水啦, 唔好見我好似好得閒, 成日走去我屋企, 煩住我地啦, 我求求你, 放過我, 比番個私人時間及空間比我同我個仔啦. 公德無量呀!

其實, 除了我煩, 我個C6都好慘, 工作已好辛苦, 99你點極都唔明, 成日煩住佢, 話佢老婆好惡 (即係我), 你係咪好想破壞你個仔個家呀!
99你自己學習一下點樣去消磨時間啦, 唔駛成日都要痴住人地先找到快樂! 叫你學下電腦, 你又無興趣, 叫你做下義工, 你又當人唱歌, 叫你去下社區中心, 你又話你唔鍾意; 但你又有無想下你現在煩到人地個家, 人地都唔鍾意呢? 我地都唔算唔理你同62呀, 但你都唔知足. (唔好話我心直口快, 如果你都覺得我地有問題, 不如大家以後唔好見啦, 費時大家辛苦!)

我昨晚也同C6研究過, 唔知駛唔駛找個社工傾傾, 因為我唔知我這個家庭問題如何解決. 同埋點可以醫好99呢個病…但C6話比佢想一想先… (即係我想解決, 但無人理我)