馬鞍山警署去年接獲官坑村共 1,100多宗報警求助個案，其中約 300宗是由村霸家族打出，大部份與阻路有關。有村民說：「警察嚟到話分唔到係官地定私家路，惟有通知地政署，地政署嚟到又搞成大半日，最後警察都係冇執法就收隊。」村霸亦被指愛玩法律，只要發現「對家」有僭建物，便不斷向當局投訴。有村民更爆料指藝人梁詠琪媽媽亦曾住在該村一個複式單位，「佢用 560萬買入，原本整咗個好靚嘅圍欄同花園，後來被迫拆咗，最終以 400萬蝕讓離場。」
村霸又在寓所及已「歸順」村民的村屋，裝置共 8部閉路電視，全天候監視其「管轄範圍」。與其「敵對」村民為求自保，亦加裝閉路電視，形成雙方對峙局面。紛爭不斷之下，村內不少租客遷入不久就搬走，有新業主買屋後因鋪水管被阻，交吉半年仍無法入住。
據村民指出，村霸一家於 04年曾以「超筍價」 77萬元買來一個 700呎村屋地下「銀主盤」， 05年以 126萬元轉讓給新業主羅太，大賺 49萬元。由於羅太的銀主盤契約中欠缺一份宣誓紙，要等五年限期才正式成交。羅太其後即被村霸針對，她相信有人想逼她撻定，「今年十月才到期成交，我撻定佢就可以再轉賣，家樓價升咗咁多，起碼過 300萬。」
另外有 3戶與村霸不和的村民，均異口同聲指出，村霸曾向他們「問價」買屋，「佢話既然都丟空咗咁耐，又賣唔出，不如一百萬（全幢）賣畀我啦！」連羅太在內， 4名被問價的村民均堅拒就範，寧願繼續「長期抗爭」。有村民稱，早前曾致電銀行欲為單位做按揭卻被拒絕，職員解釋有地產商欲在短期內收購官坑村地段，村民因而聯想到滋擾背後，或與收地利益有關。
馬鐵落成後帶動西沙路樓價飆升，官坑與泥涌及西澳深受歡迎。陽光物業經理鍾先生說：「區內無咩盤睇到海景，但官坑前排三樓就睇到，所以叫價較高！」 6月初該村一個 700呎連天台成交價有 325萬元。 
發表於 
返回列表
