没有你的第一日
帶住你返到屋企喇，好似平常甘放低你個袋，再放你出黎，不過今次唔再係温暖柔軟嘅身軀。
環顧四周，一種空洞嘅感覺油然而生，每個角落都曾經有你嘅存在，但係今日或以後，只係得番你用過嘅水機，軟墊，床仔，尿片。
最後决定將你放在書枱枱頭，每當我用電腦時，都可以見到你，你又可以睇到我。眼淚止唔住甘流，瞓唔到，亦都唔想瞓住，不過都帶埋你入房瞓咗陣。
唔理係真定假，間唔中都會聽到你飲水嘅聲音，又或者你行緊嘅的的聲，唔多，但已足够。
到夜晚打緊字時，我知嗰隻飛蟻係你黎架，你先係床仔坐咗陣，跟住去咗燈到，我一同你講完野就唔見咗你喇，係未又出去玩呢？玩得開心啲哦。
食咗粒安眠药，抱咗你去房張床，幫你蓋埋毯，晚安毛毛，有個好眠，發個好夢。而我就喺淚中睡去。
早上7點多時醒過片刻，朦朧間就好似望見你瞓咗係你平常張床甘，我含笑再睡。
9點多，同事要黎揾我工作上嘅事，要起身喇，亦意會到只得你個盅同張毯在你嘅床上，眼淚又開始無意識地流。
同事走咗我就入番書房，將屬於你嘅袋同出街帶放入衣柜。
冇耐之後，聽見飯枱處有聲响，拖鞋都冇著，走咗出去叫毛毛，毛毛，係未你呀？回答我嘅，原來係樓上搬野嘅聲，惆悵，停咗嘅淚再次湧出。
平常唔覺得間屋好大，但係而家覺得非常空礦，只因你唔係到。
相信我要再瞓喇，瞓咗就唔記得你已離開。
瞓得好差，半睡半醒，好混亂，醒咗個枕頭濕咗大片。好孤獨，好空虛，毛毛你一直係我心靈嘅支柱。
没有你的每一分每一秒，也是如此難過，如此漫長，我只能抱著你的衣服，憑吸取你的氣味去懷念你。
但我不會後悔。
To be or not to be, that's the question
發表於 
返回列表
