吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 生產過程？

懷孕前後今日: 3|主題: 330516

收藏本版

發帖

返回列表

跳至頁

查看: 5206 | 回覆: 141

生產過程？ [複製鏈接]

12 3 4 5...8

sugar602

別墅

積分: 658

1^#

發表於 11-8-11 16:05 |只看該作者 |倒序瀏覽 |打印

第一次做媽媽，好緊張、好期待！有冇媽媽可以分享下生產過程呀？

0 0 0

私人傳訊

小豺

大宅

積分: 1489

2^#

發表於 11-8-11 16:55 |只看該作者

引用：第一次做媽媽，好緊張、好期待！有冇媽媽可

原帖由 sugar602 於 11-08-11 發表
第一次做媽媽，好緊張、好期待！有冇媽媽可以分享下生產過程呀？

別人的經驗：

E生約左25/07/2011 8:00am 入院催生。

25/07/2011 早上05:00am 已經一早醒左訓唔著...

06:00am 叫醒老公，一齊去麥當當食早餐...

08:00am 到威記，入到產前病房，做左普通檢查(博心跳機，檢尿等)老公係出面椅等。

10:00am – 03:00pm 出出入入同老公談天。(入面d姑娘好好，都有同我地d mama談天) 問佢點解咁耐都無可以等產房催生，佢講講笑咁講，如果無人沖入急症室應該你一早等左去。

03:15pm 可以換衫等去產房。入到產房好緊張。老公係產房門口。D助產姑娘好好人，一早問我老公會唔會陪產。我話會，d助產姑娘便話：等你開到十度我便叫你先生入來陪你啦。

03:30pm 入到房，好恐怖。得一張床同d儀器。上床後帶心跳機同子宮收縮檢查機，部機會一路陪到你生完。之後助產士檢查開到幾多度。點知我只係開得一度。

04:30pm e生到幫我檢查，吊催生藥同穿羊水(個e生穿來穿去都穿唔到，點知要個助產士來穿)。

06:30pm – 12:10am 開始痛至中痛，用口鼻呼吸都可以忍到。助產士不停同我講用:笑氣啦。不過我話我ok啊!!因為我怕一用笑氣便無力生!!個助產士話:嘩…你都幾忍得痛喎!!

12:15am 開始大痛，我問我開到幾多度啊!!個助產士檢查佢話只係開到兩度!!心諗，咁痛都只係開到兩度。其間，我聽到老公要對講機問護士，我情況點!!心中都有點甜!!(不過其間聽到出面有幾個媽媽痛都大叫:唔生啦...救命啊!!好痛啊!!)
嘩!個心當堂好怕!!好彩...有個好靚好同後生架助產士不停同我講野同安慰我!!佢話:我不知幾想你大痛啊!!只要你大痛，咁架b便可以快d出來見你!!同解釋點解咁痛!!

12:30 am – 03:30am 好痛!!超級痛!!終於要用笑氣同口鼻呼吸!!五分鐘痛一次!!

04:15 am 助產士幫我檢查!!佢話我開到4-6度!!但我已經開始擦床!!典來典去!!佢話不如幫你打止痛針!!我話唔好!!佢問我係咪怕個小朋友有副作用!!我話係啊!!佢話而家幫你打無咩副作用!!但如果你再開大d便唔會同你打架啦!!咁我就打啦!!但打左又唔見有用喎!!咁我問佢點解打左都咁痛架!!佢話:笑氣係得兩成止痛!!支針係得六成止痛!!

04:30am – 05:15am 助產士話差不多你可以生架啦!!不過要再等開多d先!!但我已經痛到暈暈到!!只係其實我痛個時!!典來典去!!再比助產士係咁話快d聞氣啦!!
其間我暈暈地咁問:我可唔可以叫我老公陪我!! 助產士:咁好啦!!

05:15am – 05:30am 老公入到來!!見到佢便想鬧佢(不過無氣力!!鬧佢點解話順產好d，其實其間助產士都借過電話，都已經鬧過一次)不過其實佢入到來我都無理到佢!!只係好痛超級痛，好想呵好想呵咁!!不過諗返起都好勁，因為我無大叫!!

05:30am 開始生得!! 助產士可以試下生!!太好啦!!呵個時真係唔痛架!!只係想快d呵出來!!佢話一痛便呵，一痛便呵!!其間佢問你想唔想剪啊!!我當然唔想啦!!
佢話你唔剪要用多三至四個字生，剪架話呵多一兩次便生得!!咁老公話剪啦!!咁剪啦!!佢一剪!!嘩…連個助產士嚇親!!整到佢個身都係血!!剪時標出來!!但剪時真係唔痛!!

05:46am 終於出世啦!! 助產士仲同我地拍照!! 辛苦大家!!

之後老公出返去等，助產士便開始清理胎盤，其間嚇親!!仲以為要再開刀!!因為差d整唔到d胎衣出來!!不過最後都處理好!!

我已經累到咩到唔理!!連平時怕打針，其間佢打左我五針我都無反應!!兩針打來係令子宮收縮!!三針打會陰止痛，聯針!! 聯針都係一d都唔痛!!不過又係嚇親個助產士因為個傷口流血不止!!所以好快便一早聯針...唔洗等!!

之後便抱阿b上產後病房!!

點評

yurichoi 睇到我好感動~ 做一個媽咪真係好偉大~不過我好驚...應該會好痛發表於 11-8-12 19:27

Chilical 點解一直都係助橙士幫你?個e生去鬼左邊?! 發表於 11-8-12 17:18

miki_loveless 咁犀利o既!!咁痛d時間都記得咁清楚!! 發表於 11-8-12 14:00

meinatmn 我係KW生，生完咩針都無打過喎...... 發表於 11-8-11 22:33

KKcocoleung 你好詳細啊，我覺得生之前好痛，生果時無咁痛，見到啊B出世，感動都流眼發表於 11-8-11 21:39

私人傳訊

小豺

大宅

積分: 1489

3^#

發表於 11-8-11 16:57 |只看該作者

引用：Quote:原帖由+sugar602+於+11-08-11+發表第

原帖由小豺於 11-08-11 發表
別人的經驗：

E生約左25/07/2011 8:00am 入院催生。

一句，順產慘痛d

私人傳訊

Elau719

男爵府

積分: 8392

4^#

發表於 11-8-11 17:05 |只看該作者

回覆：生產過程？

好勇敢呀

私人傳訊

sugar602

別墅

積分: 658

5^#

發表於 11-8-11 17:15 |只看該作者

回覆：生產過程？

我好驚到時驚到喊，一喊就冇力架喇！我平時M痛都會暈！

私人傳訊

suetwababe

翡翠宮

積分: 77553

畀面勳章

6^#

發表於 11-8-11 17:17 |只看該作者

回覆：生產過程？

睇已經覺得好痛
不過我係開刀如果可以我都想順產

私人傳訊

CCJC

別墅

積分: 822

7^#

發表於 11-8-11 17:28 |只看該作者

回覆 suetwababe 的帖子

生的過程，都記得好清楚，真是服左你，
真是勇敢的mama

私人傳訊

sugar602

別墅

積分: 658

8^#

發表於 11-8-11 17:30 |只看該作者

回覆：suetwababe 的帖子

開刀唔係仲好咩，唔洗經歷十級痛！

私人傳訊

sugar602

別墅

積分: 658

9^#

發表於 11-8-11 17:31 |只看該作者

回覆：小豺的帖子

咁你幾時生呀？

私人傳訊

sugar602

別墅

積分: 658

10^#

發表於 11-8-11 17:32 |只看該作者

回覆：小豺的帖子

咁你幾時生呀？

私人傳訊

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

11^#

發表於 11-8-11 17:33 |只看該作者

上網下, 大把人有寫blog 或者響度分享經驗.

我既順產經驗係唔多痛, 算好彩啦.

但產檢就激氣多d.

私人傳訊

cherrieloy

水晶宮

積分: 64098

12^#

發表於 11-8-11 17:35 |只看該作者

等我簡單講講我o既經驗

第一日

上晝5點幾去廁所vv, 見紅, 大叫老公起身, 梳洗, 換衫, 落樓下食早餐, 搭的士入院

朝早入院到夜晚宮縮都唔係好勁, 但有keep住見紅

到食飯時間老公先可以入黎陪下我, 我仲識得同佢有講有笑

到左半夜, 宮縮開始越黎越勁, 姑娘幫我check只開左1度, 痛到我簡直瞓唔到, 成晚眼光光等天光....

第二日

早餐只食左碗麥皮, 已經痛到冇心機食埋其他野, 食完早餐開始勁痛, 痛到我嘔返晒碗麥皮出黎

終於捱到中午食飯時間, 我好辛苦呀! 但姑娘話痛都要食d野, 如果唔係唔夠力生呀~ 咁老公就一啖一啖咁慢慢餵我啦, 我忍痛食左一半就頂唔順唔食喇~

到左下晝3點幾, 好痛呀痛死我喇!! 姑娘再幫我check度數, oh my god! 只開左2度, 我同姑娘講, 我真係頂唔順喇, 可唔可以比我試生? 姑娘見我咁辛苦就幫我打電話排隊落產房

到左5點幾先輪到我, 嬸嬸推張床入黎幫我換衫, 過床, 終於都可以落產房喇!!

落到產房, call老公o係產房門口等, 隨時ready入黎陪產, 助產仕同我駁機聽胎心, check宮縮, 我典左差唔多一個鐘, 佢地話我開得3度咋喎.... 叫我再培養下感情, 教我練習呼吸, 唔好一痛就喘氣, 要聞笑氣, 但我痛到差d想碌落地, 佢地問我打唔打止痛針, 我見自己痛到阿媽都唔認得, 簽字打啦!! 但我覺得打左都唔覺止到痛囉~ 反而聞笑氣止得多d添!!

7:00, 助產仕話準備生喇, 佢地出去叫埋老公入黎

老公一入黎, 企o係我側邊, 佢地就幫我人手穿水, 一穿左水就開晒10度, 生得喇!!

助產仕話我一覺得痛就push, push push! 我可能唔夠力, push回唔到氣, 阿仔個頭又縮返入去, push多幾次先順利出到黎咋! 唔記得佢地係幾時幫我剪左會陰, 因為一d都唔覺得痛架喎! 阿仔個頭出左黎喇, 再用多少少力, 結果用左15分鐘, 阿仔成個push左出黎喇!! 老公仲激動過我, 佢見到仔仔即刻開心到攬住我喊, 要我倒返轉頭安慰佢

仔仔出世喇, 老公被帶返出去, push埋個胎盤出黎, 等聯埋針, 抱住仔仔就比人推返上房喇!

生完成個人舒服晒~ 成個人散晒

私人傳訊

wy26law

複式洋房

積分: 376

13^#

發表於 11-8-11 17:52 |只看該作者

好惡佈呀~~~
睇完有啲後悔揀順產呀....

私人傳訊

beast

大宅

積分: 2711

趣教勳章畀面勳章

14^#

發表於 11-8-11 17:53 |只看該作者

我分享下我小小的經歷
我9.00am左右係屋企開始feel到痛, 只是好輕微的痛. 小小m痛咁. 時間都好短. 剛開始都係個幾小時先一次.
之後到下午3點左右, 開始懷疑自己係咪生得, 開始留意自己幾耐痛一次. 都係半小時-1小時. 但因為都唔係好痛. 我都係瞓係床休息.
到晚上7.00左右. 陣痛開始密左都痛左, 就預備入院.其間大概15分鐘左右會痛一次. 都重未算好痛.
入到醫院下午8.00, 由護士檢查, 駁機check bb心跳. 痛的頻率. 由於之前一直都冇留血, 亦無穿水, 所以去到醫院, 姑娘幫我人工穿水, 穿水之後先開始大痛. 當時大概已經開到4度.

差不多到9時姑娘安排入產房, 老公陪產.期間可以吸笑氣, 姑娘未必會係房. 當有想痌的感覺就叫姑娘, 咁就差不多可以試生. 到10時左右已經可以試生bb. 係呢個時候就唔可以再吸笑氣啦. 試左2-3次, bb出來了. bb出來之後, 老公要出去. 姑娘會聯針. 我聯針時姑娘俾我吸笑氣, 所以都唔係好痛. 跟住再留係產房個多小時, 冇什麼大問題就可以上病房休息.

我由入醫院大痛到生bb大概係2個多小時. 當然順產係會痛, 不過之後康復又好似會快d. 都可以話係先苦後甜.
希望其他媽咪都能順順利利, 快快趣趣啦.

.