吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 求救!爭竉, 點好, 請幫幫手.

少年成長今日: 0|主題: 16109

收藏本版

發帖

返回列表

跳至頁

查看: 1314 | 回覆: 10

求救!爭竉, 點好, 請幫幫手. [複製鏈接]

花蝴蝶

禁止訪問

積分: 11709

1^#

發表於 11-9-9 16:40 |只看該作者 |倒序瀏覽 |打印

提示: 作者被禁止或刪除內容自動屏蔽

0 0 0

私人傳訊

jenniecatcat

水晶宮

積分: 56409

2^#

發表於 11-9-9 17:19 |只看該作者

回覆：求救!爭竉, 點好, 請幫幫手.

一定要俾反啲時間佢。我同你一樣大個30 個月，細剛出世。我盡量餵完換完片就放低個細，因這時個大已經叫抱左好耐，咁個細要由得佢喊一陣囉，順便當sleep training。不過我都會同大個講話抱一陣架咋，咁佢都接受。暫時ok，遲啲唔知。

我的最愛: 老公, 仔仔, 同來緊既女女, 老豆

私人傳訊

summerpo

禁止訪問

積分: 18357

畀面勳章 BK Milk勳章

3^#

發表於 11-9-9 17:26 |只看該作者

提示: 作者被禁止或刪除內容自動屏蔽

私人傳訊

lcl51

民房

積分: 40

4^#

發表於 11-9-11 12:36 |只看該作者

唯有俾D時間佢, 俾佢知家姐妹妹都係咁錫

或者你去http://www.edukids.com.hk/quiz10睇下, 有個test可以了解下小朋友內心真正既性格, 咁應該更易入手改善問題~

私人傳訊

Finy03

別墅

積分: 854

5^#

發表於 11-9-11 23:22 |只看該作者

我都驚遲d會有咁既情況....
雖然我未有經驗, 但我到時會試下俾大b多d參與唔好孤立佢.
例如同細b傾計就叫埋大b一齊傾, 叫佢拖下細b隻手仔, 同佢講"以前你bb果時媽媽都係咁錫你架", 跟住錫下佢先到細b.
要顧左大既感受先到個細既, 盡量唔好因為咁而鬧佢, 始終小朋友係直接d, 佢以為你錫晒細妹唔理佢, 你關心佢多d, 樣樣俾佢先, 等佢意識到做家姐係有照顧妹妹既使命, 佢應該會易接受d既, 慢慢黎, 加油~

私人傳訊

titanlow

用戶要求終止服務

積分: 7429

6^#

發表於 11-9-12 11:17 |只看該作者

我o既經驗:

唔好企圖叫個2歲幾將心比己, 佢地未到呢個階段, 直接d focus係佢身上就可以, 好似佢想得到你o既注意, 你餵緊奶都可以用把聲同佢玩, 當佢話要掉o左個妹, 其實就係講緊真心話, 話你知唔鍾意多個人同佢爭, 唔需要教佢咁樣係唔o岩, 你可以直接focus係佢感受, 例如: 你想掉了妹妹, 係咪覺得媽咪無時間陪你呢/你係咪因為有妹妹唔開心, 怕爸媽唔再錫你呀...2歲9個月聽得明白o既, 你直接關心佢o既感受, 佢先可以放膽同你講, 而你先有機會開導佢, 話佢知爸媽一樣咁錫佢, 又可以反問佢: 妹妹識唔識行, 識唔識自己食野? 佢答到o既話, 就乘機話所以媽咪現在要分d時間照顧妹妹, 你都可以幫手o架....

多了一個手足, 對小朋友來說好大衝擊, 唔好壓抑佢唔開心, 覺得失寵o既感受, 反而係要認同佢o既感受 (但唔係打人o既行為喎)引導佢從負面轉向正面, 慢慢就會好轉, 爸媽o既態度好重要, 唔好打鬧, 要講道理, 做得唔o岩o既, 針對佢個人行為而教導, 唔好牽涉到妹妹, 佢先唔會加強仇恨的感覺o架, 加油!

私人傳訊

chucimama

男爵府

積分: 9289

陪月勳章

7^#

發表於 11-9-12 15:38 |只看該作者

其實係咪大b越細個有細b越好呢？

點評

titanlow 我覺得係爭寵方面真係兩個年齡相近會易d處理, 但同時湊又辛苦d囉發表於 11-9-14 10:13

私人傳訊

CAKEMom

大宅

積分: 1163

8^#

發表於 11-9-15 11:36 |只看該作者

回覆：求救!爭竉, 點好, 請幫幫手.

其實呢個時候嘅bb通常都係食同瞓，最好係比多d時間個大，例如可以嘅話，放低比親人湊兩個鍾，然後淨係同個大嘅去玩一陣，單對單親子時間，每個禮拜一日都好。

http://cakemomworld.wordpress.com 一個充滿湊仔、教仔、慳錢、Shopping。。。仲有記得要感恩嘅世界

私人傳訊

PandaVV

子爵府

積分: 11745

9^#

發表於 11-9-15 12:53 |只看該作者

花蝴蝶發表於 11-9-9 16:40
我真係有D親子問題想搵人傾傾和比意見.
我有2個囡囡, 一個2歲9個月, 另一個2個月多.

我都有2個小朋友, 大囝3歲6個月, 細囝2個月多.
大囝沒有爭竉, 只係有時想我倍佢訓教.

我有下列建議, 您試下:
1) 知道大囡做錯事, 唔好鬧大囡, 話比大囡知正確既做法.
叫大囡幫手, 當佢完成後, 比個"贊賞手指"大囡, 您仲可以Kiss 大囡, 贊賞她是個乖孩子 .
小朋友喜歡父母贊賞.

例如: 把細囡既尿片放入垃圾桶, 幫手取奶樽........

2) 走唔定, 大囡有沒有特別喜歡的玩具?
如有, 可以叫大囡拿出來玩.

3) 抱住細妹, 都可以輕輕擁抱一下大囡.

4) 叫老公帶口罩

私人傳訊

Ekko

男爵府

積分: 6505

玩具勳章好媽媽勳章畀面勳章 wyeth冷知識勳章親子達人勳章

10^#

發表於 11-9-17 04:20 |只看該作者

我大仔同細仔相差3年，大仔又係超活躍。睇完你打既野我有小小分享

我地同佢講返, 唔可以掉細妹.
我地問佢: 掉左家姐好唔好,
佢話: 唔好

淨係睇呢段，如果我係家姐我都唔會鐘意細妹！小朋友有細佬妹，就同我地c6包2奶咁上下道理，而且個2奶仲要黎同你一齊住喎，你諗下你會有咩感受丫~

你要經常提醒佢，妹妹黎係同姐姐玩既。而定佢仲細，要姐姐幫忙照顧，妹妹就會慢慢長大，第時就可以同姐姐一齊玩(講平時佢鐘意玩既遊戲，例如煮飯仔，就話妹妹會做客人叫姐姐煮野比佢食咁)。搵d野比姐姐專責負責，例如每次換片都係指定由姐姐負責拎片既 (當然你要放d佢拎到既位置啦) 咁每當妹妹要換片時，姐姐就要"身負重任" 拎條片比媽媽。咁樣姐姐會覺得媽媽同妹妹換片，都會有佢份。又例如餵人奶時，叫姐姐幫手拎濕紗巾比你抹下先可以比妹妹飲奶既，咁佢又有野做喇。

每次姐姐做完呢個"重責"之後 (不論佢做得好唔好) 都要讚佢同唔該佢。慢慢佢會感受到自己依然版媽媽重視，甚至冇左佢唔得既，咁佢既爭寵就冇咁嚴重架喇~

至於玩具，我覺得唔需要刻意叫姐姐分享自己既玩具先。而且姐姐既玩具都未必適合初生bb。可以帶姐姐去揀份小玩具比妹妹，由姐姐親手送比妹妹，仲要日日比妹妹玩，係姐姐面前提妹妹呢個係姐姐送比妹妹既，叫姐姐教妹妹玩啦咁。