婆媳關係今日: 0|主題: 27775

收藏本版

發帖

返回列表

跳至頁

查看: 1785 | 回覆: 32

如果你係我會點？ [複製鏈接]

rion_husky

大宅

積分: 4924

叻叻勳章畀面勳章 wyeth冷知識勳章爸B勳章

1^#

發表於 11-9-28 20:20 |只看該作者 |倒序瀏覽 |打印

我的故事有點長篇......

我老爺奶奶係一個不折不扣的賭徒，佢地响我老公讀緊小學既時候（我老公話佢當時肯定未夠十歲）就已經掉低我老公（連埋我依家既姑仔同叔仔）屋企，走去澳門賭錢......我老公同我拍拖既時候，就曾經輸到有大耳隆「的」我奶奶（嗰次我老爺無份）返嚟，要佢還十幾萬，張欠單仲要寫晒我老公既工司電話、地址、手提電話（相信係我奶奶話俾債主知），我老公係孝順仔一名，於是係咁同佢撲水還錢（當時我老公剛出嚟工作無幾耐，人工好少），同佢還完債之後，過咗無耐又左去過澳門，同之前一樣，每次去親都可以去成個禮拜，可以連續幾晚不眠不休。我老公同我姑仔好多次走去澳門賭場搵佢，夾硬拖佢走都唔肯走。之後我同我老公結婚，過左一年我老爺中埋風入咗院，我奶奶都未曾收過手。我地勸又勸過，鬧又鬧過，甚至搵埋社工俾佢，但佢都覺得自己冇問題，唔需要人理、唔需要人幫...

過咗三年，我同我老公有咗第一個小朋友，佢當時肯主動同我講話可以幫手湊孫，咁我聽到當然高興，因我亦希望可以佢為咗個孫可以戒賭，但當然，我諗法是錯的......頭一年，佢都還可以因為湊孫唔再去賭，但到我大仔兩歲又故態復萌，即使我要返工既日子佢都可以突然失蹤，走咗去澳門幾日先返嚟，返到嚟就扮無野...

依家我有咗第二個小朋友，於是我老公話唔可以再俾佢拖住嚟行，我地有自己既屋企，有自己既小朋友，絕對唔可以再縱容佢，當無咗呢個老母算喎，寧願搵個工人嚟照顧兩個小朋友。當然，响我既立場，我當然唔希望自己既小朋友受到傷害，但我亦唔想佢地冇咗嫲嫲，於是都有試諣好幾次單獨同佢傾，希望佢回頭，唔好再突然玩失蹤，更可況我當日準備返工嗰刻先至話唔見咗人，我好難同公司請假，咁我兩個小朋友好似「人球」咁，成日睇下有咩親烕可以臨時幫手睇住...

到最後，我地依家請咗工人，我老公同我奶奶既關係已去到當對方透明的地步，但我都有時會打電話俾我奶奶，叫佢得閒上嚟睇下個孫啦！我老公知道後唔開心，話第時有一日我奶奶帶埋大耳隆上我屋企收數，搞著我兩個小朋友咁點算，話佢已經無藥可救，連佢自己老公（即我老爺）出事都可以不聞不問，佢阿媽擺壽宴都可以唔去，佢已經冇人性架喇，叫我唔好再理佢...

如果你地係我會點做？我係咪慹該企埋我老公嗰邊，即使我奶奶上嚟想睇孫，真係連門都唔開俾佢？？