少年成長今日: 0|主題: 16124

收藏本版

發帖

返回列表

跳至頁

查看: 1494 | 回覆: 2

4歲仔好容易喊！ [複製鏈接]

carey110

子爵府

積分: 11729

好媽媽勳章醒目開學勳章 wyeth冷知識勳章環保接龍勳章 BK猜猜猜慶中秋 BK Milk勳章

1^#

發表於 11-11-18 20:29 |只看該作者 |倒序瀏覽 |打印

我個仔已經4歲，但由佢細個開始佢都係一個好容易喊嘅人，尤其當佢做唔到某啲嘢嘅時候，好似自己孭唔到書包，着唔到件衫或者扣唔到粒鈕佢都會好快就喊出黎，今年K2比上年K1時已經叫做好啲，冇喊得咁密但情況依然都會發生，每次見到佢咁樣我都會叫佢慢慢黎再試過，但好多時見到佢做一次唔得就已經喊晒口，連我比佢搞到好炆，請問有咩方法可以改善到佢呢啲行為呢？

0 0 0

私人傳訊

CCYPP

別墅

積分: 975

2^#

發表於 11-11-21 13:39 |只看該作者

你講呢d全部係日日佢需要面對, 仲要唔止一次既事, 而你亦都要陪住佢日日面對佢因為試一次整唔到就喊既狀況, ...就算更好耐性既人, 耐力都唔會時時刻刻咁好, 而且都好白慢慢會因此咁磨滅左d耐性呀...

要幫到小朋友, 第一步真係我地要先處理好自己既情緒; 因為只有我地情緒平伏時, 我地先有耐力同能力去引導小朋友嘛... 難架...可能第一步就要問下自己; 點解小朋友咁樣會令自己咁憫? 係因為趕時間? 係因為無助? 係因為唔知點幫佢/ 佢又唔俾你幫? 要自己問下自己點解, 先會明白自己既狀態, 先可能搵到方法令自己唔好咁憫...

我其實都係過來人, 因為我個女(宜家六歲半), 都係一個易喊既小朋友, 以前我用過好多方法去處理佢喊既問題, 真係軟梗都試過; 軟既係例如,解俾佢聽"唔使喊架, 好少事而已".. 之類, 或者話明俾佢聽"一次唔得係好正常'呢d, 希望從道理令佢明白佢喊係幫唔到件事, 教佢可以點樣做可以解決到個問題... 我d長輩級人馬又試過見佢喊就會同佢講"你再喊一陣唔帶你去公園呀". .. 即係嚇佢啦, 都唔得.. 有時喊得仲大聲, 有時真係驚(如果講中佢好緊張果樣野), 有時我家既老人家就會話, "唔好喊啦, 喊左就唔靚女架啦/ 喊左一陣就會俾人笑架啦..' 就算果次真係停左, 不過下一次又會再來... 問題無被解決.. 大部份既事, 其實要解決左人既問題(特別係情緒既問題), 先可以有機會解決到件事...

直至我地開始知道我地要從小朋友既角度去睇件事... 情況才慢慢有改善..
佢點解要喊呢? 當然可能有d小朋友係因為知道一喊, 自己就唔使扣, 大人會立即幫手, 咁佢地就會以喊來令一d佢地希望既事情發生, 我宜家三歲半既仔就係咁, 若然如此, 那我地就要調較下, 說話上/ 行動上都要俾佢知喊係唔會得到任何野/改變任何野既. . 而且呢個做法要持之以恆, 令小朋友明白呢個規拒, 佢地好識得利用機會架, 例如知道趕時間, 著鞋就特別多野攪, 又會喊, 我就算更趕, 又要扮作有時間, 話我可以等佢著, (當然你知道佢已經可以有能力完成既野啦), 通常等得一分兩分鐘(對佢地來講已經係好耐), 咁佢就會知道喊係無用... 就會做自己應該做既事...

以我阿女來講, 可能係小朋友都係咁.. 佢唔係想試大人幫唔幫佢, 因為就算老人家唔想佢喊話幫佢做埋, 佢依然會話唔好, 堅持唔使人幫既... 若然係咁, 佢地就似乎唔係想用喊來令大人為佢地做野... 咁我當時就唸..佢點解會喊呢? 個個小朋友都可能有d唔同既原因... 如果你小朋友已識得講好多野, 你以係平時玩得開心果時問番佢... 點解佢果d情況會喊.. 記住, 佢講咩都好, 就算係你覺得極之微細不值一顧既原因, 你都要接納, 在言語上要表示你係明白佢會有呢d感覺.... 例如我阿女, 佢對自己有要求, 所以第一次做唔到, 佢就會有一個挫敗既感覺, 所以佢就喊... 佢好想可以一次就做得好好... 當然, 呢個任何大人都知道係無可能既, 不過我地都要先接納佢地有呢個感覺.. "媽媽都明白你好想一次就做得好好, 整唔到你就覺得挫敗, 所以就唔開心..." 小朋友/ 任何人, 都希望可以被人明白既, 特別係小朋友, 佢地好需要我地做父母既明白佢地既感受... 做呢呢一步, 先慢慢同佢講, 表示支持佢.. 例如, 我果時會同我阿女講, "初初做真係難d架.. .不如媽媽陪係你身邊, 等你慢慢試呀... 一次唔得, 試等二次, 媽媽都會陪你, 你有需要就話媽媽知, 等我地可以一齊唸下點樣樣解決啦.." (唔係話等我幫佢, 因為有d小朋友唔係想人幫, 而係想自己試, 自己做得到, 所以我就會話, 一齊唸方法解決..)

如果佢情緒平伏d, 喊少d, 甚至整好多次整到啦, 果時先同佢講道理. 話佢知任何野都無可能一次就會做得好好, 就算大人都係, 所以我地如果有時一次做唔好, 唔需要灰心, 只要繼試就一次可以慢慢做得快d同好d...有時又會加多句講下笑(如果佢OK晒既話), 如果喊真係可以幫到手既, 咁就喊多D都無所謂.. 你覺得得唔得呀?" 道理係一定要講, 不過就放係小朋友情緒平伏既時候先講.. 咁樣我地既道理先會聽進佢地既耳...

當然, 唔係話咁樣做一次就即刻會令小朋友完全改變晒, 變成完全唔會再喊, 不過又係果句, 持之以恆, 小朋友知道父母係明白他們既難處, 支持佢地, 咁佢地就會自己慢慢跨過到佢地成長一道一道既難關...

不論係好係我阿仔/阿女既狀況, 最重要既係, 我地去回應佢地既時候, 特別係好似我阿仔既狀況既小朋友, 語氣要平實, 而不帶挑戰性既; 因為我有家人試過用同一個方法, 不過就小朋友著左之後就會加多句"你最後咪又係死死地氣要自己做番, 喊有咩用呢?!" 當然內裡既理念大人可以明白, 不過如果同小朋友講, 就似乎真係唔係咁好.. 因為小朋友需要既係大人既支持, 既然佢已經改善左, 一個讚賞比一個挑釁既說話就可以構成小朋友下次會唔會繼續做得好既推動啦...

方法一定唔止一個, 不過呢個就係我一直沿用既方法, 而阿女阿仔既狀態及喊既狀況都慢慢在減少..減少...減輕減輕.. 我阿女以前試過一喊喊足成個鐘架... 仲要係因為一D我地以為係小事既野喊.. 宜家少左好多啦, 喊都輕左同埋短左好多, 就算嚴重都係數分鐘內無事... . 慢慢來, 急不了... 我們的孩子需要我們做父母的幫手啊...

唔好意思呀.. 好長氣添... 希望幫到你少少啦...