少年成長

收藏本版
發帖
返回列表
跳至頁

首頁
1

尾頁
   0
lily233242


伯爵府

積分: 19915

2024年龍年勳章 我的育兒心得勳章 有「營」勳章 叻叻勳章


1#
發表於 11-11-21 12:19 |只看該作者
想請敎前輩媽咪 撇除必然勞氣的項目~做功課和溫書 妳們覺得小朋友幾多歲時最唔聽教? 好等我有心理準備 繼續跨欄

又有咩秘技收服佢地呢?

我囡囡現在三歲 返緊一間傳統又嚴厲的幼稚園K1班 老師的評語話佢唔係好坐得定上課

星期一至六am 姐姐湊佢好地地 起居飲食都on schedule頗聽話 沒有哭鬧 夜晚我自己湊返都OK聽話

星期六pm至星期日 囡囡彷似變身成小魔怪 情緒明顯失控:
~食正餐 又氹又罵又攞騰條兇佢 都係哭著吃幾口
~又唔肯瞓晏覺 在床上碌來碌去 大聲唱歌
~夜晚十二點幾先瞓 瞓到半夜就喊
~一有不如她意就豪哭 大吵大鬧 這乃好像自從返咗K1之後就開始發生 不知是否自我意識太膨漲之故
~最令我激心的是 佢以前一曳 我攞騰條兇佢 佢就會即刻順服 但現在越來越野蠻 做錯事我和c6敎訓佢 初則駁嘴 繼而旭手打人 點解釋比佢聽打人係唔啱 佢都再犯

曳囡囡搞到我都情緒失控 因她對我的勸解充耳不聞 於是我不得不打罵她 即使在公共場所 例如在超市亂跑 高貴的我也要大聲的喝罵or喝止她 我口嚨痛之餘 還給c6鬧我嚇壞個女 唔識敎 真係好攰

請前輩媽咪比些恴見or經驗之談 多謝
私人傳訊

zone


伯爵府

積分: 15289

畀面勳章


2#
發表於 11-11-21 12:28 |只看該作者
要你個囡唔打人，首先你唔好打你個囡，你個囡哭鬧時安棑一個冷靜位佢企，直到佢唔喊，再同佢講佢做錯咩（溫柔地講）。我有一個近四歲的囡，到而家都好有效。
私人傳訊

咖央


珍珠宮

積分: 41839


3#
發表於 11-11-22 00:52 |只看該作者

回覆：我變了瘋婦!?人仔幾多歲時是最唔聽話 / 情緒最失控?

食飯唔好靠惡，食野應是開心的事，係咪之前食飽左，係咪d野唔好食？食野要氹㗎。佢唔訓晏覺，都唔駛鬧，果個時間由得佢留在床上休息，太耐都唔訓便算。我以前都好緊張，唔訓午睡會鬧佢，跟住暗佢都訓唔到，好嬲，而家我唔咁緊張，晏覺唔訓就算，但果段時間都要俾佢休息。仲有你藤條出黎又唔係打，佢已經識穿左，佢知你是嚇佢。我個女上堂都是坐唔定，唯有日日同佢講上堂要坐好。

點評

jonasmami  agree  發表於 11-12-3 00:42
私人傳訊

lily233242


伯爵府

積分: 19915

2024年龍年勳章 我的育兒心得勳章 有「營」勳章 叻叻勳章


4#
發表於 11-11-22 11:17 |只看該作者
回覆 咖央 的帖子

請問妳囡囡現在幾多歲?

我現在有d後悔比囡囡入讀現在K1這麼傳統的幼稚園, 佢以前讀N班那間是活動敎學的, 對於囡囡的活潑反應讚不絶口但現在校方卻投訴她多嘴太多嘢問好嘈/ 笑得太大聲/ 做唔到一些動作就哭鬧..等等, 吩咐我要合作敎吓囡囡!
唉! 搞到係我唔係囡囡覺得好有挫敗感

私人傳訊

judycat


大宅

積分: 1509


5#
發表於 11-11-22 14:58 |只看該作者
請問你囡囡現在讀緊邊間幼稚園,可否pm講我知?
同我囡囡兩歲讀n班時一樣,會唔會你囡囡番學有D唔開心,得不到老師認同或注意,把情緒壓抑到放假在父母一齊時,希望用扭來得到注意或重視.其實你反而可以同學校老師傾傾,會不會是學校適應問題.
私人傳訊

咖央


珍珠宮

積分: 41839


6#
發表於 11-11-23 00:24 |只看該作者

引用：回覆+咖央+的帖子 請問妳囡囡現在幾多歲?

原帖由 lily233242 於 11-11-22 發表
回覆 咖央 的帖子

請問妳囡囡現在幾多歲?
我女三歲，自問不算湊仔專家，我都仲摸索緊點管教好。我女讀果間都好傳統，我就是想有人去嚴厲咁管好佢。咁小朋友三歲未坐定都唔奇喎，坐唔定多野講咪要教囉
私人傳訊

咖央


珍珠宮

積分: 41839


7#
發表於 11-11-23 00:35 |只看該作者

回覆：我變了瘋婦!?人仔幾多歲時是最唔聽話 / 情緒最失控?

我個女出到街都好易fing甩手週圍走，咪拖實d囉，如果個個都咁定性，商場又點會咁易有小朋友走失呢
私人傳訊

siujanjan


珍珠宮

積分: 30971

BK Milk勳章


8#
發表於 11-11-23 09:07 |只看該作者
咖央 發表於 11-11-23 00:24
我女三歲，自問不算湊仔專家，我都仲摸索緊點管教好。我女讀果間都好傳統，我就是想有人去嚴厲咁管好佢。咁 ...
我囡都係3歲多, 有時d事真係唔知自己處理得啱唔啱, 唔明點解佢會咁做, 我都冇點打鬧, 佢扭計我由得佢喊, 之後先講番要點點點
私人傳訊

麻辣毛毛蟲


複式洋房

積分: 128


9#
發表於 11-12-2 12:54 |只看該作者
我都想知呀！
私人傳訊

bosch


瑪瑙宮

積分: 128508

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


10#
發表於 11-12-3 06:04 |只看該作者
本帖最後由 bosch 於 11-12-3 06:05 編輯

回覆 lily233242 的帖子

你個女正常過正常, 反而你要控制情緒, 自己要睇開d, 唔好對佢有不切實際既要求. 你自己都控制唔到自己既情緒, 更加難要小朋友去聽話.

我個仔3歲幾, 有時我都湊到好炆, 日日都會打仔.... 不過而家多數會叫自己冷靜d, 加埋有細仔一齊, 大仔好似痴多左我 (某程度上佢係呷醋). 而家打仔既原因多數係因為佢烚細佬烚得太過份.

食野方面, 以前我會迫阿仔食野, 或者飲奶. 而家會催佢專心食, 引佢食多d, 不過最後佢唔食我就算啦, 夠鐘就執台, 講真食飯係要開心, 攪到咁炆做乜?? 佢響我99 度, 就算食好少野都好都會有甜品食, 我99 個宗旨係食飯係要開心, 同埋食埋甜品至叫完成一人餐晚飯. 我個仔食得晒d 飯咪有甜品食, 食唔晒咪冇, 唔駛勞氣. 今晚佢唔食, 聽朝餓番自然會食多d. 餓佢唔c 就算啦.

佢唔肯訓晏覺, 做咩要迫佢? 會唔會佢果日冇出街, 根本唔攰呢?? 之不過訓唔著就係訓唔著架啦... 呢個時侯既小朋友, 鍾意幻想, 會自言自語或者自己大聲唱歌, 我個仔有時係咁, 以前佢仲細時, 佢自言自語太耐, 我老公會入房叫佢去訓, 咁佢真係會去訓. 如果佢真係攰, 或者想玩而唔去訓, 咁你咪試下話佢訓完之後要幫手做家務/一齊煮野食等等. 或者帶一樣新玩具, 話果件玩具陪佢一齊訓. 如果佢都係唔去訓咪由得佢囉, 之後早d 訓. 我個仔而家少訓晏覺, 唔訓果陣咪8點幾去訓覺.


點解你個女會12點幾至訓? 太夜啦, 9點就要去訓啦, 佢唔訓都要佢番上床度, 之後屋企儘量要靜d. 佢太攰既話, 都會影響佢既睡眠質素. 如果佢好早已經入房, 咁會唔會係佢等緊一d 野? 我個仔有時係會要求我同我老公一齊同佢入房, 如果是但一個帶佢去訓, 佢真係響唔訓, 等另一個人黎到至得. 有時佢想我陪佢傾一陣計, 之後至肯訓. 總之佢覺得心滿意足後, 佢自然容易入睡.

我個仔仲未返學, 自細仔識行後, 而家郁下就打人, 每次我都會話佢, 甚至會打手仔. 不過我都唔排除係因為我打過佢, 所以佢有樣學樣.

你個女大吵大鬧, 會唔會係想吸引你注意呢? 或者佢本身有事而唔開心呢?

我個仔去到超巿又係失控, 周圍走周圍模, 太過份時我會打佢同鬧佢.... 不過我見好多小朋友都係咁, 咁我見到其他小朋友時, 叫個仔睇下人地點乖同埋人地肯著佢父母咁行. 而家我會同佢講我想買乜, 叫佢同我一齊去搵, 咁佢可能覺得有d 野做下, 會聽話d.

你可以用獎勵制度, 如果佢全日表現得好, 夜晚咪獎個貼紙俾佢, 貼響本簿度, 本簿放響佢間房地 (陪佢一齊訓覺), 睇下呢個方法得唔得.
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見