單親天地 今日: 1 | 主題: 18391

積分: 8629

1^#

發表於 11-11-24 19:39 |只看該作者 |倒序瀏覽 |打印

本帖最後由 kittycat0519 於 21-6-26 22:46 編輯

請取消

0 0 0

私人傳訊

積分: 18748

畀面勳章環保接龍勳章

2^#

發表於 11-11-24 22:06 |只看該作者

1)18歲,係成年人嚟啦,唔駛搞撫養權.

2)唔好意思,我唔知乜係公務員公屋...只知有公務員宿舍.係居屋嚟既~

3,4)所有公屋,都一定要經入息審查,無論係新申請,定另外分配,而且離婚係唔會另外分配一間公屋比其中一方既,要申請,從新審查,不過好似會快少少.如果入息本身就已經過咗額,就一定申請唔到,但係如果住梗先過額,就會交倍半,或者雙倍租.

就算樓主朋友,經由老公將屋轉名比佢,佢都一樣要每2年申報一次入息審查.以我所知(唔知而家係唔係咁),倍半,或者雙倍租金,係唔可以長租公屋既,會有一個限期.限期完結前要搬走.

5)如果佢老公唔肯將公屋比佢地母子,你朋友係要申請過一間公屋,都係要經入息審查.

以你朋友既家庭,無論邊個搬走,都應該無可能再申請公屋.

私人傳訊

dordor1207

侯爵府

積分: 24148

畀面勳章 BK Milk勳章

3^#

發表於 11-11-25 09:42 |只看該作者

樓主, 你既公務員公屋, 係部門比佢既退休福利, 唔關你事的!! 離婚之後樓主朋友一樣要搬走!!

退休警察年紀都不少了, 45 歲以上啦, 倆公婆都咁多年了, 有乜野慢慢坐得傾啦!! 男人要滾要玩都咁多年, 忍到而家仔都大哂先離婚??? 有必要咩?? 梗係唔好離婚益個男人啦!!

今天種下何種因, 它日必收何種果!! 每天努力為亞仔同我的生活打拼!!

私人傳訊

積分: 8629

4^#

發表於 11-11-25 16:02 |只看該作者

但係個男人，爛賭左好多年，曾經有人打電話去屋企追債，佢老公退休後取左五十幾萬退休金，一毫子都冇俾個老婆之餘，以前到現在屋企開支(屋租水電煤)全部都唔俾返黎(以前住宿舍扣糧另計)，兩個仔個老豆從來冇俾過錢養，我朋友當年諗住唔想離婚影響兩個仔成長，依家兩個仔都大喇，佢老公呢排仲衰，連續幾晚唔返黎訓，有時返屋企訓幾個鐘又出左去，仲有成日幾千幾千咁問老婆取，平均每個月取個老婆一萬，個老公退休後搵左份工做，月入起碼三萬蚊，所以個老婆已經忍無可忍喇，諗住都要趁後生離左佢囉，不過係擔心間屋，轉名仲可唔可以繼續住呢，定係交雙倍租就得呢

私人傳訊

積分: 18748

畀面勳章環保接龍勳章

5^#

發表於 11-11-25 16:24 |只看該作者

根據樓上既意思,間屋係退休公務員福利,無可能轉名比你個朋友!如果佢老公唔係退休公務員,根本就無必能有呢間屋.因為佢唔符合資格申請.

所以你個朋友唔可能要到呢間屋.佢只能申請.但係佢既入息,佢亦都唔符合申請公屋.

私人傳訊

dordor1207

侯爵府

積分: 24148

畀面勳章 BK Milk勳章

6^#

發表於 11-11-25 16:25 |只看該作者

傻瓜, 梗係唔得啦!! 呢個係公務員退休福利, 離婚左就無得轉名架, 不過男戶口重可唔可以住, 就真係唔知!! 不過可能戶主死左就應該可以轉名既, 因為我係公務員家庭長大, 曾經嫁左個公務員!!

分別係我媽咪同細佬可以住番係間公屋到, 當時我爸爸因病去世, 咁當時爸爸臨走之前攪左退休, 上天保祐我地, 爸爸堅持到手續完成就走了!! 我媽媽都重有退休公務員家屬既福利!! 間屋唔使還, 交租就唔知, 媽媽唔肯講!!

至於我, 離婚之後所有公務員家屬既福利無哂!! 唔可以住宿舍, 因為個仔判左比我養!! 我嫁個公務員都係一樣鍾意洗錢, 乜都買, 最後重有收數佬上門, 現在破產了咪一樣照返工!! 我前夫很少負責家庭開支!!

其實你朋友月入都不少, 一定可以搬走自己住!! 我人工無咁高都要交屋租, 請工人都堅持到!! 佢既小朋友都咁大過啦, 唔使請工人都得啦!!!

今天種下何種因, 它日必收何種果!! 每天努力為亞仔同我的生活打拼!!

私人傳訊

積分: 8629

7^#

發表於 11-11-25 19:25 |只看該作者

本帖最後由 kittycat0519 於 11-11-25 19:27 編輯

好傻咁問...公務員退休上的公屋，同普通公屋分別在可以排另一條隊上樓，唔使好似普通人咁排幾年先上到樓，當上到樓後，一切同我們這班普通的公屋居民一樣，因為我們這班普通的公屋居民遇到要離婚的話，可以轉戶主架嘛
同埋當住緊公屋期間，超收入的話(不超資產)，房署只會要求交倍半租/雙倍租，係唔會收返間屋架嘛，所以係咪我朋友呢個case房署係會俾佢轉戶主，不過可能要交倍半/雙倍租金咁囉
我朋友收入有三萬，不過要幫佢老公還債(仲要每個月俾佢老公幾千幾千咁濕走)，同埋我朋友個妹之前幫佢老公借左條loan，我朋友每個月都還返錢俾個妹架，所以如果轉唔到戶主的話，要我朋友出去租層三人住的樓係好吃力，同埋咁講，我朋友搬走左取消左個戶籍，佢老公一個人都冇可能住咁大間屋啦，因為一個人住四人單位咪變左寬敞戶

私人傳訊

積分: 18748

畀面勳章環保接龍勳章

8^#

發表於 11-11-25 20:56 |只看該作者

第五章：維護公屋資源的合理分配政策
房委會在1996年4月通過實施「維護公屋資源的合理分配政策」，以入息及資產兩項準則，作為衡量租住公屋住戶繼續接受公屋資助的資格。由1997年6月26日起，中轉房屋住戶亦須接受「維護公屋資源的合理分配政策」的限制而須申報資產。凡在「公屋住戶資助政策」下正繳交雙倍淨額租金/暫准證費另加差餉的住戶，若欲繼續於公屋居住，便須在下輪申報時(距離上次申報兩年)申報資產。

所有家庭成員均為60歲或以上的住戶，或全家領取綜合社會保障援助金的住戶或持合租租約共住一單位的住戶，可豁免申報入息及資產。

房委會於1999年2月5日檢討有關政策，並決定如公屋住戶家庭入息及擁有的資產淨值均超逾指定的資助入息及資產淨值限額，或選擇不申報資產(包括未能就有關申報提供所需一切資料，以證明家庭總資產淨值並未超逾現行資產限額的住戶)，便須遷出所住的公屋單位。

須遷出公屋單位的住戶，如有暫時的住屋需要，可申請暫准居住證在該單位暫住，為期不得超逾12個月，在暫居期間，他們須繳交相等於雙倍淨額租金另加差餉或市值租金(以較高者為準)的暫准證費。

在暫居期間，如有關住戶能證明其家庭入息或資產淨值已連續三個月下降至低於指定的限額，可以申請批出租約及繳交較低水平的租金；若家庭入息或資產淨值下降的情況屬於永久性質，住戶可立即申請。

私人傳訊

積分: 18748

畀面勳章環保接龍勳章

9^#

發表於 11-11-25 21:00 |只看該作者

根據8樓所述.

唔單止你個朋友唔可以轉名,就算轉咗名,最多都係住一年.唔知你朋友個老公,會唔會因為佢係退休公務員,而免咗某啲審查,定係佢地一直都有所隱瞞佢地既入息?佢地一家應該一早就無得住公屋呢個資格!

私人傳訊

積分: 8629

10^#

發表於 11-11-25 22:05 |只看該作者

聽聞好似免審查十年，不過我唔知係咪真喎

我朋友真係好慘，前前後後貢獻左幾百萬俾佢老公都有，佢老公試過偷左佢隻"勞"出左去舉，舉完返黎俾返張當票老婆，佢老婆嬲爆之餘，俾左二萬蚊佢老公去屬返隻錶返黎，點知佢老公冇去屬，仲取埋果兩萬蚊賭埋輸埋，佢老公又試過一夜間取左聯名戶口的幾十萬儲蓄過澳門賭晒輸晒，個老婆d屋企人仲要幫手借個名義出黎幫佢老公借loan，以前住宿舍仲好少少，租金在糧扣，依家住公屋，成日都要我朋友交租，兩個仔唔理唔俾錢養，成日搵d藉口問老婆"借"錢，個老婆叫佢還錢時，個老公就問佢"你好等錢使咩？"，亦曾經試過有人上門鐘同打電話黎叫還債架喇，總之激到我朋友死死下，以前都晚晚返黎屋企訓架，依家連續幾晚都唔返黎訓，一返黎就訓幾個鐘又出左去，水電煤屋租債務全部唔理，做朋友當然唔想佢離婚啦，不過如果俾我遇到佢老公呢d人做老公的話，我諗我一早離左婚喇

私人傳訊

faye525

子爵府

積分: 10647

畀面勳章

11^#

發表於 11-11-25 23:44 |只看該作者

本帖最後由 faye525 於 11-11-26 00:00 編輯

回覆 cotychan 的帖子

房署限令遷出既條件係要入息+資產同時都過晒指定限額
即係入息又過, 銀行薄+股票+保險各樣加埋都過埋先要你搬走

如只係高收入, 但資產唔過 (三人家庭都百一萬), 咁就只交倍半或雙倍租金
同樣, 戶口過晒額, 但唔過收入, 都只係收倍半或雙倍租金~

房署呢個條款係想令到本身家庭環境唔好既人(岩岩住公屋個個都唔方有錢架啦), 住左公屋之後, 經濟環境改善就搬走.

咁好老實, 要兩樣野都同時過既, 唔駛房署請, 一定自動買樓走人啦!! 有過百萬係銀行都仲唔買樓?!

所以咪會係公屋停車場見到D所謂靚車囉~~ 可能人地買架二手玩下都唔定唧..二手車十幾萬(已經好唔錯), 都仲未過資產架~

所以長毛做議員時, 係冇過到房署條例, 佢只係高收入, 但銀行冇咩錢囉~~(一人資產好似都幾十萬的..)

其實好多舊公屋住戶都交貴租, 因為仔大女大未結婚仲同住時, 全家收入加埋一定過, 但係銀行薄唔代表有咁多錢架嘛~~~到銀行薄都差唔多到額, 可能D仔女話買樓結婚搬走, 於是間公屋又得返兩老, 到時可能連收入都唔過額, 交返普通租金

所以房署要兩樣都過先搬囉...都係免卻呢類麻煩唧...

私人傳訊

faye525

子爵府

積分: 10647

畀面勳章

12^#

發表於 11-11-25 23:51 |只看該作者

公務員公屋, 就睇果家公務員申請果時係咩條件同俾幾大間屋

我朋友(公務員)佢結婚三年離左婚, 冇小朋友, 一離婚, 連我朋友都冇得再住當初申請果間公務員公屋呀~~ 佢自己再出去租屋住囉~~

不過我記得呢度有個CASE個媽咪EX係做警員, 最後個媽咪同小朋友可以住係原本間公屋度, 中間都好似求助過警員唔知咩福利部門先有呢個代遇..

樓主個朋友老公唔知有冇類似警員果D福利部門問呢....有既樓主朋友可以去問下

私人傳訊

bananatree

複式洋房

積分: 427

13^#

發表於 11-11-26 00:01 |只看該作者

回覆：kittycat0519 的帖子

1 公務員公屋褔利祇係輪後公屋的一種方法，獲派公屋後跟所有公屋居民係完全無分別。
2 不論任何原因轉名，在轉名時房署都可以重新作出審查。以現時申請公屋資格為準。
3 房署不會為離婚個案而額外分派單位的。

私人傳訊

積分: 8629

14^#

發表於 11-11-26 13:20 |只看該作者

回覆 bananatree 的帖子

十三樓:
你話""在轉名時房署都可以重新作出審查。以現時申請公屋資格為準""
呢句野我朋友咪賴晒野囉....(你答出左我想問的重點喇，我就係想知，如果佢交開雙倍租咁計，轉戶主後可唔可以繼續交雙倍租呢，定係冇得住呢，據你咁答我即係會冇得住啦，唉，大鑊~)

如果佢同佢老公斬覽(我朋友一個人搬走)，佢唔使再每個月咁樣無條件奉獻幾千至一萬俾佢老公，不過要自己出面租樓住，條數都真係...同唔離婚冇分別，如果佢一個人搬走的話，要出面自己租樓住之餘，佢有一個仔未讀完書架嘛，個老豆又唔會俾錢養，到時又問個老母錢....仲有，兩個仔住緊間公屋，個老豆又唔俾屋租水電煤，到時兩個仔咪又係問個老母....我朋友真係求生不很求死不能呀...又多一個悲劇發生喇，唉~

多謝呢度咁多位朋友意見

私人傳訊

積分: 8629

15^#

發表於 11-11-26 13:29 |只看該作者

回覆 faye525 的帖子

因為你朋友冇仔女，所以要焗住搬走囉，如果有小朋友就應該唔係咁講法架喇，因為我問過房署，佢地係會支持有管養權的一方繼續留在公屋居住架

你所講應該係警察部的福利官...不過講真，我朋友個老公都退左休啦，福利官仲會唔會理佢呢
我覺得呢個女人好苦命呀，辛辛苦苦搵埋搵埋奉獻晒俾個老公去賭，我朋友話忍左佢廿幾年，都算啦，以前佢老公都晚晚返黎訓，最近呢幾個月就連續幾晚都唔返黎訓，一返黎訓就問我朋友錢，借完錢又唔還，我朋友都對呢個人好絕望喇，諗住細仔都十八歲，識諗囉，先會諗搞離婚呢

私人傳訊

積分: 18748

畀面勳章環保接龍勳章

16^#

發表於 11-11-26 13:45 |只看該作者

kittycat0519 發表於 11-11-26 13:29
回覆 faye525 的帖子

因為你朋友冇仔女，所以要焗住搬走囉，如果有小朋友就應該唔係咁講法架喇，因為我問 ...

2個仔都過18歲,係成年人,根本唔存在撫養權問題!佢地唔係小朋友,無體恤條件架!

私人傳訊

積分: 8629

17^#

發表於 11-11-26 14:17 |只看該作者

回覆 cotychan 的帖子

其實我覺得我朋友蠢左，要離一早離咪好囉，依家搞到半天吊，唉

私人傳訊

積分: 18748

畀面勳章環保接龍勳章

18^#

發表於 11-11-26 14:22 |只看該作者

3萬蚊一個月,如果用2萬還債,仲有一萬,咁既生活,好過好多人.

私人傳訊

bananatree

複式洋房

積分: 427

19^#

發表於 11-11-26 16:30 |只看該作者

回覆 kittycat0519 的帖子

其實樓主已知道唔少資料。
1. 轉名時未能通過入息審查,一般會給予暫住該單位一年。
2. 而以繳交雙倍租金作條件,去保留原有居住單位,暫未聽聞有此做法。
3. 在轉名時房署都可以重新作出審查。樓主要去分清楚(可以)到底係乜?
4. 問題 : 一對年老夫婦居住一公屋單位,在任何一方去世後,就變了寬趟户,在處理轉名時房署會唔會要求佢搬屋呢?

私人傳訊