PS: 內附驚嚇/鬼異/超自然科學情節. 請大家有心理準備!
經過咁多集玩野99之後, 我何嘗唔想鬧爆佢, 一腳申佢, 兜巴星佢呢....係我無辦法對付佢...因為佢真係好邪......
經歷1) 有阿婆係我後面
有一次我放狗,記得當時我同個男狗友面對面傾談緊有關狗糧同便便既話題....講到一半, 狗友個樣突然嚴肅起來...而眼神由久唔久望住我..變成望住我後面..
過咗一陣....我都感覺到好似係我後面有D野望住我咁...之後感覺越來越強烈.........除了覺得有人望住之外...我仲聞到強烈既人臭味....直到佢貼近我背隻......狗友好驚訝佢用手指指住我後面:[有個阿婆企你後面......你識唔識架?]..我轉身一望...[99!!!!] 真係比佢嚇死, 99啞架咩!!!!!!
狗友後來話:[佢厘係樹後面BEAR咗你好耐架啦, D 眼神都好凶架~唔知仲以為係果D街頭痴線婆走埋來用刀桶你呀...原來係你99~~~好心你叫佢開聲叫你啦~] 原來個次99想睇下我係咪同個男狗友有路, 所以[裝]咗我好耐~
經歷2) 陰宅
之前姑9都係住同一大廈,因為想放盤所以再從新裝修一下...完工後,佢邀請我地去佢屋企參觀下....該天我同C6較早時係屋企隊咗支紅酒,心情大靚~我同C6一入到去,姑9熱情款待..我地都好開心....佢叫我地周圍睇下...400尺屋一眼睇晒啦~...姑9話,不如睇下個廁所入面啦,不過仲有好多灰泥, 叫我地係門口望入去.....我同C6好正常咁企係門口, 一齊半身烏入去睇,......
一睇!~~~WAH!!!!!!~~~~~~有個人頭係浴缸申出來, 嚇到我同C6彈起尖叫, 我地兩個亙相抱實...好驚, 真係好驚~
原來99一直係屋入面,又唔出來打招呼...就係果個時候係廁所入面烏個死人頭上來, 大家迎面一望,嚇Q死....果次比佢[陰]到應一應...我咁大個女未試過睇樓睇到咁驚~呢間仲唔係[陰]宅!!!!!
經歷3) 半夜來嚇~
該星期C6都返通宵班,所以成個星期都係得我同狗狗係屋企, 我習慣係11-12點開始用HEADPHONE窒住對耳打機,而且熄晒D燈...費事99話見到我間屋有燈知我未瞓又上來坐....
初初狗狗每到11-12點期間,會狂聞大門同門隙...由於我打機大過天, 狗狗冇吠我就冇理佢....直到過了4日,狗狗都係果個時間聞爆隻門..個次仲用手R門同撞門TIM, 因為好似有人搞我門鎖
我諗....唔通有人想爆格???? 夜MA MA...得我一個女人, 都幾不安架....但我要維護我個家!!!一於見人殺人, 見鬼趕鬼~~~
我靜雞雞...先阻止狗狗R門...我去門眼望一望.....而~冇人呀?....但狗狗既行為好肯定係有D野~所以我先安排狗狗坐後少少....有咩事放狗狗出去咬爆佢~....我手持酒樽一個, 隨時有賊既話就爆佢樽....我無聲無色....一野就開咗個門~大叫[邊個!!!!!]...直望冇人...一望下面,原來99踎咗係度, 差D一野爆佢頭~99都比我咁快既行為嚇傻咗~.....事後,我問佢咩事,佢話日日去完姑9度都順手上來[聽]下我地係咪屋企~,佢仲質疑我,早幾日係咪趁老公唔係屋企我冇返來訓 (其實我打機)....見我冇開燈又冇聲....今日仲打算開我門TIM....
點知一想開門就比我嚇到坐係度~....佢同C6投訴我話我嚇佢....其實都唔知邊個嚇邊個啦!!!!!
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
返回列表
