吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔知仲有冇人想睇下文呢?

婆媳關係今日: 0|主題: 27778

收藏本版

發帖

返回列表

跳至頁

查看: 30852 | 回覆: 333

12 3 4 5...17

積分: 1280

1^#

發表於 12-4-15 00:08 |只看該作者 |倒序瀏覽 |打印

http://forum.baby-kingdom.com/forum.php?mod=viewthread&tid=3508610&extra=&page=1

唔知仲有冇人想睇下文呢?

0 1 0

私人傳訊

@Ting@

男爵府

積分: 8148

2^#

發表於 12-4-15 00:58 |只看該作者

回覆回覆:ACB@2011的帖子

睇晤到

私人傳訊

ACB@2011

大宅

積分: 1280

3^#

發表於 12-4-15 01:00 |只看該作者

回覆 @Ting@ 的帖子

係呀..........可能太耐啦..............等我 copy 返出嚟先..........

私人傳訊

ACB@2011

大宅

積分: 1280

4^#

發表於 12-4-15 01:01 |只看該作者

人物代號:
KN - C6 大細佬
KL - C6 細細佬
C - KN 嘅同居咗七年女友, 唔係香港人嚟嘅, 不過亦唔係大陸人, 6299 都當正佢係自己新抱架喇
CH - C 個囡, 不過唔係 KN 嘅, below 十歲

事情要由五年前開始講起, 當時係我第一次見里一位依家係我 99 嘅伯友, 仲要係我開到口問當時仲係我男朋友嘅 C6:"點解我地一齊咗咁耐 (幾個月) 都未去識下你 D 屋企人嘅?" 之後佢冇答我, 我亦冇再追問...結果晌西九龍中心行到咁上下我就自己一個走先喇 (因為之前已經知道佢果晚要同屋企人做節食飯), 上到 Van 仔兼開埋車, C6 打嚟, 好緊張咁嚟問我晌邊, 我話已經上咗車啱啱開走埋喇, 佢就問我嚟唔嚟一齊食飯, 咁我咪惟有嗱嗱林落返車, 走到咁嚟返上西九中心嚟去回合佢囉, 見到面坐底, 我梗係好識做咁嚟嗌晒人啦, 之後伯友仲指住 C6 嚟同我講:"佢問我可唔可以帶多個朋友嚟食飯喎, 我梗係話可以啦!" 我見佢都好似幾 like 我咁, 有講有笑, 我咪笑笑口好奇咁問伯友一個問題囉:"呀...?! 點解佢 (我指住 C6) 咁得意嘅? 佢話佢唔會飲水 (清水) 架喎......" 等等幾個壞習慣, 仲問:"佢由細到大都係咁架?" 點知伯友"馮"聲變咗做殺亞人, 仲高盡八度咁話:"咁妳咪飛咗佢囉!!!" 當時全圍枱十幾個親戚即時鴉雀無聲.......我心唸, 嘩...妳擋0太洗唔洗樓得咁快呀, 哦...原來妳識得玩京劇變臉嘅, 早晌吖....
從此, 江湖就開始多事啦~~~

如果大家想知跟住 D 情節嘅話, 我先繼續 post 啦, 免得大家覺得悶而大家時間, 大家都知里排幾多經典之作架啦.....

預告: 中秋送月餅俾佢, 一路話 "唔洗啦"; 一路申隻手過嚟拎, 接到之後就.........
大時大節要食兩次飯..........

私人傳訊

ACB@2011

大宅

積分: 1280

5^#

發表於 12-4-15 01:01 |只看該作者

多謝咁多位賞面容許我可以晌里樹一次過呻晒咁多年嘅冤屈氣出嚟......

話說回來, 之後大家晌鴉雀無聲之後, 就有其中一位親戚挑起第二個 topics 嚟打完場喇……….

後來我先至知道原來類似嘅飯局; 係久唔久就一劑架喇, 因為原來 99 得一個阿哥, 父母好早就已經走晒, 而舅父又可能因為得兩個囡, 所以當正 99 里三個係自己囝咁嚟錫嘅, 其中最特別得寵嘅仲要係我 C6, 因為 C6 面世果陣; 佢兩個囡未出世嘅, 所以可能因為先入為主嘅傾向咪偏心到出晒面囉...我 C6 嘅嫲嫲都係咁架, 佢仲在生果陣, 年年三個孫嘅利是; 最大果封一定係我 C6 果封架…..

之後里 D 咁嘅飯局我都有份出席, 但係盡可能都唔會主動同伯友傾計喇, 以免招架唔住啦, 但係果個同我 C6 性格完全相反嘅 KN (不嬲出名口臭之人) 就好似好鐘意揾我嚟串咁, 咁我當時心唸, 無論我同你大佬咩關係都好; 以輩份嚟計我點都高過佢, 所以我就毫不留情咁串返佢嘅, 同時我亦想俾伯友知道"其實我只係尊重妳唔駁妳咀咋!" 就係咁, KN 接過我幾次嘅還擊又吹唔返我脹嘅情況底下, 梗係頂住條氣啦! 而伯友果然亦都係聰明人, 果半年嚟佢都對我客客氣氣…….
好快到咗中秋喇, 我梗係好識做咁係咁二都拎盒月餅 (最普通嘅美X雙黃白蓮蓉, 唸住如果同里個男人有將來嘅, 先至逐年 upgrade 上去, 費事一開始就整慣姿勢) 先去食飯啦, 見到伯友就話:"伯友, 俾妳食架" "氣…唔洗啦" (個口一面講, 隻手一面伸出嚟接), 跟住同我 C6 講:"果 D 叫冰皮嘅月餅; 好似幾好食咁喎, 呵?!" KL:"阿媽妳食冰皮架咩?" 伯友即時擺出賤兔斜視樣 bear 住 KL, 好似話佢好穿佢煲咁……飯局後我問 C6, 伯友鐘意食冰皮架咩? 你做乜唔同我單聲呀?! C6:"我唔知喎" So, 我就 cfm'd 伯友嘅弦外之音喇, 其實講真, 一盒美X雙黃白蓮蓉同一盒大X冰皮相差無幾, 我又點會計較里 D 雞毛蒜皮吖, 如果我一早知道原來阿伯友咁 in 嘅話, 我一定揀"卑鄙"俾佢啦......不過好好醜醜都叫第一年; 所以我都有再問 C6, 咁不如買多盒冰皮俾佢地, 係 C6 話唔洗啫.....
同舅父一家出街食咗一次做節飯之後, 我咪一心唸住咁中秋正日咪可以同 C6 一齊搞自己 sweet sweet 嘅節目囉, 又唸住拍拖之後第一個中秋嘛, 點知 plan 好晒之後, 中秋當日日頭 C6 收到屋企來電話要返屋企食飯, 我咪覺得好奇怪咁問:"乜唔係做咗節架啦咩?" C6:"佢 (唔知係世伯定伯友) 話果日係做咗節, 不過今日係正日就返屋企食飯咁囉" "乜你屋企過時過節要做兩次節架?" "唔係……………..咁…………..我地食完飯先出去囉" 我晌好無奈嘅情況下接受咗, 但係之後里幾年嚟嘅大時大節; 大部份都係要食兩次個囉, 一次出街 combine 埋舅父一家食; 正日就要返 99 屋企食, 就算今時今日我同 99 咁多心病, 都仲監硬要去應酬佢, 真係十萬個唔願意囉........

私人傳訊

wong191

珍珠宮

積分: 39387

育兒性格勳章畀面勳章

6^#

發表於 12-4-15 01:02 |只看該作者

回覆 ACB@2011 的帖子

想

私人傳訊

ACB@2011

大宅

積分: 1280

7^#

發表於 12-4-15 01:02 |只看該作者

原帖由 jesuslovesyou 於 10-11-4 12:30 發表
其實妳都算"識做" 丫....
中秋送月餅.....
不過老人家係咁講野...係要egg 裏挑bones, 唔好放上心is ok~~~

做節呢d.....真係"大topic", 亦好難傾...... 各人有各人傳統, 呢d 真係無話o岩/錯..... ...

妳講得啱.......各處鄉村各處例嘛, 之不過之後嘅冬至同團年都係食兩劑嘅時候, 我咪再問 C6 嚟 cfm 吓囉, 但係佢好似完全洗晒腦咁, 要我講返晒每次去咗邊道食 or 食過 D 乜嘢佢先至話:"係咩?! 有咩?! 又好似係啵..." 本來我都絕對地唔介意個個大時大節都要食兩次飯里家嘢嘅, 但係妳睇埋落去妳就明白點解我咁怕要應酬我 99 架啦, 簡直可以用正正式式餐餐 (飯) 都俾人插嚟形容呀....

我 C6 本身係一個好依賴嘅人嚟嘅, 所以以佢十居其九都返屋企食飯嘅人嚟計 (OT O 到半夜兩點都返屋企先食飯嘅), 佢咪唔多覺得 or 記得做過幾多次節囉, 我唸如果佢唔係同咗我一齊, 佢到返天家果日都未察覺到啦.....

人地以為我 99 好大家族呀, 咁多做節飯要食........仲要加埋佢同 62 生日呢, 就嚟連佢屋企隻小強牛一都要大排宴席呀.........

私人傳訊

ACB@2011

大宅

積分: 1280

8^#

發表於 12-4-15 01:03 |只看該作者

自從同伯友見多咗面之後, 唔知點解佢好似成日都好掛住我 C6 咁, 好多時 weekend 唸住二人世界 sweet sweet 吓嘅時候, 佢就打嚟話:"煲咗 D 乜乜乜呀, 今晚返嚟食飯啦" 咁我 C6 本身就係一個屋企人叫佢做乜都會竭盡所能嚟去完成嘅人嚟嘅, 所以漸漸返佢屋企食飯就成為咗我地其中一個拍拖節目喇, 仲要有時係山長水又遠咁仆返去食個喎, 因為我本身係獨居新界東人仕, 而 C6 本身有層樓晌新界西 (for 渡假 only), 放假嘅時候, 我地好多時為咗慳錢都會選擇去是但一方屋企 hea 嘅, 之不過阿伯友係住九龍區個啵, 四五點一個電話嚟, 就要七點返到去食飯, 好似放親假都要用嚟 stand by 上去伯友屋企食飯咁, 咁都算啦, 上到去食完飯, 伯友就成日借 D 二咁嚟問我佢個囝平時唔肯講佢知嘅問題, 起初都覺得係 C6 有問題嘅, 但今時今日我完全明白點解 C6 會用 D 咁唔耐煩嘅態度嚟應佢 or 甚至當聽唔到索性唔答佢囉, 整整吓.....放親假都係咁, 頂唔順之下晌某個 weekend 我同 C6 講:"其實放假係咪一定要返你屋企食飯架?" "唔係.....................咁....返去食餐飯又有咩問題啫?" "我唔想餐餐上到去; 你阿媽都要我玩冇獎問答遊戲咁囉, 仲要答 D 講又死唔講又唔得嘅嘢, 而且佢整嘅餸主打多鹽多糖兼多油, 我真係覺得唔係咁啱我囉, 再者, 我地都咁大個人咯, 有自己嘅生活空間都好正常啫, 下 fa ?!" "妳咪當聽唔到囉.......我覺得咁樣先似街外面果 D 嘢食喎, 咁先好食個喎 !" 跟住.......唔洗講, 梗係開火啦, 經過唔知幾多個回合同不分勝負之下; 不歡而散.........
之後果次放假 C6 嚟我屋企揾我, 講明"今晚"唔洗返去食飯架喇, 但係…我覺得我同 C6 之間仲有好多其他未能夠 adjust 到嘅問題, 所以我提出咗大家暫時分開冷靜下……………

私人傳訊

ACB@2011

大宅

積分: 1280

9^#

發表於 12-4-15 01:03 |只看該作者

原帖由 yamaneko 於 10-11-5 11:42 發表
聰明!

一日未結婚都唔好咁親伯友呀, 只不過食飯d咁簡單既問題, 你bf 都咁bb, 日後你有排煩.

人貴自立麻.

其實可能因為佢係三兄弟之中最讀到書 & 最揾到錢 & 最肯俾家用果個啦, 所以佢真係億萬寵愛在一身架, 簡直係鑽石菠蘿呀, 完全唔識照顧自己架, 例如佢自己間屋 D 廁紙用晒, 竟然係山長水遠咁晌阿媽屋企拎過去用…
即係由九龍拎兩圈廁紙返新界西屋企用喎………我第一次知道咗之後真係覺得自己見識淺薄, 一百歲唔死都仲有新聞聽呀......

私人傳訊

ACB@2011

大宅

積分: 1280

10^#

發表於 12-4-15 01:04 |只看該作者

晌 C6 再三揾返我之後, 咁就暫且冇事啦, 而亦都冇再話下下都要返佢屋企食飯啦, 因為 C6 同咗伯友講:"如果妳唸住幾時食飯就早 D 講, 要預時間嘅" 再加上我開始唔係次次都跟佢返去食喇, 咁我估伯友都會估到咩事啦, 咁佢就開始對我有所微言喇………
但係佢有咩唔滿意都唔會直接同 C6 講嘅, 因為無論佢晌任何機會之下嚟同佢講; 最終 C6 嘅回應都只會係一樣, 就係無論聲音同表情都毫無返應架啫, 即係同一件傢俬電器講嘢冇分辨, 所以佢就會揾 KN 呻嘅, 而 KN 就會利用每次大時大節嘅飯局嚟整我……
佢…真係當我傻嘅咁, 我梗係還擊啦, 而每次嘅過程阿伯友個賤兔 look 就會現身架喇, 就係咁, 我越嚟越少見佢地, 甚至同 C6 鬧過好幾次分手, 伯友就晌隔離潑火, 例如佢知我離過婚嘅, 就話:"做乜有咁多選擇要揀個離過婚架啫" C6 又竟然傻到會講返俾我聽喎, 咁我咪自動施展隱身術囉, 但係 C6 對我唔肯放手, 咁個結果咪好自然地令伯友覺得我里個賴蝦毛搶走咗佢果個讀得最多書又揾得最多錢嘅寶貝仔囉.............

P.S. 由於 C6 過份依賴嘅性格, 所以造就咗佢兩個細佬似係佢大佬多過似係細佬咁嘅...

私人傳訊

ACB@2011

大宅

積分: 1280

11^#

發表於 12-4-15 01:04 |只看該作者

原帖由三順於 10-11-5 13:31 發表
施展自動隱身術高招，以退為進，咪等佢地以為離過婚冇晒market，冇得揀

其實我當時只係覺得 C6 一嬲都咁聽阿媽話, 而佢阿媽亦未曾冇道理嘅, 咁我咪避開 C6 囉, 講真我又真係唔係 C6 果杯理想之茶; 性格上又嚟自兩個星系喎, 所以我選擇放棄; 都只不過唔想再 side 大家嘅時間啫, 又可能因為我知道咗有一個真係條件上好過我嘅人鐘意 C6 啦, So 我唸都冇唸過就失咗蹤喇…

私人傳訊

ACB@2011

大宅

積分: 1280

12^#

發表於 12-4-15 01:05 |只看該作者

就係咁, 我同佢屋企比之前生疏咗好多, 除咗大時大節嘅飯局之外, 基本上其他所有無嗱嗱嘅飯局我都會缺席嘅, 不過 C6 每次都不厭其煩咁嚟問我去唔去喎, 拖下拖下, 結果拖到冇得再唔去, 因為...........C6 晌某次嚟我屋企飯局嘅時候, 俾我阿哥, 阿嫂同媽咪追問我地:"有冇打算過將來....." 簡單 D 嚟講即係迫婚啦.......
咁...我見媽咪同阿嫂都迫得我地幾緊, 而實在我地嘅年紀又真係開始唔可以再講挽笑喇, 咪開始著手搞結婚嘅所有嘢囉, 與此同時, 我都覺得寄然已經嚟到談婚論嫁嘅田地; 都鼻哥窿擔遮啦, 所以我再冇話唔去食飯啦, 不過因為 C6 嘅依賴性格, 基本上佢好似乜都旨意晒我去搞咁, 由開始著手搞咗成半年有多喇, 佢屋企人都仲未知我地搞緊結婚 (當時已經 book 好晒影婚紗相, 租衫同酒席架啦), So, 我同 C6 好多磨擦, 因為我覺得佢唔想同我結婚, 咁我就將所有嘢 stop 晒...但係到咗依家, 我完全明白點解佢唔想咁同佢屋企人講囉, 因為原來越早講, 佢屋企人就越多麻煩里路嘅.......
兜轉 plus 拖拉咗十一個月, 亦即係婚期前三四個月, C6 終於同佢屋企人講話我地結婚嘅事, 當然俾人鬧到曉飛啦, 但之後由果一刻開始, 6299 & KN 就更加麻煩啦.......

私人傳訊

ACB@2011

大宅

積分: 1280

13^#

發表於 12-4-15 01:05 |只看該作者

自從佢地知道咗我地結婚之後, 除咗伯友同 KN 晌樹 B LEE BA LA 話我地好咁耐都唔出聲之外 (因為佢地係咁盤我地 D 咩咩咩幾時 book 架? D 乜乜乜幾時做架?) KN 第一時自薦話一定要有佢份做兄弟喎, C6 話俾我知果陣, 我真係好嬲 plus 好驚呀!!! 我心唸" 唉.......咁即係我班姐妹要受罪啫..
仲有, 晌佢地不停嘅又里又路; 又薑又醋嘅時候, 我真係好覺得佢地好似想話我地好先斬後奏咁囉 (即係如果早 D 俾佢地知道 C6 娶我嘅話就一定會阻止) 因為伯友親口問過我:"妳阿媽知唔知你地結婚呀?.......佢幾時知架?"
又有一次, 婚期前嘅做節飯局, 伯友晌完全冇講起結婚里壇嘢嘅情況底下, 無啦啦同 C6 講:"對龍鳳鈪我尋日買咗啦!" 點知世伯忽然好大聲咁話:"成萬四蚊呀!!!!!!" 我即刻唔知俾咩反應好, 因為我屋企嘅家教係送嘢俾人係唔應該講俾人地知買咗幾多錢嘅, 咁我個心即刻明白多一件事, 就係完全了解到點解同 C6 拍拖咁耐; 佢咁計較我送俾佢嘅禮物係幾多錢啦, 而且佢仲會因應我買嘅果份幾多錢而回禮俾我添........
飯後我梗係又私底下問 C6 佢地咁講係咩意思啦, C6 照慣例咁嚟答我:"佢地講下啫..."
好喇, 婚期將至, 就約好咗媽咪同伯友去試衫啦, 估唔到阿伯友竟然仲早過我去到婚紗舖 (我地晌我自己住嘅果區 {新界東} 揾到一間啱我地要求嘅婚紗舖租衫, 而我媽咪係住係我附近嘅, 咁即係話伯友過嚟係最遠嘅果一個, 落訂果陣我都有再三咁嚟問 C6:"伯友入嚟揀衫好唔方便喎" 不過 C6 堅持咁話:"得架啦, 有幾遠啫, 一程巴士之嘛......") 我去到嘅時候佢已經揀緊, 揀揀試試咗一倫, 拎住兩套同款唔同色嘅晌樹心大心細之際, C6 問我:"妳話邊套好 D 呀?" 我話:"個阿媽係你嘅, 你幫佢揀囉" 我唔想俾意見嘅原因係一來我真係驚又唔知會唔會踩到佢條尾, 二來我又幫緊媽咪揀, 點知就係里個答案, 就晌試衫事件之後; C6 收到 KN 嘅來電投訴, 我問 C6 KN 打嚟嘈乜, 佢話我好唔當伯友係阿媽喎...... 我即刻 O 晒咀啦, 一則我都未過門, 二則就算我過咗門; 極其量都只可以係佢半個囡嚟啫.......之後我同媽咪呻晒試衫, 金器, 佢地問長又問短嘅事, 媽咪當然唔高興啦, 所以就嗱嗱聲走去金舖; 將我 D 嫁莊加碼, 佢話費事第日俾男家果邊 D 人睇少我喎..... 而且我媽咪仲教定我, 一過門就好俾返舊大 D 嘅錢過佢地, 話係俾佢地買嘢食嘅, 免得後患無窮呀.....

私人傳訊

ACB@2011

大宅

積分: 1280

14^#

發表於 12-4-15 01:05 |只看該作者

到咗結婚當日, KN 如我所料得罪晒我班姐妹啦... 我同 C6 投訴, C6 今次竟然當住全班兄弟面前狂片咗佢一餐, 連我都嚇親... 咁之後佢先至收歛下……
至於 6299 就由過門到行禮都冇乜嘢嘅, 係唔知點解到擺酒果陣, 幫 99 化妝嘅姐妹同返我講:"唉…妳有排受啦" 本能返應地再問佢點解, 但佢到今時今日都冇講俾我知, 不過我唔明我姐妹晌幫佢化果個妝都只係果三十分鐘左右, 何出此言呢? 真係百思不得其解……
敬酒果陣. 嗌得最大聲"飲杯"嘅 KN, 敬晒廿三圍之後, 佢杯酒好似冇飲過咁, 反而我就乾清咗幾杯紅酒囉………
第二日瞓醒起身點禮金數, 如我所料, 99 抽起咗佢自己 D friend or 親戚親手交俾佢嘅果堆禮金…….其實 C6 一早已經同佢講咗, 女家果六圍禮; 我媽咪要收返, 因為媽咪本身已經冇要我 C6 嘅禮金, 所以需要果六圍嘅禮嚟幫補下 D 買金器嘅錢, 而其餘全部都要留返嚟找酒席數嘅, 之不過 99 佢………….C6 冇追究, 而我亦冇出到聲, 仲開返兩張八千蚊嘅票俾 6299 (因為 62 俾咗一萬蚊現金過我地做禮), 而由於媽咪另外津貼咗萬幾蚊俾我地去渡蜜月, 所以我地先至有得去日本渡蜜月咁開心......

私人傳訊

ACB@2011

大宅

積分: 1280

15^#

發表於 12-4-15 01:06 |只看該作者

結咗婚冇耐, 我發現 99 有舖好奇怪嘅癮, 就係一揾唔到 or 未揾過我 C6 就打我電話嚟揾我, 最初我以為係我唔慣啫, 後來連我 C6 都開始覺得唔妥就叫佢有咩事就揾咗佢先, 點知有一次返 99 樹食飯, 佢問我:"阿 XX (My English name) 乜平時唔可以打電話揾妳架咩?" 好奇怪 C6 竟然咁啱魂魄冇出竅咁截住佢話:"妳有咩咪打俾我囉!" 99 即時咩晒音咁話:"家陣我問下唔得咩!!!" 我就即刻打完場咁話:"哦…….唔係……..不過放咗咁耐假 (婚假), 積咗咁耐 D 嘢要清咪忙 D 囉...." 查實我都唔太想聽到佢巴聲, 好似成日打嚟 check 住我地 D daily schedule 咁......
又有一次 99 同 C6 投訴話我地返得去少, 又話人地阿隔離屋個仔阿邊個邊個結咗婚之後; 個個禮拜都返阿媽道食飯個喎………我真係好想同佢講:"我媽咪都唔會要求我個個禮拜咁嚟返屋企食飯啦, 咁唔捨得個寶貝仔就咪俾佢結婚啦, 由拍拖到依家都係咁, 好似見少陣都唔得咁, 不如索性揾個樽裝住佢擺係屋企養到佢返天家為止吖, 笨……"
當然佢又係 KN 面前投訴啦, 搞到 KN 有次揾位嚟話我地:"梗係我啦, 唔係我, 邊個陪佢地去街呀?" (話說講緊佢地去完某處) 我心唸:"係呀, 仲慳唔少添呀, 一家三口下下都要 99 找晒數......."

私人傳訊

ACB@2011

大宅

積分: 1280

16^#

發表於 12-4-15 01:07 |只看該作者

其實我由第一次見里個人已經 feel 到佢果股氣架啦, 所以我都拖到臨結婚前先俾個手提# 佢, 結果又俾我估中囉, 佢非常附合經濟效益咁用到盡啦.......
我份人唔會咁直接嘅, 只會洗出四兩撥千斤嚟灑佢架啫, 佢打嚟問乜我都話問下 C6 先 or 叫 C6 覆佢囉, 如果佢發爛渣話:"咁妳唔知架咩??!!" 我就清一色咁嚟答佢:"唔係.......不過我驚答錯妳嘛, 妳等我問下 C6 / 等 C6 話過妳知啦" 仲要係用 D 好平淡嘅語氣嚟答佢喎, 因為我費事為里 D 咁嘅人死咁多細胞呀!
而我亦好明白點解佢首選揀我嚟問嘅, 一來佢會覺得我唔答佢唔得咁 (佢估我唔到會咁嚟灑佢架嘛), 二來我 C6 又真係用 D 好厭煩嘅態度嚟應佢個喎.......@!@

私人傳訊

ACB@2011

大宅

積分: 1280

17^#

發表於 12-4-15 01:07 |只看該作者

今次我要講一件幾駭人嘅事件, 我估冇咩 99 曾經試過咁.....
話說我 99 嘅職業係晌一間小學入面做類似工友嘅職務, 已經做咗十幾年架喇 (好似), 有一日, 佢晌工作時間內同另一位工友發生爭執, 本來只係口角, 但竟然繼而動武.....
C6 同果間小學嘅校長係多年朋友, 校長晌電話樹同 C6 講, 係 99 出手先嘅, C6 講返俾我聽嘅時候, 我梗係嚇到呆咗啦, 雖然平時都覺得 99 係蠻幫一族, 但斷估佢唔到佢除咗出口之外仲會出"手"傷人架嘛.....而我同 C6 即刻去睇下佢有冇事先啦, 佢塊面有傷痕, 個身就唔知喇, 至於另一方亦有受傷, 不過傷勢都應該唔係好嚴重啫, 而晌校長嘅交涉之下, 相方庭外和解, 但係 99 就要提早一年退休.... 總之就嚇到所有人返晒去睇佢啦, 好在對方真係肯唔追究咋, 因為有目擊証人話見到係 99 出手先架...........

私人傳訊

wong191

珍珠宮

積分: 39387

育兒性格勳章畀面勳章

18^#

發表於 12-4-15 01:07 |只看該作者

回覆 ACB@2011 的帖子

追

私人傳訊

ACB@2011

大宅

積分: 1280

19^#

發表於 12-4-15 01:07 |只看該作者

原帖由 MaMaSteph 於 10-11-11 13:20 發表
打人??? 好冇品喎.........

話時話, 佢會唔會有日你講嘢唔啱聽打你架?? 小心d好喎!!

99 話佢唔係打佢喎, 只係攞嘢起某樣嘢掟向某處, 點知掟中佢喎.......但係...我估就唔多似係囉.......

私人傳訊

ACB@2011

大宅

積分: 1280

20^#

發表於 12-4-15 01:08 |只看該作者

原帖由 TobyChung 於 10-11-11 14:54 發表

阿惡毒奶奶嘅新抱未講完就失咗蹤, 好似唔係得把口GAR~~

妳有個有暴力傾向嘅奶奶, 妳都要小心啲啦~~ 之後點呀~~ 繼續講~~~ (不過我反而想知妳叔仔點解(/點樣)得罪班姊妹~~) ...

咁驚.......

佢咪晌接新娘果陣有咁大聲得咁大聲嚟講嘢囉, 我睇返錄出嚟 D vedio 淨係得佢把聲咁囉, 結果嘈到其中一個姐妹出盡飲奶嘅力嚟喝停佢囉......又對 D 姐妹評頭品足, 覺得最醜樣果個就嗌人地做"極品"...... D 遊戲易玩果 D 就話等佢頂, 難玩果 D 就即刻閃埋一邊...... 當正自己係大會統籌咁, 指里指路, 好似佢自己先至係主角咁.......問都唔問就衝入嚟新娘房...................太多啦..............