時政擂台今日: 0|主題: 60382

收藏本版

發帖

返回列表

跳至頁

查看: 486 | 回覆: 6

呀梁CEo 你系咪傻嫁？！ [複製鏈接]

delimama

複式洋房

積分: 274

1^#

發表於 12-5-28 15:54 |只看該作者 |倒序瀏覽 |打印

本帖最後由 delimama 於 12-5-28 16:10 編輯

各位網友、媽咪們，你地話嘞…呢條友仔系咪太天真、太傻… （有d長）

有個熱血傻仔，見到鄉下一間大公司管理失當，近十幾年淨系食老本，而隔離岸嘅對手就起得好快。佢唔忍心見住間百年基業就咁陰乾被淘汰，近兩三年走嚟走去研究間公司嘅問題，諗住等三五七年後、系改制後嘅股東大會出嚟選CEO。

點知佢睇見今期個CEO人選，同d供應商關係千絲萬縷，傾斜程度比就嚟退休果個便宜小貪CEO仲勁。佢唔想睇住間公司死快d，就「正義超人」上身、改plan提早走出嚟。

咁，班供應商個心梗系唔gur啦；而果班平時靠吹水呃飯食嘅顧問，又點會like呢個冷有雄心嘅實幹形吖；仲有一班海外大鱷，系度昅實侍機抽油水。條傻仔，系呢個腹背受敵嘅形勢下，仲埋頭埋腦咁砌個救亡大計出嚟…

佢見到公司內耗得好勁，山頭主義充斥。好多部門拎左d地冇用到、又唔放番出嚟，攪到起樓個部門冇地用，令到d小股民居者冇其屋。佢就想將起樓同管地嘅隊伍 group埋一齊，咁就可以宏觀d咁做規劃啦！
--＞天真！果班靠齋吹呃飯食嘅顧問，為左佢地九月張新合約，點會同你合作吖！系甘嫁喇，佢地擺明系對人唔對事、睇自己飯碗唔理小股民嫁喇！你睇唔通，系你天真啫！

個傻仔，又發現間公司陰乾系因為冇新客，咁咪提議整條team 出嚟做Business Development 搵新客源。而原本嘅人繼續focus 做existing business，新請嘅BD head就順理成章 report 比依家睇住盤數嘅老細，咁就有晒synergy喇。
--＞戇居！呀傻CEO，你當班吹水顧問流架？！佢地仲唔鬧爆你嘥公司錢系度「架牀疊屋」，唔通等你去解決問題呀，咁到時佢地仲有地方企！加埋果d外資報紙日日出號外向d小股民洗腦，話你系被派嚟專責剝奪股民自由嘅紅色卧底… 總之實行內外夾擊，等你咁易去fix d問題吖嗱！

條友仔仲傻得好勻循，除左治標、仲想治本。佢覺得要根冶公司競爭力下降嘅問題，就要長遠咁就要攪好人力資源，佢就提議將文化推廣、教育、on-job training、人力調配等有關人力開發人力統籌嘅嘢group 埋一齊管。而呢個系醫治公司根本病源嘅大議題，好鬼strategic, 所以就諗住搵個人專門睇實、仲建議report 比依家個COO ，咁咪好good fit。
--＞傻瓜！你同班靠吹呃飯食嘅人講長遠 strategic planning，即系對牛彈琴。佢地鬧你夾硬堆砌呢個post 出嚟，唔系因為佢地冇料睇唔通resources development 嘅策略性；而系因為佢地冇心同你講long-term。如果班吹水顧問系肯真心幫公司嘅，間公司又點會淪落到咁吖！乜你唔記得依家系你地要問責，唔系佢地吖！

個傻仔仲好天真熱血咁諗，以為只要為公司好，d小股民就會支持，有左股民支持就可以有大d嘅 bargaining power 同board of directors 講數，可以叫個board 比多d自由間公司自己run，佢仲想爭取請d有反對背景嘅人才入去公司做，咁就用人為才一家親。
--＞算喇！傻仔。咁易比你做到大和解，d人仲可以抽咩水搵咩嚟鬧？佢地唔單只要你失威而拎唔到個board 嘅信心、仲要等你做唔到嘢而得唔到股民支持，咁佢地就可以繼續乘亂抽水、繼續有嘢比佢地鬧，咁佢地就可以袋穩九月果張新合約。哈，你七月想齊腳開工系冇可能嫁喇，咪傻啦！

唉！講左咁耐，等我呢個 auntie 借屈原一句話送比你啦，呀傻梁：
「路漫漫而修遠兮，吾將上下而求索」
尋求真理嘅路系既漫長又艱難架，希望你唔駛攪到好似屈原咁喇~~