吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 3年半的良好主僕關係可能除時泡湯...

論盡家傭今日: 2|主題: 134085

收藏本版

發帖

返回列表

跳至頁

查看: 949 | 回覆: 15

3年半的良好主僕關係可能除時泡湯... [複製鏈接]

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

1^#

發表於 12-6-13 12:15 |只看該作者 |倒序瀏覽 |打印

好耐冇上來論盡了, 因為個印姐都真係唔錯, 都算感恩, 但近排有小小問題出現......

2008年請她, 當時大仔3歲, 細女4個月, 我是 ftm 所以我主力湊大仔, 姐姐主力湊細女.

一直都冇問題, 個姐姐從來冇黑我地面, 又好笑容, 又肯以錢代假, 放假日都8點返家, 雖然唔係聰明醒目, 但做錯事都會 say sorry, 唔會駁咀. 同99關係都好好 (非同住). 一直以來都好感恩, 覺得請左個好姐姐.

終於感到問題出現了, 就係我個大仔同佢極唔夾. 大仔因為性格問題, 比較敏感, 自從妹妹漸大, 大仔就越來越唔開心, 郁d都同個妹鬥氣, 攪到鬼殺咁嘈. 我已經盡量自己湊晒大仔, 但大仔成日唔妥姐姐就晒個妹, 好小事都嘈, 姐姐亦可能感到湊住妹妹已經唔同湊bb 咁舒服, 妹妹成日要佢同佢玩, 妹妹同哥哥玩, 通常都會好嘈玩到好亂, 姐姐脾氣就冇以前咁好.

有時聽到姐姐答妹妹都會拖長d 尾音, 我自己都un 耳. 何況對住大仔, 大仔又成日郁d 都郁手郁腳. 姐姐話大仔都有踢佢, 因為姐姐幫左妹妹, 大仔唔開心, 做出呢d行為, 姐姐又唔識處理, 總之就係姐姐已經唔可以一個湊2個, 唔係就一定嘈交收場.

我而家好矛盾. 因為姐姐原本2013年1月完第2個約, 初初我見佢算好好, 就打算同佢續約, 比 LSP 唔係問題, 最重要我唔洗重頭請過個 & 要駁. 仲應承左姐姐比佢8月返印尼見下個女, 再返來做多2年.

而家機票買左, 我都唔知點, 我勸過姐姐就算仔仔女女點跩, 佢都唔可以咁差脾氣, 問佢係咪都 OK, 洗唔洗諗清楚仲做唔做, 佢又話OK.
其實我心知, 繼續用佢, 我只能夠遷就佢, 完全唔比佢1個湊2個.

大家應為點? 定係等佢8月返完印尼, 如佢真係返來, 就同佢講唔續約? (其實我99都話要預埋佢8月飛左唔返來....)

煩到C~~~~

0 1 0

私人傳訊

mylulu007

伯爵府

積分: 15536

2^#

發表於 12-6-13 12:20 |只看該作者

問題是, 換了新的工人后, 你覺得最worse情況係點.

你對新工人有乜expectation?

如果只是工人的問題, 解決就好易, 但現在是兄妹間都有矛盾, 就要由根源處理.

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

3^#

發表於 12-6-13 12:26 |只看該作者

mylulu007 發表於 12-6-13 12:20
問題是, 換了新的工人后, 你覺得最worse情況係點.

你對新工人有乜expectation?

對~~~~~

我老公就係咁講, 佢話個仔要咁小氣, 就算有新姐姐都會一樣. 99意見, 說如果換了姐姐, 仔仔可能會覺得由零開始, 大家都係一樣, 事關仔仔個心根深柢固, 現任姐姐係請來湊妹妹的.

最煩係, 妹妹O黎緊返PM, 仔仔返全日, 就算我一個湊都分唔到身.

昨天99 試探仔仔, 問佢不如請另一個姐姐, 仔仔唔知做乜, 話唔好, 姐姐聽到就搭咀 "你叫媽咪請第2個姐姐湊你啦" 唔知姐姐是否又放風. 總之我地問親佢係咪續, 佢又話係.....

佢有冇機會係駁做到第5年呢? 其實佢做到第5年, 駁炒, 我比 1 MTH NOTICE 佢的話, 佢都係多小小錢......

費解......

私人傳訊

濕疹仔

禁止訪問

積分: 3977

4^#

發表於 12-6-13 12:41 |只看該作者

回覆：moonychan 的帖子

提示: 作者被禁止或刪除內容自動屏蔽

私人傳訊

zitzai

珍珠宮

積分: 35692

5^#

發表於 12-6-13 13:15 |只看該作者

本帖最後由 zitzai 於 12-6-13 13:16 編輯

請工人諗住幫自己手，但你明知佢 1 個搞唔掂 2 個，咁你留佢做乜？你話而家佢好幫得手你就驚死佢走O者，而家對阿妹都係咁，你續多個約佢都冇乜可能突然對住O的細路有番晒心機！到時咪又係家嘈屋弊

你有無觀察過兩兄妹同姐姐 3 個人相處O既時間係點？佢跟呢個工人時已經 3 歲識性，照計有個’陌生人’湊阿妹，自己霸晒媽咪應該好開心，點解佢要咁唔妥個工人？工人又有無刻意做O的咩佢整佢？其他屋企人又有無好偏心阿妹？

私人傳訊

rean_chau

公爵府

積分: 28591

6^#

發表於 12-6-13 13:26 |只看該作者

樓主，我反而覺得係你個仔仔要管教，小朋友郁手郁腳對於任何一個工人黎講，都係難接受既。同埋你覺得仔仔打姐姐係因為姐姐唔識得處理佢既情緒，你太容易原諒個仔啦。

姐姐係一個問題，但換左工人唔代表有D野係可以解決左。另一方面，妹妹又會點呢，如果佢唔適應新工人，又換丫？

私人傳訊

sorman

男爵府

積分: 7278

7^#

發表於 12-6-13 13:26 |只看該作者

就咁聽你所講，我仍覺得係你仔仔o既表現係問題所在。

換姐姐唔係大問題，最多係怕請到個唔好o既

但我覺得最大潛在危機係哥哥對住姐姐o既態度會越黎越唔好，仲會擴展到對父母／老人家同其他長輩都係咁。

我個人認為，若只係換個姐姐，大仔都唔會改善，因為佢都係會覺得姐姐係黎照顧妹妹。佢根本似係呷妹妹醋。

兩個都返學，你自己一個搞唔搞得掂？最多請多個鐘點？？

同埋，我個人意見係：為兩個細路長遠關係著想，係咪唔應該分做邊個主力照顧邊個？？

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

8^#

發表於 12-6-13 13:52 |只看該作者

zitzai 發表於 12-6-13 13:15
請工人諗住幫自己手，但你明知佢 1 個搞唔掂 2 個，咁你留佢做乜？你話而家佢好幫得手你就驚死佢走O者，而 ...

你好心水清呀!!!!!

我地都成日同仔仔講, 係"daddy mami" 全力湊佢, 佢應該開心先岩.

仔仔既問題係, 佢好佔有慾, 仔仔話 daddy mami 唔會唔錫妹妹, 咁, 妹妹有埋姐姐錫, 佢就多過佢喎......啤一聲.

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

9^#

發表於 12-6-13 13:55 |只看該作者

rean_chau 發表於 12-6-13 13:26
樓主，我反而覺得係你個仔仔要管教，小朋友郁手郁腳對於任何一個工人黎講，都係難接受既。同埋你覺得仔仔 ...

我仔既情緒問題唔係咁易攪, 已經排緊小童群益會了!!! 所以, 我都同姐姐講, 大仔係有佢既問題......

自從評估後, 已經明白仔仔好多, 佢追究爭取所謂佢自己眼中既公平.......

昨日有小小唔開心, 因為我由朝同仔仔溫書到5:30pm，打算抖一抖, 叫姐姐帶佢2個落去兒童室玩一陣, 返上來就食飯, 但只係1.5hours 都出事.......

mouth:

我都有罸仔仔, 及同佢講道理.

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

10^#

發表於 12-6-13 14:00 |只看該作者

補充小小, 姐姐有試過因為對住仔仔太激氣, 而搣佢....及自己發自己脾氣做出打空氣的行為.

唉, 其實佢有以上2種行為都已經可能係好多媽咪心目中不能忍受的, 我就係成日覺得都係自己仔跩先令到佢咁, 同佢好聲好氣咁傾過幾次了.

去到呢個位, 好似雞肋咁. 如果有得揀, 佢當然想我24小時攪返個仔......咁就大家相安冇事.

私人傳訊

zitzai

珍珠宮

積分: 35692

11^#

發表於 12-6-13 14:08 |只看該作者

moonychan 發表於 12-6-13 13:52
你好心水清呀!!!!!

我地都成日同仔仔講, 係"daddy mami" 全力湊佢, 佢應該開心先岩.

如果係咁咁可能你 99 個方案會 work，洗牌o黎過，但同意樓上媽咪所講，今次盡量咩都 ’一齊’，’公平’o的，唔好分開照顧，鼓勵佢地兩兄妹玩多o的

有無可能俾o的咩共同目標佢兩個？或者叫哥哥多o的參與照顧妹妹，俾個大人 role 佢做？可能多o的 responsibilities 佢覺得妹妹無o左佢唔得又會好o的

私人傳訊

mylulu007

伯爵府

積分: 15536

12^#

發表於 12-6-13 14:11 |只看該作者

回覆 moonychan 的帖子

您囝囝好識計數喔~

你都可以同佢講, 哥哥出世俾妹妹為先, 儲下的愛怎也比妹妹多, 又點可以雙提並論呢!

樓主既然知哥哥佔有慾強, 就更加不應坐大囝囝的想法, 對他的人際關係發展也不好.

請工人照顧妹妹是因為妹妹未及哥哥咁叻, 可以照顧自己 (是但搵d具體例子讚哥哥), 妹妹得到的愛不會比他多, 但需要別人的照顧一定比他多.

工人開到口講笑叫請第二個姐姐, 點都會有咁既想法, 如果情況沒改善, 佢走係遲早既事. 就算有新工人來, 新工人要handle 兄妹都不容易, 更可能因為前因, 兩兄妹爭工人, 令新工人更難為.

私人傳訊

kathylo

大宅

積分: 3840

13^#

發表於 12-6-13 14:46 |只看該作者

回覆 zitzai 的帖子

樓主, 你個case同我兩個女和工人一樣, 工人8月到期, 唔續啦, 而且我地唔再請工人啦, 轉請鐘點和請62幫手接放學和煮晚飯

我兩個女都讀小學啦, 我和老公都要返工

5年前請呢個工人時, 我地已經同佢講大女好難攪, 大女當時3歲半, 細女1歲, 佢又係好似你個工人咁, 話ok無問題, 當時細女係bb, 未識反抗和無自己的主見, 所以, 個工人叫佢做就做, 只係大女比較煩, 到了近呢兩年, 連細女都4歲啦, 而大女就6歲, 已經識好多野, 知到咩叫公平, 咩叫偏心, 開始同個工人argue, 你罵我, 我罵你, 加上個細女開始有主見, 唔肯跟哂工人個套, 而個工人亦接受唔到, 開始對佢地無耐性, 發佢地脾氣, 起勢咁罵佢地, 有時兩個女對罵甚至出手打架, 佢一定罵個大女先, 所以, 大女投訴佢偏心, 只係沖涼, 行邊條樓梯, 咁小事的野, 個工人都可以同個大女勁罵, 跟者大女要離家出走等我地放工返來, 星期六晚, 我和老公出去食飯慶祝生日, 大女都要打電話來勁喊, 個工人係度又罵又喊, 要立即返屋企處理, 我地一直都同個工人講, 小朋友唔識控制自己的情緒, 但係身為成年人, 仲有3個兒女, 4x歲人, 都無理由同個小朋友一起發脾氣, 已經一早同佢講小朋友大啦, 都要尊重佢地的意見, 唔係佢個公仔, 亦都叫佢公平d, 唔好偏心細女, 叫佢若果口唔想煩, 可以搵過另一份工, 但係佢就ok啦ok啦, 最後, 情況和關係越來越差, 仲成日製造更多problem

所以, 可以的話, 自己做番, 對個小朋友都好d, 我老公只係講過我地唔可以唔要個大女, 但係工人只係過客, 唔想因為一個無謂人, 攪到家嘈屋敝, 影響小朋友的成長, 我地教小朋友都已經唔得閑, 仲要處理埋個工人, 無謂囉

私人傳訊

sorman

男爵府

積分: 7278

14^#

發表於 12-6-13 15:07 |只看該作者

moonychan 發表於 12-6-13 14:00
補充小小, 姐姐有試過因為對住仔仔太激氣, 而搣佢....及自己發自己脾氣做出打空氣的行為.

阿仔家下係咪都有7yo？識計算喇。換個新姐姐，佢可能覺得係佢成功逼走舊姐姐（唔理你用乜野理由同佢講），新姐姐黎到，佢佔有咁強，更加會爭取新姐姐關注。可能好乖但又可能係另一極端，就係做更多野等新姐姐去cater 佢。
如樓上位朋友所言，姐姐只係過客。最重要係你兩個仔女o既長遠心智／性格發展。應該乜野都以佢地為先

我唔知你屋企對工人o既需要程度，有冇諗過唔要姐姐／搵鐘點呢個方向？？換個新姐姐，即係多左更多變數，影響左改變阿仔o既方法同結果。係我，一係不變住，主力去搵方法教番好阿仔，一係直頭唔請姐姐，鐘點只係做清潔／買菜。

仲有，個人意見：唔好再什麼「邊個主力照顧大仔，邊個負責妹妹」小心陣間搞到細妹個佔有慾都強，學埋阿哥咁爭！兩兄妹就是兩兄妹，連家裡大人照顧o既，都係同時照顧兩兄妹啊～～你越俾阿哥見到有分別（你以為公平，但佢眼中只見到分別），佢只會希望得到更多。

去搵更多專業意見／去其他討論區問下其他朋友對小朋友爭寵o既意見啦～

私人傳訊

Milpitas

大宅

積分: 2333

15^#

發表於 12-6-13 17:40 |只看該作者

我的家庭情况和你一样，不过你说的问题在我们家不严重。我家大少二少从小就知到不能动工人一根汗毛，小则要马上要跟工人说对不起兼‘呵呵’工人，大则要罚 time out. 对工人动手在我们家是零容忍。我跟我老公都严格执行从不辜惜。

他们两兄弟当然也有打架的情况，我们是先马上把他们分开，给他们机会说出不满（把情绪抒发出来有助于他们之后冷静听我们说），然后想出一个公平的处理方法，和他们解释，再一同执行。

久而久知，工人看见他们有纠纷就照办’学，照办做。现在，在教育孩子方面，我家是爸爸，妈妈，和工人都 on the same page.

这样，工人受到尊重，又有一个 guideline 去处理纠纷，做事就容易得多，和孩子感情也有增无减。孩子因为所有大人都用同一个方法，所以不能走‘精面’。

我想，这样不就是 win win situation 吗？