婆媳關係 今日: 0 | 主題: 27775

積分: 4483

1^#

發表於 12-8-2 14:39 |只看該作者 |倒序瀏覽 |打印

忍咗好耐 , 終於又要係度向大家呻下先 , 觀點與各度不同 , 不喜勿插 ~

宜家大住個肚 , 夜晚訓得唔好 , 成日胡思亂想 , 諗咗好多野 , 我會唔會因為 99 要同 C6 分開呢 ? 因為我宜家成日諗住返外家 , 6299 雖然好鍚我 , 或者因為我好多野都係 "忍" 之訣 , 好多野順到佢意就順佢意 , 因為始終一齊住 , 而且 99 身體唔多好 , 唔激得 , 不過我越來越覺得好辛苦 , 因為 99 成日用佢個思想要人跟佢咁樣做 , 我覺好煩 , 但又唔可以發佢脾氣 , 自己媽咪就話鬧完無隔夜仇 , 但 99 就一定有囉 ! 我怕我就快有抑鬱 ~ C6 又愚孝 , 我同 C6 講當有一日我搬回娘家 , 你唔洗嚟接我 , 我一定不會回頭。

宜家有時成日夾起 99 同自己媽咪中間 , 試過發媽咪脾氣 , 喊到收唔聲 , 因為左右做人難 ! 媽咪見我咁就讓我囉 ! 始終都係自己爸爸媽咪會體諒你。

唔再講坐月問題 , 99 成日話我姪仔好鍾意同佢兩個孫玩 , 其實係佢覺兩個孫成日係屋企悶 , 想去我娘家玩 Wii , 媽咪平日湊孫 , 得星期日可以休息下 , 99 又會一早入去話同我媽咪食早餐 , 媽咪想訓晏 D 都唔得 , 我娘家又細 , 有時佢兩個孫會係媽咪房睇碟 , 最衰就係拎埋 D 野食入去 , 到走後媽咪要換過晒 D 床單 , 怕污穢野蟻 , 我開口話過 99 兩個孫唔可以係房食野 , 99 聽到會喝佢哋兩句 , 但佢哋態度依舊 , 因為佢哋係屋企都係拎野入房食。媽咪就覺好討厭 , 次次聽到 99 話要一齊入去 , 佢就會叫我唔好返去 , 但我話點推 99 ? 我返就得 , 一聽到佢哋一齊入嚟就話唔好嚟 ! 唉 ~ 我又唔可以同 C6 講 , 我媽好憎你媽入去佢度 !

99 成日同我講點煲薑醋 , 又話要邊隻醋先好食 , 又話要加咩落去 , 又叫我媽唔好太早煲 , 我話我媽有自己個套 , 佢近日就叫我上網睇吓邊度有佢個隻醋買 , 叫我訂埋送去我娘家 , 我話我媽有佢自己煲個一套 , 上次我同我媽講 , 我媽已經發脾氣 , 唔識煲佢個種 , 咁叻叫佢自己煲。我媽已經好有經驗 , 因為我妹都係生完無幾耐 ~

99 成日迫我拎野返娘家 , 話成日返娘家唔拎野返唔好睇 , D 野又重 , 有次過份到拎榴槤 (不過無穀) , 已經講咗唔拎 , 有些人唔食會好慘 , 佢就死都話好多膠袋無味 , 完全無理過我感受 , 係咁迫我拎上車 , 一上車就已經好大陣味 , 攪到我唔好意思 , 早幾個站落車行返去 , 返到去我爸媽已經話有無攪錯。到我媽叫 C6 拎野返去 , 99 就會話 C6 好拎野返去 , 咁我都同你講次次返去都買野 , 我媽一定會回禮 , 你唔洗我拎返去 , 我媽咪唔會買回禮囉 !

仲有好多....... 唉 ! 所以我都唔知我可以忍幾耐 ~

0 1 0

私人傳訊

積分: 4483

2^#

發表於 12-8-2 14:45 |只看該作者

最嬲係前日 , 之前每馮大伯放假 , 星期 6 , 日 , 99 出街 , 我就會同 C6 返娘家食飯 , 自從個女人走咗 , 到宜家都未返 (可以睇返我之前 D POST) , 99 同我講大伯放假個日唔好返去娘家 , 我話到時先算 , 咁大伯放假 , C6 問我係咪回娘家 , 我話 : 係 ~ 99 黑面 , 之後同 C6 講今個星期 6 唔準佢跟我返娘家 , 等我自己一個人返。

私人傳訊

stevekit

積分: 7377

畀面勳章

3^#

發表於 12-8-2 14:58 |只看該作者

我會忍唔到~
我會自己返娘家~

樓主辛苦晒~

私人傳訊

renocheung

積分: 5564

4^#

發表於 12-8-2 15:08 |只看該作者

睇左你d post 好耐
其實你99 係好好
不過佢係對大伯好過你囉
以為自己一定係岩
可以就佢
但唔可以過份
俾佢知你係有脾氣
唔係你叫我忍我一定要忍

私人傳訊

黃家小新抱

水晶宮

積分: 61529

大廚勳章 BK Milk勳章畀面勳章

5^#

發表於 12-8-2 15:09 |只看該作者

:;pppp: 老人家...點都要d 細的跟佢嗰套...
我係你就去阿媽到....廢事對住隻99...唔係人都din

為咗見到黃先生個為食樣~誓要煮好每一餐飯~ 黃先生食得開心~黃師奶煮得用心

私人傳訊

shinku

珍珠宮

積分: 43116

2018復活節勳章畀面勳章環保接龍勳章 15週年勳章親子王國15週年勳章

6^#

發表於 12-8-2 15:22 |只看該作者

candy-chiu 發表於 12-8-2 14:39
忍咗好耐 , 終於又要係度向大家呻下先 , 觀點與各度不同 , 不喜勿插 ~

宜家大住個肚 , 夜晚訓得唔好 , 成 ...

鎖門咪無得入羅？咁得唔得？
好唔好意思都同你９９講唔好比佢地黎啦，
因為事實上係真係做多好多野，
大時大節過黎一次ＯＫ，
但成日都係咁唔得掂

私人傳訊

xodebby

子爵府

積分: 12453

2024年龍年勳章畀面勳章 BK Milk勳章

7^#

發表於 12-8-2 15:25 |只看該作者

每逢番6299度食飯, 我99都係好鐘意"質"d 野食生果叫我地拎番去~我地話屋企有, 佢係都要"質"~有時仲會話阿麻以前都係咁, 等你無得拒絕~

而家一食完飯, 差不多走,就會同c6打眼色著定鞋, 一叫走就即開門, 走人!~~

私人傳訊

李大嫂

侯爵府

積分: 23500

8^#

發表於 12-8-2 15:31 |只看該作者

點解你大伯放假你老公就唔可以陪你返娘家?
返娘家時唔好同佢講囉,話約左人去街.至於薑醋咪佢有佢講,亞媽照自己方法煲,佢再講咪話既然咁叻,佢自己煲返自己o個份啦.

私人傳訊

chowchow2012

子爵府

積分: 11041

BK Milk勳章

9^#

發表於 12-8-2 15:43 |只看該作者

你99真係好Q煩…..

私人傳訊

Erised

積分: 5056

10^#

發表於 12-8-2 15:55 |只看該作者

ｅ？唔知個女人走左，係咪我miss左劇情？

個女人走左去邊？

其實你奶奶好錫你既，不過做呀媽既多數都有點煩兼霸權，換著我呀媽都係咁，但本意係錫自己就忍下啦，你奶奶已經算唔錯架啦，咁難得先踢走左個女人。

點評

candy-chiu 個女人走咗啦 ! 佢家姐一個人住 , 佢搬咗去佢家姐度啦 ~ 發表於 12-8-2 16:22

私人傳訊

Erised

積分: 5056

11^#

發表於 12-8-2 16:09 |只看該作者

睇番你舊post，唉，辛苦你啦！

你都忍得好辛苦，就到就遷就下，就唔到就出聲啦，你有自己既主見好合理，你老爺奶奶唔係唔好，但就太愛面子，無理會實際需要。有時真係無辦法依從，就行你自己想行既方法啦。同老公多ｄ溝通，令佢明白你既需要，唔好一味淨係要你跟佢呀媽果套。好多野無得兩全其美，但無理由次次都犧牲你架姐。大肚婆多ｄ休息，唔好胡思亂想啦。

點評

candy-chiu 如果 C6 肯聽我講野 , 就唔會連坐月都唔幫我 ~ 唉 ! 發表於 12-8-2 16:23

私人傳訊

積分: 4483

12^#

發表於 12-8-2 16:20 |只看該作者

回覆 renocheung 的帖子

我都知 99 係鍚大伯多 D , 我有時已經唔忍 99 嫁啦 !
好似佢叫我大伯放假唔好返外家 , 我都唔理佢 ! 照返 ~

私人傳訊

積分: 4483

13^#

發表於 12-8-2 16:21 |只看該作者

回覆 shinku 的帖子

唔好意思 , 你係咪誤會咗我既意思哦~
係 99 打擾我娘家呀 !

私人傳訊

shinku

珍珠宮

積分: 43116

2018復活節勳章畀面勳章環保接龍勳章 15週年勳章親子王國15週年勳章

14^#

發表於 12-8-2 16:29 |只看該作者

candy-chiu 發表於 12-8-2 16:21
回覆 shinku 的帖子

唔好意思 , 你係咪誤會咗我既意思哦~

可能我表達得唔好
我既意思係，可唔可以叫你媽媽鎖門，唔比小朋友入房？
根本上人屋企入人房都唔禮貌

或者直接同你９９講話，
因為每次上去你媽媽都做多好多功夫，
所以一係唔好帶小朋友去，一係就一段時間先上去，
再唔係約出去食野都得唔駛入屋，
無理由要應酬你９９而要苦了你媽

私人傳訊

cookiekwong

積分: 3163

陪月勳章畀面勳章

15^#

發表於 12-8-2 16:40 |只看該作者

我o係大住肚同生完時個幾月,我都成日諗係咪同c6分開,為o左99同個姑仔!!!

我當時仲好冷靜同自己講,縱使我同c6感情很好很好,但我真係頂唔順呢2個女人!!

我同你case一樣62好錫我.99都可以話唔係唔錫我law,不過~~鐘意當我係工人!!

到依家我同c6己經搬咗出去~我依家到頭諗,自己當時咁唔開心,原來最大成因係自己太過去就他家人...自己先係個真兇!!!

所以我係你我會

1.我唔會令自己阿媽唔開心先,仲要係因為99
2.你要坦白同你c6講你的感受,你的想法,依家發生緊ga事!!事實真係你(c6)阿媽搞到我阿媽唔開心!!個2個小朋友無禮貌,每個家都有自己家rule.
3.你同c6己經結o左婚,bb就快出來,你們己經有自己個家,如果你c6依家仲唔好好take care你(包括你情緒),第時點樣保護你的家?!!!
4.最後我會強調,我陀住bb己經真係好辛苦...再係咁我真係會爆,到時我真係出o左去,我真係唔會返o黎!!!!

樓主唔好自己再忍,我當時陀bb又係忍同就,搞到我個時日日都哭,真係好唔值得!!

私人傳訊

積分: 4483

16^#

發表於 12-8-2 16:42 |只看該作者

回覆李大嫂的帖子

我估係因為 99 想我 C6 煮飯 , 如果 99 出街 , 有時 62 會自己煮 , 但 99 唔想 62 煮 , 就會叫 C6 返去煮 , 之前未結婚 , 99 都試過叫 C6 唔好去街 , 返去煮飯 , 因為 62 唔鍾意出街食。99 暫時唔會叫我返去煮飯 , 一來我唔太識 , 二來我大住個肚 , 而且佢知我會同我爸媽講 , 所以佢只會叫 C6 , 唔好問我點解唔叫大伯煮 , 或者 C6 受佢控制 D 掛 , 只要 99 講一句 , C6 就會去做 , 大伯就唔會。

私人傳訊

gooddaynight

積分: 4948

17^#

發表於 12-8-2 16:59 |只看該作者

講真我真係唔覺你99有幾好，咪又係恃住自己係99乜都要話事
我諗你以後最好都係唔好再俾你99去你媽咪度，開始要識講話唔方便，理得佢鍾唔鍾意
本身我覺得做襯家就唔洗點見面架啦，而家仲要係你99唔識做成日帶D 細路去攪著你媽咪，係時候要SAY NO 啦

點評

tenzero agree 發表於 12-8-2 22:30

私人傳訊

siutsunboy

伯爵府

積分: 15345

18^#

發表於 12-8-2 17:13 |只看該作者

回覆：越來越受不了~

真係受不了就走開一陣啦，好老實，將來BB出世你地會有更多矛盾，如果你唔表達自己感受會好辛苦

私人傳訊

積分: 4483

19^#

發表於 12-8-2 17:30 |只看該作者

回覆 shinku 的帖子

我娘家好細 , 我媽間房出面鎖唔到嫁 , 係 "擋" 門 , 要個人係裡面先鎖到 ~
我媽就係為了比面我 99 , 所以唔當面話佢兩個小朋友 , 媽咪話唔想我難做 , 話到我坐月個時就可能會同 99 反面。因為 99 根本唔識得幫我坐月 , 要面留我係男家度 , 宜家 99 成日聽 D C9 講坐月食 D 咩 , D C9 話只係食雞喎 ! 一星期食兩次就夠 , 又話就咁用豬肉煲黃酒 , 我媽聽完皺眉頭。

私人傳訊

booboo_long